តម្លៃប្រេងបានធ្លាក់ចុះដល់កម្រិតទាបក្នុងរយៈពេល៣ខែ នេះបណ្តាលមកពីការព្រួយបារម្ភផ្សេងៗនៅតែកើនឡើង ដែលថាការផ្គត់ផ្គង់លើសតម្រូវការទូទាំងពិភពលោកនៃប្រេងឆៅ និងឧស្ម័នធម្មជាតិ ។
តម្លៃប្រេងបានធ្លាក់ចុះដល់កម្រិតទាបក្នុងរយៈពេល៣ខែ នេះបណ្តាលមកពីការព្រួយបារម្ភផ្សេងៗនៅតែកើនឡើង ដែលថាការផ្គត់ផ្គង់លើសតម្រូវការទូទាំងពិភពលោកនៃប្រេងឆៅ និងឧស្ម័នធម្មជាតិ ។
តម្លៃប្រេងអាមេរិកបានធ្លាក់ចុះ២,៤% ស្មើនឹង៤៣,១១ដុល្លារក្នុងមួយបារ៉ែល ដែលវាគឺជាកម្រិតទាបបំផុតចាប់តាំងពីខែមេសាមក មានន័យថា វាបានធ្លាក់ចុះ១២% រហូតមកទល់ខែនេះ ។ ប្រភេទប្រេងឆៅបានធ្លាក់ចុះ២,១% ស្មើនឹង៤៤,៧៥ដុល្លារ ដែលវាជាកម្រិតទាបបំផុតចាប់តាំងពីថ្ងៃទី១០ ឧសភា មក ។
ភាគហ៊ុនប្រេង និងក្រុមហ៊ុននានាក៏បានធ្លាក់ចុះផងដែរ ក្នុងនោះភាគហ៊ុនក្រុមហ៊ុន Exxon Mobil បានថយចុះ១,៨% និង Chevron ថយចុះ២,៦% ។
អ្នកវិភាគមកពី EY energy លោកSanjeev Gupta បានលើកឡើងថា ៖ « ទីផ្សារប្រេងឆៅកំពុងស្ថិតក្រោមសម្ពាធ ខណៈការផ្គត់ផ្គង់ប្រេងបានចាប់ផ្តើមលូតលាស់ជាថ្មីម្តងទៀត ដោយសារតែទីតាំងផលិតប្រេងនៅអូស្ត្រាលីរងផលប៉ះពាល់ដោយសារភ្លើងឆេះព្រៃ » ។
យ៉ាងណាមិញ ទិន្នន័យរបស់ក្រុមហ៊ុនស្រាវជ្រាវទីផ្សារ Genscape ក៏បានបង្ហាញថា ផលិតកម្មអាមេរិកបាននិងកំពុងកើនឡើងផងដែរ ។ ការផលិតនៅមូលដ្ឋានចែកចាយរដ្ឋ Cushing និង Oklahoma បានកើនឡើង១,១លានបារ៉ែល រហូតមកដល់ថ្ងៃទី២២ កក្កដា កន្លងមកនេះ ។
ក្រុមហ៊ុន Morgan Stanley បានលើកឡើងថា ៖ « ការផ្គត់ផ្គង់នៅតែមានការរំខាន ផលិតផលប្រេងចម្រាញ់បានផ្គត់ផ្គង់លើសកម្រិត និងតម្រូវការប្រេងឆៅធ្លាក់ចុះធ្វើឱ្យតម្រូវការផលិតតិច » ។
កាលពីថ្ងៃសុក្រកន្លងទៅ ទិន្នន័យបានបង្ហាញថា ចំនួននៃការទាញយកប្រេង និងឧស្ម័ននៅអាមេរិកមានការកើនឡើង៤សប្តាហ៍ជាប់ៗគ្នា។
ការធ្លាក់ចុះតម្លៃពីខ្ពស់បំផុត ពោលគឺ១១៥ដុល្លារក្នុងមួយបារ៉ែលកាលពីឆ្នាំ២០១៤ បានធ្វើឱ្យក្រុមហ៊ុនផលិតប្រេងជាច្រើនកាត់បន្ថយចំនួនស្ថានីយរបស់ខ្លួន ខណៈការផលិតប្រេងមិនទទួលបានផលចំណេញ ។ ប៉ុន្តែបើទោះជាការធ្លាក់ចុះការផ្គត់ផ្គង់ប្រេងឆៅរបស់អាមេរិកជាងមួយឆ្នាំមកនេះក្តី ក៏នៅតែមានប្រេងស្តុកជាច្រើនក្នុងប្រទេសដដែល ។
តម្លៃនៃប្រាក់ដុល្លារដែលបានកើនជាលំដាប់ជាងមួយខែមកនេះ ក៏បានបន្ថែមបន្ទុកលើតម្លៃប្រេងឆៅផងដែរ ៕
ចែករំលែកព័តមាននេះ