យោងតាមមជ្ឈមណ្ឌលឧតុនិយមជាតិចិនថា ព្យុះទីហ្វុងឈ្មោះ MIRINAE កាលពីយប់ថ្ងៃទី២៦ កក្កដា វាយប្រហារលើខេត្តហៃណាន់ភាគខាងត្បូងចិន ។
ផ្នែកឧតុនិយមកោះហៃណាន់ថ្លែងថា ព្យុះ MIRINAE ជាព្យុះទីហ្វុងទី៣ វាយប្រហារលើប្រទេសចិននាឆ្នាំនេះបានបោកបក់លើឃុំ DONGAO ក្រុងវ៉ាននីញ នាវេលាម៉ោង២២និង៣០នាទីម៉ោងក្នុងស្រុក អមដោយខ្យល់មានល្បឿនដល់១០០,៨គីឡូម៉ែត្រក្នុងមួយម៉ោង ។
មុនពេលព្យុះមកដល់ នាវានេសាទជាង២៥.០០០គ្រឿង បានវិលចូលកំពង់ផែនានា ។ រាល់នាវាដឹកអ្នកដំណើរដែលឆ្លងកាត់ច្រកសមុទ្រ QIONGZHOU រវាងកោះហៃណាន់ និងខេត្តក្វាងទុង ត្រូវផ្អាកសកម្មភាពនាថ្ងៃទី២៦ កក្កដា ។ ព្យុះនេះបង្កឱ្យមានខ្យល់បោកបក់យ៉ាងខ្លាំង និងភ្លៀងធ្លាក់ខ្លាំងនៅកោះហៃណាន់ នៅឧបទ្វីប LEIZHOU ខេត្តក្វាងទុង និងតំបន់ស្វយ័ត ZHUANG ខេត្តក្វាងស៊ី ៕
ចែករំលែកព័តមាននេះ