ថ្ងៃទី៥ សីហា ២០១៦ គឺជាខួបលើកទី៩ នៃការបង្កើតក្រុមចម្រៀងនារីកូរ៉េ Girls’ Generation ពោលគឺ ៥ សីហា ២០០៧ និង ៥ សីហា ២០១៦។
ដើម្បីថ្លែងអំណរគុណបណ្តាអ្នកគាំទ្រជុំវិញពិភពលោកដែលស្រឡាញ់ និងគាំទ្រខ្លួន ក្រុម Girl’s Generation ត្រៀមបទចម្រៀង ជាពិសេសសម្រាប់ពួកគេ និងរំលឹកដល់ថ្ងៃដែលក្រុមចម្រៀងមួយនេះសម្តែងលើឆាកលើកដំបូងផងដែរ ។
បទចម្រៀងមានចំណងជើងថា «That Summer (0805)» ជាបទចម្រៀងបង្ហាញពីការអរគុណដល់បណ្តាប្រិយមិត្តដែលនិយមគាំទ្របទចម្រៀងរបស់ក្រុមជាច្រើនឆ្នាំកន្លងមក។ បទចម្រៀងនេះនិពន្ធដោយសមាជិកក្រុមនាង Sooyoung ក្នុងអត្ថន័យជាកាដូដល់អ្នកគាំទ្ររបស់នាង និងសមាជិកក្នុងក្រុម ។ ពីដំបូងឡើយក្រុម Girls’ Generation មានសមាជិកនារី៩នាក់ តែក្រោយមក Jessica បានចាកចេញពីក្រុមកាលពីខែកញ្ញា ២០១៤ ។ បច្ចុប្បន្ននៅសល់៨នាក់គឺ Taeyeon, Sunny, Tiffany, Hyoyeon, Yuri, Sooyoung, Yoona និង Seohyun ៕
ចែករំលែកព័តមាននេះ