ខួរក្បាលរងផលប៉ះពាល់ដោយកត្តាច្រើនយ៉ាងពីជិវិតប្រចាំថ្ងៃដែលមនុស្សគ្រប់គ្នាមិនបានយកចិត្តទុកដាក់ ។ ជាក់ស្តែងទម្លាប់មួយចំនួនដែលបានសម្លា.ប់កោសិកាខួរក្បាលទាំងនោះ គេអាចហៅវាបានថាជាសត្រូវធំ
ខួរក្បាលរងផលប៉ះពាល់ដោយកត្តាច្រើនយ៉ាងពីជិវិតប្រចាំថ្ងៃដែលមនុស្សគ្រប់គ្នាមិនបានយកចិត្តទុកដាក់ ។ ជាក់ស្តែងទម្លាប់មួយចំនួនដែលបានសម្លាប់កោសិកាខួរក្បាលទាំងនោះ គេអាចហៅវាបានថាជាសត្រូវធំរបស់ខួរក្បាលដែលបុគ្គលម្នាក់ៗបំផ្លាញចោល ។ តើសត្រូវដែលអាចសម្លាប់កោសិកាខួរក្បាលមានអ្វីខ្លះ ?
១-កម្រិតស្ករក្នុងឈាមខ្ពស់ ៖ ទទួលទានលើសកំណត់ ការចងចាំអន់ សមត្ថភាពទទួលយកចំណេះដឹងមានបញ្ហា បាក់ទឹកចិត្ត លក្ខខណ្ឌទាំងអស់នេះត្រូវបានការសិក្សាស្រាវជ្រាវថ្មីៗមួួយភ្ជាប់ទៅនឹងការប្រើប្រាស់ស្ករច្រើនលើសលប់ ។ អ្វីទាំងនេះបង្ហាញពីបញ្ហាធំធេងមួយដែលបណ្តាអ្នកជំនាញសុខភាពទើបចាប់ផ្តើមស្វែងយល់ ជាពិសេសដំណើរដែលការប្រើប្រាស់ស្ករប៉ះពាល់លើមុខងារធម្មតារបស់ខួរក្បាល ។ មនុស្សភាគច្រើនមិនដឹងថា តើពួកគេប្រើប្រាស់ស្ករក្នុងកម្រិតណានោះទេ ដ្បិតតាមធម្មតា ស្ករតែងត្រូវបានគេដាក់ក្នុងចំណីអាហារ។ អ្នកជំនាញសុខភាពបានស្នើឱ្យមានការកាត់បន្ថយការទទួលទានស្ករដោយការជៀសវាងទទួលទានអាហារឬភេសជ្ជៈដែលផ្អែមខ្លាំង ។
២-ការបំពុលបរិស្ថាន ៖ ខួរក្បាលត្រូវការប្រើប្រាស់ចាំបាច់នូវអុកស៊ីសែនដើម្បីបំពេញមុខងារឱ្យបានត្រឹមត្រូវ ហើយវាអាចបង្កជាបញ្ហា ប្រសិនជាបុគ្គលណាម្នាក់ស្ថិតក្នុងទីកន្លែងដែលមានការបំពុលខ្លាំង បរិស្ថានមិនស្អាត ។ ខ្យល់អាកាសមិនបរិសុទ្ធធ្វើឱ្យការផ្គត់ផ្គង់ខ្យល់អុកស៊ីសែនទៅកាន់ខួរក្បាលមិនគ្រប់គ្រាន់ ហើយនាំឱ្យថយចុះនូវមុខងារយល់ដឹងឬក៏អាចបង្កឱ្យមានការផ្លាស់ប្តូរផ្អែករាងកាយចំពោះខួរក្បាល ។
៣-ដំណេកមិនគ្រប់គ្រាន់ ៖ ដំណេកគឺជួយឱ្យរាងកាយជួសជុលខ្លួនឯង ។ នេះមានន័យថា ជួយសម្រួលដល់ការបង្កើតកោសិកាថ្មីៗនៅគ្រប់សរីរាង្គទាំងអស់ក្នុងនោះបូករួមទាំងខួរក្បាលផងដែរ ។ ដំណេកមិនគ្រប់គ្រាន់រយៈពេលវែងអាចបំផ្លាញខួរក្បាល ដ្បិតបណ្តាកោសិកាថ្មីៗមិនត្រូវបានផលិត ហើយបន្ទាប់មក ខួរក្បាលបាត់បង់សមត្ថភាពក្នុងការទំនាក់ទំនងឱ្យបានត្រឹមត្រូវជាមួយបណ្តាកោសិកាប្រសាទ ។ ដំណេកមិនគ្រប់គ្រាន់ទាំងរយៈវែងទាំងរយៈខ្លីគឺសុទ្ធតែផ្តល់ផលអវិជ្ជមានចំពោះខួរក្បាល ហើយនេះក៏ជាមូលហេតុដែលបណ្តាវេជ្ជបណ្ឌិតផ្តល់ដំបូន្មានឱ្យទទួលទានដំណេកពី៧-៨ម៉ោងក្នុងមួយយប់ ។
៤-អាហារគ្មានគុណតម្លៃចំពោះសុខភាព ៖ តើនឹងមានអ្វីកើតឡើងនៅពេលបណ្តាកោសិកាមិនទទួលបានអាហារចិញ្ចឹមគ្រប់គ្រាន់ ? ពិតណាស់ ពួកវានឹងឃ្លាន ហើយបន្ទាប់មកចាប់ផ្តើមងាប់ ។ ទោះជាយ៉ាងណា ប្រសិនជាការទទួលទាននោះម្តងម្កាលឬតិចតួច ផលប៉ះពាល់ពុំមាននោះឡើយ ។
ជាទូទៅអាហារគ្មានគុណតម្លៃចំពោះសុខភាពមិនមានសារធាតុចិញ្ចឹមគ្រប់គ្រាន់ទេ ដ្បិតការផលិតអាហារនេះគឺដើម្បីទប់នឹងការស្រេកឃ្លានប៉ុណ្ណោះ ។ ខួរក្បាលត្រូវការចាំបាច់នូវថាមពលដើម្បីធ្វើការងារឱ្យបានត្រឹមត្រូវ ហើយថាមពលនេះគឺបានមកពីសារធាតុចិញ្ចឹមពិតប្រាកដ ។
ប្រភេទអាហារដែលចាត់ចូលថាគ្មានគុណតម្លៃចំពោះសុខភាពមានដូចជា នំកញ្ចប់ប្រៃ/ផ្អែម ស្ករគ្រាប់ ស្ករកៅស៊ូ អាហារសម្រន់ស្រាប់ៗ ។ ជាទូទៅអាហារទាំងនេះផ្ទុកទៅដោយអំបិល ស្ករ ខ្លាញ់ និងមានកាឡូរីច្រើន ប៉ុន្តែ សារធាតុរ៉ែ វីតាមីន និងប្រូតេអុីនគឺមានតិចតួចបំផុត ។
៥ គ្រឿងស្រវឹង និងបារី ៖ ក្រៅពីជាដើមហេតុនាំឱ្យកើតជំងឺ មហារីក បេះដូងនិងជំងឺជាច្រើនមុខទៀត ជក់បារីអាចបណ្តាលឱ្យរួញខ្លីនូវសមត្ថភាពយល់ដឹងចំពោះបុរស ។
យោងតាមការសិក្សាថ្មីមួួយបានរកឃើញថា ថ្នាំជក់មានផ្ទុកសមាសធាតុឈ្មោះ NNK ដែលបន្ទាប់មកវាក្លាយជាសមាសធាតុបង្កឱ្យកើតមហារីកនៅពេលឆ្លងកាត់ដំណើរការរំលាយអាហារក្នុងរាងកាយ ។ ខុសពីគ្រឿងស្រវឹង សមាសធាតុនេះ (NNK) មិនបានបង្ហាញសកម្មភាពបំផ្លាញកោសិកាខួរក្បាលដោយផ្ទាល់ទេ ។ ជាជំនួសមកវិញ វាបានបង្កឱ្យទៅជារលាកប្រព័ន្ធប្រសាទ ។
រីឯគ្រឿងស្រវឹងអាចបណ្តាលឱ្យកើតមានអតុល្យភាពគីមីសាស្ត្រជាបណ្តោះអាសន្ន ។ នៅពេលប្រើប្រាស់ច្រើនរយៈពេលវែង អាចនាំឱ្យេហដ្ឋារចនាសម្ព័ន្ធខួរក្បាលផ្លាស់ប្តូរ ។
៦-គេចវេះទទួលទានអាហារពេលព្រឹក ៖ ចូរចំណាយពេល២-៣នាទីនៅពេលព្រឹកទទួលទានអ្វីមួយដើម្បីឱ្យរាងកាយចាប់ផ្តើមសាជាថ្មី ទទួលបានថាមពលក៏ដូចជាបទពិសោធន៍ បង្កើនភាពប្រុងប្រយ័ត្នខ្ពស់និងកែលំអផលិតភាព ។ ចូរផ្តោតលើអាហារដែលសម្បូរប្រូតេអីុននិងវីតាមីន ។
៧-ភាពទំនេរច្រើន ៖ ខួរក្បាលធ្វើការងារដូចជាសាច់ដុំក្នុងរាងកាយដែរ ។ វាត្រូវការចាំបាច់នូវលំហាត់ប្រាណ បើពុំដូច្នោះទេ វានឹងមិនមានភាពក្លៀវក្លា ។ ចូរធ្វើលំហាត់ប្រាណខួរក្បាលដោយការលេងអុក ឬល្បែងផ្សេងៗទាក់ទងនឹងការគិត ។ ការលេងឧបករណ៍តន្ត្រីណាមួយ ក៏អាចជួួយឱ្យខួរក្បាលវៃឆ្លាត ស្រឡះភ្លឺថ្លាបានផងដែរ ។
៨-ខ្លាញ់កូឡេស្តេរ៉ូលនិងការទទួលទានឆ្អែតជ្រុល ៖ ការប្រមូលផ្តុំកូឡេស្តេរ៉ូលក្នុងសរសៃអាក់ទែរនឹងកាត់បន្ថយលំហូរឈាមបណ្តាលឱ្យឈាមមិនអាចទទួលអុកស៊ីសែននិងអាហារចិញ្ចឹមគ្រប់គ្រាន់ ។ ខ្លាញ់អាក្រក់មិនត្រឹមតែធ្វើឱ្យបេះដូងគាំងប៉ុណ្ណោះទេ ប៉ុន្តែបំផ្លាញខួរក្បាលផងដែរ ។
ចំណែកការទទួលទានអាហារឆ្អែតជ្រុលធ្វើឱ្យរឹងសរសៃឈាម ក៏ដូចជាកម្រិតមរិមាណនៃការផ្គត់ផ្គង់អុកស៊ីសែន ព្រមទាំងសារធាតុចិញ្ចឹមទៅផ្នែកសំខាន់ៗរបស់រាងកាយ ក្នុងនោះ មានខួរក្បាលផងដែរ ។
៩-ការបំពុលដោយឧស្ម័នកាបូនិច ៖ មនុស្សជាច្រើន ជាពិសេសក្មេងៗពិតជាមិនបានដឹងពីបញ្ហានេះទេ ។ ប៉ុន្តែការយកភួយឬកន្សែងឃ្លុំក្បាលជិតអំឡុងពេលដេកគឺធ្វើឱ្យចំនួនឧស្ម័នកាបូនិចដែលចូលក្នុងរាងកាយកើនឡើងខណៈអុកស៊ីសែនថយចុះទៅវិញ ៕
ចែករំលែកព័តមាននេះ