ស្ត្រីរាប់ពាន់នាក់នៅអាហ្សង់ទីនបានចូលរួមតវ៉ាប្រឆាំងបម្រាមបំបៅដោះកូននៅទីសាធារណៈរបស់ប៉ូលិស ។ ស្ត្រីទាំងនោះប្រមូលផ្តុំគ្នាបំបៅដោះកូននៅទីសាធារណៈ រួមទាំងមាននារីអ្នកអានព័ត៌មានម្នាក់ចូលរួមបំបៅដោះកូនដែរ ពេលកំពុងផ្សាយព័ត៌មានតាមស្ថានីយទូរទស្សន៍ ។
ការតវ៉ានោះបានកើតឡើងក្រោយពីនាង Coni Santos អាយុ២២ឆ្នាំ ត្រូវប៉ូលិសហាមឃាត់មិនឱ្យបំបៅដោះកូននៅទីសាធារណៈក្នុងក្រុងសានអីុស៊ីដ្រូ ជាយក្រុងប៊ុយណូស៊ែ ប្រទេសអាហ្សង់ទីន ។ នាង Coni Santos ក៏បង្ហោះតាមអីុនធើរណេតដែរ ពីការបំបៅដោះកូនរបស់នាងក្នុងពេលផ្សាយព័ត៌មានតាមទូរទស្សន៍ ។
កាលពីពេលមុននេះ មានស្ត្រី ល្បីៗជាច្រើននាក់ចូលរួមតវ៉ាលើបញ្ហាហាមស្ត្រីបំបៅដោះកូននៅទីសាធារណៈដែរ ដូចជានាង Evangelina Anderson ប្រពន្ធរបស់កីឡាករ Martin Demichelis របស់ក្លឹប Man city ក្របខណ្ឌប្រឺមីញេលីកអង់គ្លេសជាដើម ហើយបានបង្ហោះរូបភាពការបំបៅដោះកូនតាមហ្វេសប៊ុកផងដែរ៕
ចែករំលែកព័តមាននេះ