ខេត្តកំពង់ចាម ៖នាយិកាអង្គការយុវជនកិច្ចការសង្គម កញ្ញា ធី សុវណ្ណថា បានហៅលោក សម រង្ស៊ី ថាជាមេបក្សកំសាករត់ចោលស្រុកដើរញុះញង់បរទេសឲ្យផ្តាច់ជំនួយ និងឲ្យសហភាពអឺរ៉ុបបិទការនំាចូលសម្លៀកបំពាក់ពីកម្ពុជាចង់ឲ្យពលរដ្ឋដាច់បាយ ។
នៅក្នុងវេទិកាសាធារណៈស្តីពីសិទ្ឋិពលរដ្ឋនិងការអភិវឌ្ឍភូមិ-ឃុំរៀបចំដោយអង្គការយុវជនកិច្ចការសង្គម នៅក្នុងឃុំស្រក ស្រុកកំពង់សៀម នាព្រឹកថ្ងៃទី២៥កក្កដា ២០១៦ អតីតសកម្មជនគណបក្សសង្រ្គោះជាតិរូបនេះក៍បានហៅលោកកឹម សុខា ថាជាមនុស្សល្មោភស្រីមិនសមជាមេដឹកនំានោះផងដែរ ។
ជាមួយគ្នានេះ ធី សុវណ្ណថា ក៍បានសរសេររិះគន់នៅលើបណ្តាញទំនាក់ទំនងសង្គម (Facebook) បង្ហោះនៅវេលាថ្ងៃត្រង់នេះមានខ្លឹមសារថា«ព្រឹកនេះ វេទិកា(ទី២១) ឃុំស្រក ស្រុកកំពង់សៀម ខេត្តកំពង់ចាម ពលរដ្ឋ១០០០នាក់ឃុំនេះ (ឃុំរបស់ស្រីមុំ) ពលរដ្ឋអាណិតស្រីមុំណាស់ ដែលត្រូវលោកកឹម សុខា បោកប្រាស់យកខ្លួនប្រាណ»។
មកដល់រសៀលថ្ងៃទី២៥ កក្កដានេះ មិនទាន់មានប្រតិកម្មតបនៅឡើយទេពីមន្រ្តីជាន់ខ្ពស់គណបក្សសង្រ្គោះជាតិ ជុំវិញការលើកឡើងរបស់កញ្ញា ធី សុវណ្ណថាខាងលើនេះ ៕
ចែករំលែកព័តមាននេះ