តម្លៃប្រេងលើទីផ្សារអន្តរជាតិធ្លាក់ចុះជាង២%
អន្តរជាតិ ៖ តម្លៃប្រេងឆៅនៅទីផ្សារអន្តរជាតិធ្លាក់ចុះជាង២ភាគរយនៅថ្ងៃព្រហស្បតិ៍ ទី១៧ កុម្ភៈ នេះ ក្រោយពេល
អន្តរជាតិ ៖ តម្លៃប្រេងឆៅនៅទីផ្សារអន្តរជាតិធ្លាក់ចុះជាង២ភាគរយនៅថ្ងៃព្រហស្បតិ៍ ទី១៧ កុម្ភៈ នេះ ក្រោយពេលប្រទេសបារាំង និងអ៊ីរ៉ងនិយាយថាភាគីទាំងអស់កំពុងខិតទៅជិតការសម្រេចកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ឡើងវិញជាមួយនឹងមហាអំណាចពិភពលោក។
តម្លៃប្រេងឆៅ WTI បានធ្លាក់ចុះ ២,៥ដុល្លារ ឬ ២,៧ភាគរយ មកត្រឹមតម្លៃ ៩១,១៦ដុល្លារក្នុងមួយធុង។
ចំណែកប្រេងឆៅ Brent ធ្លាក់ចុះ ២,៤៣ ឬ ២,៦ភាគរយ ដោយមកសល់តម្លៃត្រឹម ៩២,៣៨ដុល្លារក្នុងមួយធុង។
សូមបញ្ជាក់ថា តម្លៃប្រេងនៅទីផ្សារអន្តរជាតិហក់ឡើងខ្លាំងនៅក្នុងរយៈពេលប៉ុន្មានសប្តាហ៍ចុងក្រោយនេះ បន្ទាប់ពីមានភាពតានតឹងខ្លាំងនៅក្នុងតំបន់ នៅពេលដែលរុស្សីត្រូវបានគេលើកឡើងថា មានផែនការឈ្លានពានអ៊ុយក្រែន។
ភាពតានតឹងបង្កឲ្យមានការព្រួយបារម្ភថាវារំខានដល់ការផ្គត់ផ្គង់ប្រេងក្នុងទីផ្សារអន្តរជាតិដែលតម្លៃអាចនឹងហក់ឡើងដល់ ១០០ដុល្លារក្នុងមួយធុង៕ (យោងតាមប្រភព៖ Reuters)
ចែករំលែកព័តមាននេះ