រាជធានីភ្នំពេញ ៖ ការត្រឡប់ជាថ្មីរបស់កីឡាករប្រដាល់ល្បីឈ្មោះដែលជាតារាសម្ដែងក្នុងរឿង «បេះដូងអ្នកប្រដាល់» លោកជៀស ស្រួច ដែលមានឈ្មោះក្នុងសិល្បៈថា ជៀស ស្រួច បានធ្វើឱ្យមានការភ្ញាក់ផ្អើលយ៉ាងខ្លាំង
រាជធានីភ្នំពេញ ៖ ការត្រឡប់ជាថ្មីរបស់កីឡាករប្រដាល់ល្បីឈ្មោះដែលជាតារាសម្ដែងក្នុងរឿង «បេះដូងអ្នកប្រដាល់» លោកជៀស ស្រួច ដែលមានឈ្មោះក្នុងសិល្បៈថា ជៀស ស្រួច បានធ្វើឱ្យមានការភ្ញាក់ផ្អើលយ៉ាងខ្លាំង ដោយសារតែលោកមកលើកនេះ មិនត្រឹមតែបង្ហាញខ្លួនក្នុងសភាពកម្សត់គួរឱ្យអាណិតប៉ុណ្ណោះទេ ប៉ុន្តែក៏បានទម្លាយរឿងរ៉ាវរបស់ខ្លួនជាមួយអតីតភរិយាដែលជាតារាស្រីម្នាក់កំពុងមានឈ្មោះបោះសំឡេងធ្វើឱ្យមហាជនចាប់អារម្មណ៍ផងដែរ។
ក្នុងប៉ុន្មានថ្ងៃនេះ រឿងរ៉ាវកំសត់របស់កីឡាករជៀស ស្រួច បានជំរុញឱ្យតារាប្រុស-ស្រីនិងមហាជនផ្ដល់ការអាណិតអាសូរ និងរួមគ្នាអំពាវនាវរកជំនួយសប្បុរសធម៌ណាមួយដើម្បីជួយលោកដែលកំពុងមានទុក្ខ ។ លោកបានបាត់មុខដោយយកការបណ្ដែតខ្សែជីវិតនៅតាមជាយដែន រហូតធ្លាក់ខ្លួនជាកម្មករសំណង់ និងអូសរទេះ បន្ទាប់ពីអតីតភរិយារបស់លោកធ្វើឱ្យលោកអាប់ឱនកិត្តិយសបាត់បង់មុខមាត់ ព្រោះតែរឿងផិតក្បត់។ លោកបានទម្លាយថា ដោយសារខូចចិត្តនឹងអតីតភរិយារត់ចោលហើយទៅស្រវាយកប្រុសអ្នកមាន ទើបបណ្ដាលឱ្យលោកខូចចិត្តរហូតសេងហាងសាច់គោអាំងចោល និងប្រើជីវិតគេចចេញពីបញ្ហាដើម្បីបញ្ចប់ភាពអាម៉ាស់ ។ ក្នុងពេលទម្លាយឱ្យដឹងពីរឿងផិតក្បត់នោះ អ្នកណាក៏មានការភ្ញាក់ផ្អើលដែរ ដោយសារតែលោកបញ្ជាក់ថា នារីជាអតីតភរិយានោះក្រោយពីបានសម្រេចចិត្តចាកចេញពីជីវិតលោកក៏បានក្លាយជាតារាសិល្បៈ ហើយកំពុងតែល្បីឈ្មោះនៅក្នុងពិភពសម្ដែង ។ បើទោះជាមានការជជីកសួរម្ដងហើយម្ដងទៀត ក៏លោកនៅតែប្រកែកមិនព្រមប្រាប់ឱ្យដឹងពីឈ្មោះអតីតភរិយារបស់លោកទេ ដោយសារតែពេលនេះ នាងមានអ្នកមានស្រឡាញ់ពេញចិត្ត ហើយជានារីឡូយឆាយដែលអាចនឹងឱ្យលោកក្ដៅក្រហាយប្រសិនបើលោកទម្លាយពីឈ្មោះចេញពីមាត់ ។ ម្នាក់ៗបានត្រឹមតែចោទសួរថា អតីតភរិយានោះជាអ្នកណាប៉ុណ្ណោះ ក្នុងពេលដែលលោក និងមនុស្សពាក់ព័ន្ធរបស់លោកបដិសេធមិនព្រមប្រាប់ការពិត។
យ៉ាងណាក៏ដោយរឿងរ៉ាវអាថ៌កំបាំងមិនមានទៀតទេ ដោយសារតែមាន Page ហ្វេសប៊ុកមួយទម្លាយឱ្យដឹងធ្វើឱ្យមានការភ្ញាក់ផ្អើលថា អតីតភរិយាលោកជៀស ស្រួច គឺនាងសាត រស្មី ដែលជាតារាសម្ដែងកំពុងឡើងកូដនៅក្នុងពិភពសិល្បៈ។
លោកជៀស ស្រួច បានអះអាងថា លោកស្រឡាញ់ពេញចិត្តអតីតភរិយាលោកដោយសារតែឃើញនាងវ័យក្មេង ឆ្លាត និងមានចិត្តស្មោះក្នុងពេលលោកស្គាល់ ។ លោកនិងនាងបានរៀបការជាមួយគ្នាចំនួន២លើក គឺមួយលើកនៅខេត្តបន្ទាយមានជ័យ និងមួយលើកទៀតនៅរាជធានីភ្នំពេញ តាមរយៈការរៀបចំពិធីកាត់ចំណងដៃ ប៉ុន្តែមិនសូវធំដុំទេ ទើបមិនមានអ្នកស្គាល់នាងច្រើន ។ បន្តបន្ទាប់មក ដោយសារតែលោកគឺជាតារាសម្ដែងដែលលេចធ្លោនៅក្នុងជំនាន់នោះ នាងក៏បានស្គាល់អ្នកមានឥទ្ធិពលនៅក្នុងពិភពសិល្បៈ ហើយក្រោយមកដោយសារតែប្រាក់៣០០ដុល្លារ នាងអតីតភរិយាលោកក៏សុខចិត្តចុះចោលលោក និងសុំលែងលះធ្វើឱ្យលោកអាម៉ាស់មុខ ។ ក្រោយការលែងលះលោកនាងបានក្លាយខ្លួនជាតារាសម្ដែង ហើយដោយសារតែភាពចំអកឡកឡាយ និងមិនអាចស៊ូទ្រាំនឹងភាពអាម៉ាស់បាន ទើបលោកសុខចិត្តបោះបង់ការងារ និងឱកាសនៅភ្នំពេញចោលទាំងអស់ ហើយទៅផ្សងព្រេងនៅតាមព្រំដែន។ ដោយសារលោកអស់ជម្រើស ទើបសម្រេចចិត្តលាតត្រដាងពីជីវិតធ្លាក់ខ្លួនជាសាធារណៈរបស់ខ្លួនដោយលែងខ្មាសអៀន ។ លោកថា ជីវិតរបស់លោកក្រោយពីអតីតភរិយាផិតក្បត់មិនមានសល់អ្វីទៀតទេ ដោយសារតែក្នុងពេលនោះលោកបានដាក់ចិត្តស្រឡាញ់នាងខ្លាំង ហើយមិននឹកស្មានថា ភរិយាដែលលោករៀបការពេញច្បាប់នៅក្នុងពេលនោះរស់នៅជាមួយលោកបានតែ៦ខែ ក៏រកទ្រនំថ្មីដោយសារតែហេតុផលចង់បានភាពល្បី និងឱកាសរកប្រាក់។
ជាមួយនឹងការទម្លាយនេះបង្កឱ្យមានការភ្ញាក់ផ្អើលកាន់តែខ្លាំង ដោយសារតែនាងសាត រស្មី គឺជាតារាល្បីឈ្មោះដែលបានប្រកាសខ្លួនថា មិនធ្លាប់មានប្ដី និងមិនធ្លាប់ពាក់ព័ន្ធអ្នកណានាពេលកន្លងមក ។ នាងរមែងថា ខ្លួនគ្រាន់តែមានព័ត៌មានថា មានឧកញ៉ានេះពាក់ព័ន្ធ អ្នកមាននោះពាក់ព័ន្ធប៉ុណ្ណោះ ប៉ុន្តែសម្រាប់បេះដូងរបស់នាងគឺមិនមានបុរសណាឡើយ ហើយក៏មិនទាន់គិតគូររឿងគូជីវិតដែរ ។ ការលាតត្រដាងរបស់ជៀស ស្រួច ធ្វើឱ្យនាងសាត រស្មី ដែលធ្លាប់ទទួលបានការសរសើរថាជាតារាទំនេរបេះដូង និងជានារីស្អាតស្អំក្នុងរឿងស្នេហារងការរិះគន់ផងដែរ ។ ជាពិសេសនៅពេលដែលមានការទម្លាយថា នាងហ៊ានដល់ថ្នាក់បោះបង់ស្វាមីកម្សត់កម្រនៅពេលមានឱកាសរកបានបុរសមានទ្រព្យ និងអាចជួយឱ្យនាងបានល្បីនៅក្នុងពិភពសិល្បៈនោះ ។
ពាក់ព័ន្ធនឹងការចោទប្រកាន់នេះ អ្នកនាងសាត រស្មី បានឆ្លើយតបក្នុងបទសម្ភាសមួយជាមួយអ្នកសារព័ត៌មានថា រឿងរ៉ាវបែកបាក់នេះកើតឡើងដោយសារតែអតីតស្វាមី
នាងគឺលោកជៀស ស្រួច ក្រោយពីរៀបការជាមួយនាងរួចបានប្រែប្រួលចរិតដើមអស់ មិនគិតខំប្រឹងធ្វើការងាររកប្រាក់ជួយគ្រួសារទេ គិតតែពីដើរបាត់ៗនិងលេងល្បែងទៀតផង ពេលមកដល់ផ្ទះវិញរករឿងវាយដំនាងទៀត ។ ដោយសារមិនអាចស៊ូទ្រាំបាននាងក៏បានដាក់ពាក្យបណ្ដឹងសុំលែងលះតាមច្បាប់ ហើយតុលាការបានចេញដីកាកោះហៅចំនួន៣ដងប៉ុន្តែអតីតស្វាមីនាងមិនព្រមចូលខ្លួនទើបតុលាការចេញដីកាសម្រេចឱ្យលែងលះគ្នាតែម្ដង៕
ចែករំលែកព័តមាននេះ