លោក NGUYEN XUAN PHUC ក្លាយជានាយករដ្ឋមន្ត្រីថ្មីវៀតណាម
យោងតាមទីភ្នាក់ងារព័ត៌មានវៀតណាម VNA ថា ជាមួយសំឡេងគាំទ្រ៩៨,១៨% ក្នុងសភាពេលមានការបោះឆ្នោតជាសម្ងាត់ លោក NGUYEN XUAN PHUC កាលពីរសៀលថ្ងៃទី២៦ កក្កដា ត្រូវបានជ្រើសតាំង
យោងតាមទីភ្នាក់ងារព័ត៌មានវៀតណាម VNA ថា ជាមួយសំឡេងគាំទ្រ៩៨,១៨% ក្នុងសភាពេលមានការបោះឆ្នោតជាសម្ងាត់ លោក NGUYEN XUAN PHUC កាលពីរសៀលថ្ងៃទី២៦ កក្កដា ត្រូវបានជ្រើសតាំង
យោងតាមទីភ្នាក់ងារព័ត៌មានវៀតណាម VNA ថា ជាមួយសំឡេងគាំទ្រ៩៨,១៨% ក្នុងសភាពេលមានការបោះឆ្នោតជាសម្ងាត់ លោក NGUYEN XUAN PHUC កាលពីរសៀលថ្ងៃទី២៦ កក្កដា ត្រូវបានជ្រើសតាំងជានាយករដ្ឋមន្ត្រីថ្មីវៀតណាម សម្រាប់អាណត្តិ២០១៦-២០២១ ។
ក្រោយទទួលបានការជ្រើសតាំងរបស់សភាជាតិ នាយករដ្ឋមន្ត្រីថ្មីបានធ្វើសច្ចាប្រណិធានចូលកាន់តំណែងនៅមុខសភា ដោយលោកសន្យាស្មោះត្រង់ទាំងស្រុងចំពោះមាតុភូមិ ប្រជាជន និងរដ្ឋធម្មនុញ្ញនៃសាធារណរដ្ឋសង្គមនិយមវៀតណាម ព្រមទាំងធ្វើអ្វីគ្រប់យ៉ាងតាមដែលអាចធ្វើទៅបាន ដើម្បីបំពេញបណ្តាភារកិច្ចដែលបក្សមាតុភូមិ រដ្ឋ និងប្រជាជនប្រគល់ឱ្យ ។
ក្នុងសុន្ទរកថារបស់លោក នាយករដ្ឋមន្ត្រីថ្មីបានទទូចលើភាពចាំបាច់បង្កើនការខិតខំប្រឹងប្រែងដើម្បីរត់ឱ្យទាន់ប្រទេសឯទៀតៗនៃពិភព លោក ។ លោកថា វៀតណាមជាប្រទេសទី១៤ ក្នុងចំណោមប្រទេសមានប្រជាជនច្រើនជាងគេនៃពិភពលោក ក៏ប៉ុន្តែសេដ្ឋកិច្ចរបស់ខ្លួនស្ថិតក្នុងលំដាប់ដល់ទៅទី៤៨ រួចប្រាក់ចំណូលសម្រាប់ប្រជាជនម្នាក់ស្ថិតក្នុងលំដាប់ដល់ទៅទី១៣៣ ។ វៀតណាមត្រូវធ្វើអាជីវកម្មកម្លាំងក្នុងប្រទេសខ្លួន ក៏ដូចជាកម្លាំងខាងក្រៅ ដើម្បីធានាផលប្រយោជន៍ជាតិ ជំរុញការអភិវឌ្ឍន៍ដោយឆាប់រហ័ស និងស្ថិតស្ថេរ កសាងប្រទេសឱ្យក្លាយទៅជាអ្នកមាន និងខ្លាំងដែលមានលក្ខន្តិកៈជាប្រទេសរីកចម្រើនមួយលើឆាកអន្តរជាតិ ។
ប្រមុខរដ្ឋាភិបាលថ្មីគូសបញ្ជាក់ថែមទៀតពីភាពចាំបាច់ធ្វើឱ្យសាមញ្ញដល់ក្បាលម៉ាស៊ីនរដ្ឋបាល បង្កើនផលិតភាព និងប្រសិទ្ធភាព វិនិយោគ ជំរុញការកែទម្រង់ស្ថាប័ន ធ្វើឱ្យទំនើបដល់ប្រព័ន្ធអប់រំ ព្រមទាំងបច្ចេកវិទ្យា ។ លោកបានទទូចជាពិសេសលើសារសំខាន់នៃកិច្ចការពារបរិស្ថាន ហើយត្រៀមឱ្យបានល្អប្រឈមមុខនឹងការផ្លាស់ប្តូរបរិយាកាស។
លោក NGUYEN XUAN PHUC សន្យាប្រែក្លាយរដ្ឋាភិបាលលោកជារដ្ឋាភិបាលស្ថាបនាមួយដែលបម្រើប្រជាជន ៕
ចែករំលែកព័តមាននេះ