ឃើញបណ្ដើរម៉ូតូ ហៅសួរនាំទើបដឹង
រាជធានីភ្នំពេញ ៖ មនុស្សប្រុសស្រី៣នាក់ត្រូវបានសមត្ថកិច្ចធ្វើការឃាត់ខ្លួនជាបន្តបន្ទាប់កាលពីរសៀលថ្ងៃទី២៨ ខែកក្កដា ឆ្នាំ ២០១៦ នៅចំណុចផ្ទះលេខ២៨A ស្ថិតក្នុងភូមិទ្រា១
រាជធានីភ្នំពេញ ៖ មនុស្សប្រុសស្រី៣នាក់ត្រូវបានសមត្ថកិច្ចធ្វើការឃាត់ខ្លួនជាបន្តបន្ទាប់កាលពីរសៀលថ្ងៃទី២៨ ខែកក្កដា ឆ្នាំ ២០១៦ នៅចំណុចផ្ទះលេខ២៨A ស្ថិតក្នុងភូមិទ្រា១
រាជធានីភ្នំពេញ ៖ មនុស្សប្រុសស្រី៣នាក់ត្រូវបានសមត្ថកិច្ចធ្វើការឃាត់ខ្លួនជាបន្តបន្ទាប់កាលពីរសៀលថ្ងៃទី២៨ ខែកក្កដា ឆ្នាំ ២០១៦ នៅចំណុចផ្ទះលេខ២៨A ស្ថិតក្នុងភូមិទ្រា១ ក្នុងសង្កាត់ស្ទឹងមានជ័យ ខណ្ឌមានជ័យ ។
លោក ហួរ ម៉េងវ៉ាង អធិការរងនគរបាលខណ្ឌមានជ័យ បានប្រាប់ឱ្យដឹងថា ជនសង្ស័យដែលបានឃាត់ខ្លួនមាន ១-ឈ្មោះ ជុំ សេរីវុធ ហៅ ឡា ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវលំ ភូមិម័ល សង្កាត់ដង្កោ ខណ្ឌដង្កោ, ២-ឈ្មោះ ចាន់ សុភា ហៅ អាណាន ភេទស្រី អាយុ៣០ឆ្នាំ មុខរបរបម្រើការនៅក្នុងហាងខារ៉ាអូខេនគរសំរិទ្ធ ស្នាក់នៅផ្ទះលេខ ២៨A ផ្លូវលំ ក្រុម៣ ភូមិទ្រា១ សង្កាត់ស្ទឹងមានជ័យ ខណ្ឌមានជ័យ និង ៣-ឈ្មោះ រុន មុន្នី ភេទប្រុស អាយុ២៧ឆ្នាំ មុខរបរនិងទីលំនៅមិនពិតប្រាកដ ។
លោក ហួរ ម៉េងវ៉ាង បានឲ្យដឹងទៀតថា មុនពេលកើតហេតុ កម្លាំងរបស់លោកបានប្រទះឃើញជនសង្ស័យឈ្មោះ រុន មុន្នី កំពុងបណ្តើរម៉ូតូម៉ាកនិច ពណ៌ត្រួយចេក ពាក់ស្លាកលេខ ភ្នំពេញ 1BS-3257 ដោយមានការសង្ស័យក៏ឃាត់សួរនាំ ទើបដឹងថា ជាម៉ូតូដែលរូបគេទើបតែធ្វើសកម្មភាពលួចបាន ។ ក្រោយពេលធ្វើការឃាត់ខ្លួនជនសង្ស័យម្នាក់ និងម៉ូតូ១គ្រឿងរួចហើយ កម្លាំងរបស់លោកក៏ធ្វើការស្រាវជ្រាវ និងឈានទៅឃាត់ខ្លួនជនសង្ស័យជាបក្សពួកប្រុសស្រី២នាក់ជាបន្តបន្ទាប់ទៀត ដោយដកហូតបានម៉ូតូម៉ាក ហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ 1EF-2748 មួយគ្រឿងទៀត ថ្នាំញៀនប្រភេទម៉ាទឹកកក៣កញ្ចប់ (២កញ្ចប់ធំ និង១កញ្ចប់តូច) ជញ្ជីងថ្លឹងមួយ ស្លាកលេខម៉ូតូចំនួន៥បន្ទះ រួមទាំងវត្ថុតាងមួយចំនួនទៀតផងដែរ ។
ជនសង្ស័យជាចោរលួចម៉ូតូ និងជួញដូរថ្នាំញៀនប្រុសស្រីទាំង៣នាក់ រួមទាំងវត្ថុតាង ត្រូវបានបញ្ជូនយកមកធ្វើការសាកសួរ និងកំណត់ហេតុ ដើម្បីបញ្ជូនទៅកាន់អធិការដ្ឋាននគរបាលខណ្ឌមានជ័យចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ