ខេត្តព្រៃវែង ៖ បុរសម្នាក់ដោយសារតែជីវភាពក្រីក្រខ្លាំងពេក បានធ្លាក់ខ្លួនទៅជាមនុស្សស្រវឹងខួបរហូតគិតខ្លីដាច់ចិត្តចង.កធ្វើអត្តឃាតចោលប្រពន្ធ និងកូន៧នាក់ឲ្យនៅកំព្រាឯកា ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៩ ខែកក្កដា ឆ្នាំ២០១៦ នៅក្នុងខ្ទមតូចមួយរបស់ជនរងគ្រោះនៅក្នុងភូមិស្ទឹងស្លូត ឃុំអ្នកលឿង ស្រុកពាមរក៍ ខេត្តព្រៃវែង ។
សមត្ថកិច្ចបានឲ្យដឹងថា បុរសដែលចង.កធ្វើអត្តឃាតចោលប្រពន្ធ និងកូន៧នាក់(ប្រុស២នាក់ ស្រី៥នាក់) ឈ្មោះ ពិន ភុន អាយុ៤០ឆ្នាំ មានប្រពន្ធឈ្មោះ ម៉ិច នាង អាយុ៤១ឆ្នាំ ។
ប្រភពពីបងប្អូនជនរងគ្រោះបានឲ្យដឹងថា ដោយសារតែជីវភាពគ្រួសារចេះតែដុនដាបទៅៗ ពឹងប្តីរកស៊ីជាកម្មករលីលែងដែលស្រវឹងខួបស្ទើររាល់ថ្ងៃមិនកើត ស្ត្រីជាប្រពន្ធក៏ដាច់ចិត្តទៅទៅចោលប្តីដើម្បីទៅរកស៊ីដាំបាយលក់នៅទីក្រុងភ្នំពេញ តែទៅមិនទាន់បាន១ខែផង ស្រាប់តែប្តីប្រមឹករូបនេះបែរជាដាច់ចិត្តចង.កសម្លាប់ខ្លួនចោលប្រពន្ធ និងកូនទាំង៧នាក់ឲ្យនៅកំព្រាយ៉ាងវេទនាទៅវិញ ។
សមត្ថកិច្ចដែលបានចុះទៅពិនិត្យធ្វើកោសល្យវិច្ច័យសាកសព បានឲ្យដឹងថា បុរសរងគ្រោះពិតជាធ្វើអត្តឃាត ដោយយកក្រមាពណ៌ក្រហម-ស២តគ្នាដោយម្ខាងចងភ្ជាប់ទៅនឹងធ្នឹមផ្ទះឯម្ខាងទៀតចង.កសម្លាប់ខ្លួនពិតប្រាកដមែន ៕
ចែករំលែកព័តមាននេះ