បុកយ៉ាងសាហា.វ ! បុកឡើងផ្ទុះឆេះស្លា.ប់យ៉ាងអាណោចអាធ័ម
ខេត្តកំពង់ឆ្នាំង ៖ យុវជនម្នាក់បានឆេះស្លា.ប់ក្នុងរថយន្តយ៉ាងអាណោចអាធ័មកាលពីវេលាម៉ោង៩ និង៣០នាទីយប់ ថ្ងៃទី២៤ ខែកក្កដា ឆ្នាំ២០១៦ ក្នុងឧប្បទ្ទវហេតុគ្រោះថ្នាក់
ខេត្តកំពង់ឆ្នាំង ៖ យុវជនម្នាក់បានឆេះស្លាប់ក្នុងរថយន្តយ៉ាងអាណោចអាធ័មកាលពីវេលាម៉ោង៩ និង៣០នាទីយប់ ថ្ងៃទី២៤ ខែកក្កដា ឆ្នាំ២០១៦ ក្នុងឧប្បទ្ទវហេតុគ្រោះថ្នាក់ចរាចរណ៍រវាងរថយន្តនិងរថយន្តដឹកកុងតឺន័រនៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៥៩-៦០ នៅចំណុចមុខវិទ្យាស្ថានបូលីណូ ស្ថិតក្នុងភូមិអូររូង ឃុំតាជេស ស្រុកកំពង់ត្រឡាច ។
លោក ម៉ាត់ លី អធិការនគរបាលស្រុកកំពង់ត្រឡាច បានឲ្យដឹងថា ជនរងគ្រោះមានឈ្មោះ អៀរ លីដា អាយុ២៥ឆ្នាំ មានទីលំនៅភូមិស្វាយជ្រុំថ្មី ឃុំពង្រ ស្រុករលាប្អៀរ ។
លោកបានបន្តទៀតថា មុនពេលកើតហេតុ ជនរងគ្រោះបានបើករថយន្តម៉ាកតូយ៉ូតា ព្រូស ពណ៌សម្នាក់ឯង តាមបណ្តោយផ្លូវជាតិលេខ៥ ពីជើងទៅត្បូង លុះមកដល់ចំណុចកើតហេតុស្រាប់តែជ្រុលទៅបុករថយន្តដឹកកុងតឺន័រ១គ្រឿង ពាក់ស្លាកលេខ ភ្នំពេញ 3D-1426 បើកបរក្នុងទិសដៅបញ្ច្រាសទិសគ្នាដោយជនពុំស្គាល់អត្តសញ្ញាណម្នាក់ យ៉ាងពេញទំហឹង បណ្តាលឲ្យកើតជាអណ្តាតភ្លើងឆាបឆេះយ៉ាងសន្ធោសន្ធៅ ឆេះទាំងរថយន្តទាំងជនរងគ្រោះស្លាប់យ៉ាងអាណោចអាធ័ម ។ ក្នុងពេលនោះដែរ រថយន្តដឹកកុងតឺន័រក៏បានឆេះខ្ទេចមួយកំណាត់មុខដែរ ហើយអ្នកបើកបរបានចុះរត់គេចខ្លួនបាត់ ។
លោកបានបញ្ជាក់ដែរថា ក្នុងពេលកើតហេតុរថយន្តពន្លត់អគ្គិភ័យរបស់អធិការដ្ឋាននគរបាលស្រុកបានចេញទៅអន្តរាគមន៍ បាញ់ទឹកពន្លត់ដែរ តែការឆាបឆេះលឿនខ្លាំងពេក ។
នៅព្រឹកថ្ងៃទី២៥ ខែកក្កដា ឆ្នាំ២០១៦ ក្រុមគ្រសារជនរងគ្រោះបានទៅប្រមូលធាតុជនរងគ្រោះក្នុងរថយន្តយកទៅធ្វើបុណ្យតាមប្រពៃណី ចំណែកសមត្ថកិច្ចនគរបាលបានស្ទូចយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោក ដើម្បីរ់ងចាំដោះស្រាយតាមនិតិវិធី ៕
ចែករំលែកព័តមាននេះ