មហាជនសម្តែងការហួសចិត្ត និងសោកស្តាយរឿងបាត់កង់
រាជធានីភ្នំពេញ ៖ គិតមកដល់ពេលនេះ គឺមានរយៈពេល១០ថ្ងៃហើយ ដែលបុរសជនជាតិជប៉ុនម្នាក់ ឈ្មោះ Shun Yanagisawa បានបាត់កង់របស់គាត់ នៅក្នុងទឹកដីរាជធានីភ្នំពេញ ។
រាជធានីភ្នំពេញ ៖ គិតមកដល់ពេលនេះ គឺមានរយៈពេល១០ថ្ងៃហើយ ដែលបុរសជនជាតិជប៉ុនម្នាក់ ឈ្មោះ Shun Yanagisawa បានបាត់កង់របស់គាត់ នៅក្នុងទឹកដីរាជធានីភ្នំពេញ ។
រាជធានីភ្នំពេញ ៖ គិតមកដល់ពេលនេះ គឺមានរយៈពេល១០ថ្ងៃហើយ ដែលបុរសជនជាតិជប៉ុនម្នាក់ ឈ្មោះ Shun Yanagisawa បានបាត់កង់របស់គាត់ នៅក្នុងទឹកដីរាជធានីភ្នំពេញ ។ ហួសចិត្ត! ជិះកង់កម្សាន្តច្រើនប្រទេសមិនអី ស្រាប់តែមកអីនៅកម្ពុជា
បើទោះបីជាលោកពុំមានសង្ឃឹមថា នឹងរកឃើញវាវិញក៏ដោយ តែចាប់តាំងពីថ្ងៃបាត់ រហូតដល់ថ្ងៃទី២៩ កក្កដា នេះ លោកមិនបានបោះបង់ការតាមរកនោះទេ គឺនៅតែចេញដើររកត្រុកៗ នៅតំបន់ជុំវិញផ្សារកណ្ដាល និងផ្សារអូរឬស្សី ដើម្បីឱ្យអស់ចិត្ត មុននឹងលោកត្រូវជិះរថយន្តក្រុង ឆ្ពោះទៅប្រទេសថៃ និងបន្ដដំណើរទៅប្រទេសរបស់ខ្លួនវិញ នៅថ្ងៃទី៣០ កក្កដា ដែលធ្វើឱ្យមហាជនបានសម្ដែងការចូលរួមសោកស្ដាយ អាណិតអាសូរក្រៃលែង ក្រោយពីកោះសន្ដិភាពបានចុះផ្សាយអំពីព័ត៌មាននេះ ។
តើកង់នោះ វាមានតម្លៃណាស់ទៅឬសម្រាប់គាត់? បើទោះបីជាវាមិនមានតម្លៃមហាសាល តែបើគិតពីអនុស្សាវរីយ៍ ដែលវានៅជាមួយ គឺអាចនិយាយបានថា វានិងលោក Shun គឺពិតជាយល់ចិត្តគ្នាល្អណាស់ រកអ្វីមកប្រៀបមិនបានឡើយ ដូច្នេះ វាពិតជាមានតម្លៃសម្រាប់លោក ។
មុនចាកចេញពីកម្ពុជា លោកបានរៀបរាប់ថា «ព្រឹកថ្ងៃស្អែកនេះ ថ្ងៃទី៣០ កក្កដា ខ្ញុំនឹងចាកចេញពីកម្ពុជាវិញហើយ សង្ឃឹមថា នឹងមានតម្រុយខ្លះៗពីកង់របស់ខ្ញុំ ។ ហើយបើទោះបីខ្ញុំទៅដល់ប្រទេសជប៉ុនក៏ដោយ ប្រសិនបើសមត្ថកិច្ច ឬបងប្អូនខ្មែរ បានរកឃើញវិញ សូមមេត្តាផ្ដល់ដំណឹងមកការិយាល័យកោះសន្ដិភាព យ៉ាងយូរ២សប្ដាហ៍ក្រោយ ខ្ញុំនឹងមកយកវាវិញ» ។
ទន្ទឹមនឹងនេះ លោកក៏សូមអរគុណដល់សារព័ត៌មានកោះសន្ដិភាព ដែលបានជួយចុះផ្សាយពីព័ត៌មានរបស់លោក និងអរគុណដល់ទឹកចិត្តប្រិយមិត្តអ្នកអាន ដែលបានអាណិតអាសូរដល់រូបលោក ។
ជាមួយគ្នានេះ កោះសន្ដិភាពសូមអំពាវនាវសារជាថ្មីម្ដងទៀត ចំពោះបងប្អូន និងអាជ្ញាធរមានសមត្ថកិច្ច ប្រសិនបើប្រទះឃើញ និងបានស្គាល់កង់ ដូចមានភិនភាគក្នុងរូបថតនេះ សូមជួយផ្ដល់ដំណឹងមកការិយាល័យកោះសន្ដិភាពផង តាមរយៈលេខទូរស័ព្ទ ០១៧ ៤៤៩ ០១៧ ដើម្បីបង្ហាញពីទឹកចិត្តខ្មែរ ចេះជួយទុក្ខធុរៈគ្នា និងស្រឡាញ់មុខមាត់ប្រទេសជាតិ ។
គួរបញ្ជាក់ថា លោក Shun Yanagisawa បានជិះកង់ចាកចេញពីជប៉ុនឆ្លងកាត់ជាច្រើនប្រទេស ទើបមកដល់កម្ពុជា ដូចជាកោះតៃវាន់, ហ្វីលីពីន, សិង្ហបុរី ម៉ាឡេស៊ី, ថៃ ដែលគិតចាប់ពីធ្វើដំណើរមកដល់ពេលនេះ ជិត១ឆ្នាំហើយ ។ តែជាអកុសល កាលពីថ្ងៃទី១៨ កក្កដា នៅពេលលោកមកស្នាក់នៅសណ្ឋាគារ Aura Thematic Hostel ស្ថិតនៅផ្ទះលេខ២០៥ ផ្លូវលេខ១៩ ក្រោយព្រះបរមរាជវាំង កង់របស់គាត់ត្រូវចោរលួចបាត់ ។
ចែករំលែកព័តមាននេះ