អត្តពលិកក្រុមជម្រើសជាតិអូស្ដ្រាលីបានធ្វើដំណើរទៅប្រទេសប្រេស៊ីលចូលរួមប្រកួតអូឡាំពិក២០១៦រួចរាល់ ប៉ុន្តែបដិសេធមិនចូលស្នាក់នៅក្នុងជំរំកីឡាករ ក្រោយពីពិនិត្យឃើញស្ថានភាពបរិស្ថានក្នុងបន្ទប់មិនល្អខ្វះអនាម័យ។
អត្តពលិកក្រុមជម្រើសជាតិអូស្ដ្រាលីបានធ្វើដំណើរទៅប្រទេសប្រេស៊ីលចូលរួមប្រកួតអូឡាំពិក២០១៦រួចរាល់ ប៉ុន្តែបដិសេធមិនចូលស្នាក់នៅក្នុងជំរំកីឡាករ ក្រោយពីពិនិត្យឃើញស្ថានភាពបរិស្ថានក្នុងបន្ទប់មិនល្អខ្វះអនាម័យ។
ជំរំកីឡាករអូឡាំពិកដែលម្ចាស់ផ្ទះរៀបចំទុកជាកន្លែងស្នាក់អាស្រ័យរបស់អត្តពលិកគ្រប់សញ្ជាតិដែលមានចំនួនជាង១៨.០០០នាក់ បានបើកជាផ្លូវការកាលពីថ្ងៃទី២៤ កក្កដា កន្លងមក នៅមុនការប្រកួតរយៈពេល២សប្ដាហ៍ស្ថិតនៅក្រុង Barra Datijuca សរុបមានចំនួន៣១អគារ ។
លោកស្រី Kilty Chiller ប្រធានក្រុមអត្តពលិកអូស្ដ្រាលីបានរៀបរាប់ថា បន្ទប់នីមួយៗពោរពេញដោយបញ្ហាយ៉ាងច្រើនដូចជាបន្ទប់ទឹកប្រើមិនបាន ទុយោទឹកបែក ខ្សែភ្លើងខ្វាត់ខ្វែង ផ្ទៃបន្ទប់ស្មោកគ្រោក និងភ្លើងនៅបរិវេណជណ្ដើរឡើងភ្លឺមិនគ្រប់គ្រាន់ ។ លោកស្រីបញ្ជាក់បន្តថា ៖ «ដោយសារបញ្ហាច្រើនបែបនេះ ទើបខ្ញុំសម្រេចមិនឱ្យអត្តពលិកអូស្ដ្រាលីទៅស្នាក់នៅក្នុងអគារនោះទេទោះបីជាដល់ពេលកំណត់ចូលស្នាក់នៅក្នុងថ្ងៃទី២១ កក្កដា កន្លងមក ក៏ដោយ ប៉ុន្តែយើងនឹងទៅស្នាក់នៅក្នុងសណ្ឋាគារក្បែរនោះ ព្រោះមានសុវត្ថិភាពជាង» ៕
ចែករំលែកព័តមាននេះ