ខ្លះពាក់អាវភ្លៀង និងខ្លះទៀតទអង្គុយហាលភ្លៀង មើលការប្រកួតបាល់ទាត់មិត្តភាពអន្តរជាតិរវាងកម្ពុជា និងសិិង្ហបុរីដែលកម្ពុជា បានទទួលជោគជ័យ២ទល់នឹង១ ដោយធ្វើអោយមានការភ្ញាក់ផ្អើលជាខ្លាំងអំពីសមត្ថភាពក្រុមកីឡាករកម្ពុជា។
នៅក្នុងរយ:ពេលប៉ុន្មានឆ្នាំចុងក្រោយនេះ កីឡាកម្ពុជាហាក់ដូចជាមានសន្ទុះខ្លាំងដោយដណ្តើមបានជាមេដាយមាស និងឈ្នះការប្រកួតជាលក្ខណ:អន្តរជាតិមួយចំនួន។ ចំណែកអ្នកគាំទ្រកីឡាក៏កាន់តែពុះកញ្ជ្រោលដោយមានមនុស្សចូលទស្សនាការប្រកួតកីឡាបាល់ទាត់ពេញពហុកីឡដ្ឋានជាតិ។
វាមានសារសំខាន់ខ្លាំងណាស់ដែលកម្ពុជា ត្រូវតែជំរុញវិស័យកីឡានេះអោយបានខ្លាំង។ ម្យ៉ាងភាពល្បីល្បាញខាងកីឡានឹងជួយលើកស្ទួយកេរ្ត៍ឈ្មោះប្រទេសកម្ពុជាអោយល្បីល្បាញនៅលើឆាកអន្តរជាតិហើយទាក់ទាញបរទេសអោយមកទស្សនាកម្ពុជា។ ដូច្នេះកីឡាករប្រៀបបីដូចជាឯកអគ្គរាជទូតសុឆន្ទះដែលនឹងជួយឃោសនាប្រទេសកម្ពុជាផងដែរ។ តាមរយ:កីឡាកម្ពុជាក៏កាន់តែមានមិត្តច្រើននៅក្នុងពិភពលោកផងដែរ។
ការបណ្តុះស្មារតីស្រឡាញ់កីឡាករនៅក្នុងចំណោមយុវជន និងយុវតី ក៏មានសារសំខាន់ផងដែរ ទាំងលើផ្នែករាងកាយ ស្មារតី និងសុខភាព។ យុវជន និយុវតីដែលលេងកីឡានឹងមានសុខភាពរាងកាយមាំមួន មានប្រាជ្ញាវាងវៃ និងមានសុខភាពល្អ។ ក្រៅពីនោះ វាក៏ធ្វើអោយពួកគេមិនប្រឡូកនឹងបញ្ហាសង្គមផ្សេងៗ ដូចជាការប្រើប្រាស់គ្រឿងញៀន និងផឹកគ្រឿងស្រវឹងហួសហេតុ។
ដោយសារសំខាន់បែបនេះ រដ្ឋាភិបាលត្រូវបង្កើនការលើកទឹកចិត្តផ្សេងៗដល់ក្រុមកីឡាករ ដើម្បីអោយពួកគេរឹតតែប្រឹងប្រែងប្រកួត ដើម្បីដណ្តើមជ័យជំនះជូនប្រទេសជាតិ។ កីឡាករល្បីៗទាំងអស់ ពិេសសកីឡាករល្បីៗ និងពូកែ គួរត្រូវបានទទួលការយកចិត្តទុកដាក់ឧបត្ថម្ភ ជាពិេសសដើម្បីអោយពួកគេអាចមានជីវភាពធូរធា និងមានពេលវេលាគ្រប់គ្រាន់ដើម្បីហាត់ពង្រឹងសមត្ថភាព៕
ចែករំលែកព័តមាននេះ