អគី្គភ័យឆាបឆេះរថយន្តមួយគ្រឿង ដោយសារឆ្លងចរន្ត
ខេត្តស្វាយរៀង ៖ មានការភ្ញាក់ផ្អើលមួយនៅក្នុងក្រុងស្វាយរៀង បន្ទាប់ពីមានរថយន្តម៉ាក ឡិចស៊ីស មួយគ្រឿង បើកបរដោយជនជាតិចិនម្នាក់បានមកឈប់នៅខាងមុខ
ខេត្តស្វាយរៀង ៖ មានការភ្ញាក់ផ្អើលមួយនៅក្នុងក្រុងស្វាយរៀង បន្ទាប់ពីមានរថយន្តម៉ាក ឡិចស៊ីស មួយគ្រឿង បើកបរដោយជនជាតិចិនម្នាក់បានមកឈប់នៅខាងមុខ
ខេត្តស្វាយរៀង ៖ មានការភ្ញាក់ផ្អើលមួយនៅក្នុងក្រុងស្វាយរៀង បន្ទាប់ពីមានរថយន្តម៉ាក ឡិចស៊ីស មួយគ្រឿង បើកបរដោយជនជាតិចិនម្នាក់បានមកឈប់នៅខាងមុខផ្ទះរបស់ប្រជាពលរដ្ឋ ហើយបន្ទាប់ពីជនជាតិចិនរូបនោះចុះពីរថយន្ត ក៏មានផ្សែងខ្មួlខ្មាញ’ចេញពីរថយន្ត ធ្វើឱ្យអ្នកមានទីលំនៅជិតនោះមានការភ្ញាក់ផ្អើលនាំគ្នារត់ នាំកូនចៅរត់ចេញ និងអ្នកខ្លះក៏រត់យកទុយោទឹកមកពន្លត់ផងដែរ ។
ហេតុការណ៍នេះបានកើតឡើងកាលពីវេលាម៉ោង ០៣និង០១នាទីរសៀលថ្ងៃទី២៥ ខែកក្កដា ឆ្នាំ២០១៦ ស្ថិតក្នុងភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង។ បើតាមសមត្ថកិច្ចក្រុងស្វាយរៀងបានឱ្យដឹងថា នៅមុនពេលកើតហេតុ រថយន្តដែលបានឆ្លងចរន្តអគ្គិសនីឆេះនេះគឺម៉ាក ឡិចស៊ីស ពណ៌ទឹកមាស ពាក់ស្លាកលេខ ភ្នំពេញ 2T-5683 ជាកម្មសិទ្ធិរបស់តំបន់សេដ្ឋកិច្ចពិសេសហាយផាតលែន បើកបរដោយឈ្មោះ មីង សេវស៊ុង ជនជាតិចិន ដែលមានមុខរបរជាអ្នកទិញទំនិញចូលក្នុងតំបន់ និងគ្មានអ្នករួមដំណើរជាមួយបុរសនេះឡើយ។
ប្រភពបន្តថា រថយន្តមួយគ្រឿងនេះគឺទើបតែបានដូរម៉ាស៊ីនកាលពីម្សិលមិញ(ថ្ងៃទី២៤ ខែកក្កដា) ហើយនៅព្រឹកថ្ងៃទី២៥នេះ តំបន់បានឱ្យឈ្មោះ មីង សេវស៊ុង ដឹកធុងខ្យល់ចេញពីតំបន់សេដ្ឋកិច្ចពិសេសហាយផាកលែន យកមកបញ្ចូលខ្យល់ តែនៅមុនពេលចេញមកបុរសខាងលើក៏បានប្រាប់ទៅកាន់ជាងរថយន្តថា រថយន្តទំនងជាមានបញ្ហាហើយ ព្រោះពេលបញ្ឆេះ គឺឮសំឡេងមិនស្រួលទេ តែដោយសារប្រញាប់យកធុងខ្យល់បញ្ចូល បុរសនោះក៏ដឹកធុងខ្យល់ចំនួន ៩ធុង មកកាន់ក្រុងស្វាយរៀង ដើម្បីបញ្ចូលសិន តែនៅពេលមកដល់កន្លែងកើតហេតុ មិនដឹងយ៉ាងម៉េចរថយន្តក៏មានផ្សែងខ្មួលខ្មាញ់ចេញពីម៉ាស៊ីនខាងមុខ ហើយក៏ឆេះបែបនេះទៅ។
ដោយឡែកបើតាមប្រជាពលរដ្ឋរស់នៅកន្លែងកើតហេតុបានប្រាប់ឱ្យដឹងថា នៅមុនពេលកើតហេតុគេឃើញរថយន្តឡិចស៊ីស ខាងលើបានបើកមកឈប់នៅខាងមុខផ្ទះរបស់ពួកគាត់ ហើយនៅពេលដែរម្ចាស់រថយន្តចុះពីលើបានបន្តិចក៏មានផ្សែងខ្មួលខ្មាញ់ចេញពីតួរថយន្តខាងមុខ ដែលទំនងដូចជាមានការឆ្លងចរន្តអគ្គិសនីនៅខាងមុខ។ ឃើញដូចនោះ ពួកគាត់ក៏បានទាញរកទុយោទឹកទៅដាក់នៅខាងមុខតួររថយន្ត ដើម្បីបន្ថយការឆេះ តែរថយន្តនៅបន្តឆេះដដែល ពួកគាត់ក៏បានហៅទូរសព្ទ័រករថយន្តពន្លត់អគ្គិភ័យដើម្បីមកអន្តរាគមន៍ ហើយក្រោយមកក៏មានរថយន្តមកដល់បីគ្រឿង និងបានពន្លត់ឲ្យរលត់បានជាស្ថាពរ ។
រថយន្តមួយគ្រឿងនេះបានពន្លត់រលត់ជាស្ថាពរ នៅវេលាម៉ោងប្រមាណជា៣និង៤០នាទីរសៀល នៅថ្ងៃដដែល ហើយបានប្រើប្រាស់ទឹកអស់ចំនួន៣ឡាន ។ ក្រោយពីកើតហេតុ សមត្ថកិច្ចបានអូសយករថយន្ត និងហៅអ្នកបើកបរនៅសាកសួរបន្ថែមនៅអធិការក្រុងស្វាយរៀង៕
ចែករំលែកព័តមាននេះ