រាជធានីភ្នំពេញ ៖ តារាជើងចាស់២រូប គឺលោកតាសង់ ស៊ីស និងលោកតាផ្លុង មឿក បាននិងកំពុងធ្លាក់ខ្លួនឈឺជាទម្ងន់ និងបាន
ដង្ហើយរកជំនូយ ដើម្បីព្យាបាលជំងឺ ក្នុងដំណើរជីវិតចុងក្រោយរបស់លោកទាំងពីរ ក្នុងពេលក្រុមគ្រួសារកំពុងមានការខ្វះខាត ។
រាជធានីភ្នំពេញ ៖ តារាជើងចាស់២រូប គឺលោកតាសង់ ស៊ីស និងលោកតាផ្លុង មឿក បាននិងកំពុងធ្លាក់ខ្លួនឈឺជាទម្ងន់ និងបាន
ដង្ហើយរកជំនូយ ដើម្បីព្យាបាលជំងឺ ក្នុងដំណើរជីវិតចុងក្រោយរបស់លោកទាំងពីរ ក្នុងពេលក្រុមគ្រួសារកំពុងមានការខ្វះខាត ។
តារាកំប្លែងលោកតាសង់ ស៊ីស ត្រូវក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យកាលម៉ែត កាលពីសប្តាហ៍មុននៅពេលដែលលោកបានជួបបញ្ហាសម្ពាធសរសៃឈាម ទាញមុខទាញមាត់ ។
រីឯអ្នកចម្រៀងអាយ៉ៃដែលល្បីឈ្មោះម្នាក់ទៀត គឺលោកតា ផ្លុង មឿក ក៏បានធ្លាក់ខ្លួនឈឺប្រមាណ៣ឆ្នាំមកហើយ រហូតមកដល់ពេលនេះ តារាកំប្លែងលោកតាសង់ ស៊ីស កំពុងសម្រាកព្យាបាលនៅក្នុងមន្ទីរពេទ្យនៅឡើយ ហើយការព្យាបាលរបស់លោក គឺត្រូវការចំណាយពេលវេលា និងថវិកាក្នុងចំនួនមួយច្រើន ។
បើតាមការបញ្ជាក់ពីក្រុមគ្រួសាររហូតមកទល់ពេលនេះ លោកតាសង់ ស៊ីស បានធូរស្រាលបន្តិចប៉ុណ្ណោះ ដែលលោកនៅមិនទាន់ទទួលទានអាហារអ្វីបាន ក្រៅតែពីបន្តក់ទឹកតាមស៊ីរ៉ូមនោះទេ ។
នាង ស៊ុន ស្រីពេជ្រ កូនស្រីរបស់លោកតាសង់ ស៊ីស ក៏បានបញ្ជាក់ថា ឪពុករបស់នាងមានជំងឺលើសឈាម ហើយមុនពេលបញ្ជូនមកសង្គ្រោះនៅមន្ទីរពេទ្យនេះ គឺឪពុករបស់នាងបានក្អួត បណ្តាលឱ្យវៀចមាត់ ហើយគ្រូពេទ្យបានប្រាប់ថា ឪពុកនាងត្បៀតសរសៃឈាមខួរក្បាល ។
ចំណែកកូនស្រីលោកតាផ្លុង មឿក វិញ ក៏បានអះអាងប្រាប់កោះសន្តិភាពតាមទូរស័ព្ទថា រហូតមកដល់ពេលនេះ ក្រុមគ្រួសាររបស់នាង អស់លទ្ធភាពក្នុងការបីបាច់ថែរក្សា និងព្យាបាលជំងឺឪពុករបស់អ្នកនាងហើយ ខណៈម្តាយនាង ក៏បានធ្លាក់ខ្លួនឈឺតាំងពីយូរយាណាស់មកហើយ ។
គាត់បន្តថា ឪពុករបស់នាង បានធ្លាក់ខ្លួនឈឺប្រមាណជាង៣ឆ្នាំមកហើយ ដោយសារតែវ័យឪពុករបស់នាងកាន់តែចាស់ជរា។ ក្នុងវ័យប្រមាណ៨០ប្លាយ ឪពុករបស់នាងបានធ្លាក់ខ្លួនឈឺ ដោយសារជំងឺជាច្រើនមុខ និងវង្វេងវង្វាន់ ហើយបត់ជើងបត់ដៃមិនដឹងខ្លួនឡើយ និងទាររកតែហូបរហូត ជាពិសេស គឺរកតែភេសជ្ជៈបាកាស់ ។
អ្នកនាងបញ្ជាក់បន្ថែមថា ក្នុងមួយខែនាងត្រូវទិញថ្នាំសម្រាប់ព្យាបាលឪពុកម្តាយរបស់នាង ដែលក្នុងម្តងៗ គឺត្រូវចំណាយថវិកាប្រមាណ៤០ម៉ឺនរៀល ហើយបន្ទុកទាំងអស់នេះ គឺត្រូវធ្លាក់មកលើរូបនាងទាំងស្រុង ជាមួយនឹងការបីបាច់ថែរក្សាចៅរបស់ឪពុកនាងពីរនាក់ទៀតដែលបានកំព្រាឪពុកម្តាយ។
បើតាមការឲ្យដឹងពីកូនស្រីរបស់លោកតាផ្លុង មឿក កន្លងមក ឪពុករបស់នាងក៏មានការជួយពីសប្បុរសជននានាផងដែរ ដោយក្នុងនោះក៏មានការជួយឧបត្ថម្ភពីសម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនផងដែរ ។ ដោយក្នុងមួយខែ សម្តេចទាំងពីរ បានឧបត្ថម្ភចំនួន៥០ម៉ឺនរៀល ។ ចំនួនទឹកប្រាក់ដែលសម្តេចទាំងពីរ បានឧបត្ថម្ភប្រចាំខែនេះ គឺត្រូវចំណាយទាំងស្រុងទៅលើថ្លៃជួលផ្ទះ ខណៈដែលប្រាក់ចូលនិវត្តន៍របស់ឪពុករបស់នាង គឺសម្រាប់ថ្លៃអាហារប្រចាំថ្ងៃ ទាំងមិនគ្រប់គ្រាន់ ព្រោះត្រូវចំណាយលើថ្នាំព្យាបាលផងដែរ។
អ្នកនាងបញ្ជាក់ថា ដោយសារតែភាពកកត្តញ្ញូនាងនិងក្រុមគ្រួសារចេះតែបន្តព្យាយាមទាំងលំបាកក្នុងបីបាច់ថែរក្សាឪពុកម្តាយរហូតអស់លទ្ធភាព។ភាពកកត្តញ្ញូសម្រាប់អ្នកនាងគឺមានគ្រប់គ្រាន់ហើយ ប៉ុន្តែការផ្គត់ផ្គង់សម្រាប់ការព្យាបាលចំពោះអ្នកមានគុណទាំងពីរនោះគឺមិនមានលទ្ធភាពគ្រប់គ្រាន់ឡើយ។ ហេតុនេះ នាងលើកដៃសុំអំពាវនាវដល់សប្បុរសជននានាមេត្តាជួយឧបត្ថម្ភដល់ក្រុមគ្រួសាររបស់អ្នកនាងផង។
គួបញ្ជាក់ថា លោកតាផ្លុង មឿក ព្រះជន្ម៨៣ឆ្នាំ ជាអ្នកអាយ៉ៃជើងចាស់ ក្នុងទស្សវត្ស៧០-៨០ ហើយអ្វីដែលលោកតាសម្តែងល្បីជាងគេ ជាមួយលោកតាសាឡាត់ អ្នកចម្រៀងអាយ៉ៃជើងចាស់ដូចគ្នាដែរនោះ គឺរឿងកំប្លែងរឿង «តាភោគ» ដែលបានធ្វើឲ្យអ្នកទស្សនាសើចសប្បាយស្ទើរចុកពោះ ។ លោកតាក៏ជាអតីតអ្នកបង្ហាត់បង្រៀនសិល្បៈអាយ៉ៃ នៅក្រសួងវប្បធម៌ និងវិចិត្រសិល្បៈ និងជាអតីតសមាជិកក្រុមប្រឹក្សាសង្កាត់ទន្លេបាសាក់ ។
ចែករំលែកព័តមាននេះ