រាជធានីភ្នំពេញ ៖ ចេតិយដែលកសាងនៅក្នុងវត្តប្រាសាទសម្រាប់តម្កល់ធាតុឪពុករបស់នាងឌួង ហ្សូរីដា ត្រូវចោរគាស់សោចូលលួចលុយ និងវត្ថុមានតម្លៃមួយចំនួន ។
ដំណឹងនេះត្រូវនាងឌួង ហ្សូរីដា ផ្សព្វផ្សាយតាមហ្វេសប៊ុក
រាជធានីភ្នំពេញ ៖ ចេតិយដែលកសាងនៅក្នុងវត្តប្រាសាទសម្រាប់តម្កល់ធាតុឪពុករបស់នាងឌួង ហ្សូរីដា ត្រូវចោរគាស់សោចូលលួចលុយ និងវត្ថុមានតម្លៃមួយចំនួន ។
ដំណឹងនេះត្រូវនាងឌួង ហ្សូរីដា ផ្សព្វផ្សាយតាមហ្វេសប៊ុកកាលពីថ្ងៃទី២៦ ខែកក្កដា ២០១៦ បន្ទាប់ពីនាងទៅពិនិត្យផ្ទាល់ពីការខូចខាត និងការបាត់បង់ ។
ចោរមិនបានចាក់ធាតុឪពុករបស់នាងឌួង ហ្សូរីដា ចោលដើម្បីយកកោដ្ឋទេ គឺយកតែលុយតម្កល់នៅពីក្រោមធាតុ និងវត្ថុមួយចំនួនធ្វើអំពីស្ពាន់ប៉ុណ្ណោះ ។
ឌួង ហ្សូរីដា បានសរសេរបញ្ជាក់តាមហ្វេសប៊ុកថា «សូមយកទៅចុះវត្ថុមានតម្លៃលុយកាក់ទាំងអស់ដែលដាក់ជូនលោកឪពុកខ្ញុំនោះ។ លោកបានយកទៅហើយ សូមទុកឱកាសឱ្យពុកខ្ញុំសុខស្ងប់ក្នុងចេតិយរបស់លោកផង សូមមេត្តាឈប់បន្តសកម្មភាពគាស់ទ្វារចេតិយស្ទើរ គ្រប់ៗគ្នាក្នុងវត្តទៀតទៅ សូមញញើតបាបបុណ្យផង» ។
បន្ទាប់ពីបង្ហោះសារនោះនេះរួចមកមិត្តហ្វេសប៊ុក និងមិត្តភក្តិសិល្បៈបានចូលរួមសម្តែងការសោកស្តាយ និងហួសចិត្ត ចំពោះជនអគតិដែលប្រព្រឹត្តបែបនោះ ។
មានការផ្តល់យោបល់ជាច្រើនឱ្យឌួង ហ្សូរីដា យកធាតុឪពុករបស់នាងទៅរក្សាទុកនៅផ្ទះវិញ ដើម្បីសុវត្ថិភាព ប៉ុន្តែនាងបានបដិសេធ ដោយបញ្ជាក់ថា នាងធ្វើចេតិយនៅវត្តសម្រាប់តម្កល់ធាតុឪពុក គឺចង់ឲ្យគាត់មានភាពស្ងប់ស្ងាត់ និងឆាប់បានទៅចាប់ជាតិជាថ្មី ។ បើទុកធាតុនៅផ្ទះនាងជឿថា វិញ្ញាណឪពុកមិនស្ងប់ឡើយ ព្រោះនៅតែចាំមើល និងបារម្ភពីគ្រួសារដោយមិនងាយចាប់ជាតិជាថ្មីទេ ។
នាងឌួង ហ្សូរីដា បានបញ្ជាក់ថា នឹងរៀបចំចេតិយឡើងវិញ ព្រមទាំងពង្រឹងការការពារ ដោយបន្ថែមចម្រឹងដែកនៅពីមុខទ្វារចូល ៕
ចែករំលែកព័តមាននេះ