ជួយផង ! ជួយសង្គ្រោះសត្វដ៏កម្រនេះផង
ខេត្តមណ្ឌលគិរី ៖ ប្រជាពលរដ្ឋដែលអាស្រ័យផលពីព្រៃឈើបានប្រទះឃើញដំរីព្រៃ១ក្បាលបានជាប់អន្ទាក់របស់ព្រានព្រៃនៅតំបន់ព្រៃការពារធម្មជាតិចន្លោះស្រុកអូររាំងនិងស្រុកកែវសីមាខេត្តមណ្ឌលគិរី
ខេត្តមណ្ឌលគិរី ៖ ប្រជាពលរដ្ឋដែលអាស្រ័យផលពីព្រៃឈើបានប្រទះឃើញដំរីព្រៃ១ក្បាលបានជាប់អន្ទាក់របស់ព្រានព្រៃនៅតំបន់ព្រៃការពារធម្មជាតិចន្លោះស្រុកអូររាំងនិងស្រុកកែវសីមាខេត្តមណ្ឌលគិរី
ខេត្តមណ្ឌលគិរី ៖ ប្រជាពលរដ្ឋដែលអាស្រ័យផលពីព្រៃឈើបានប្រទះឃើញដំរីព្រៃ១ក្បាលបានជាប់អន្ទាក់របស់ព្រានព្រៃនៅតំបន់ព្រៃការពារធម្មជាតិចន្លោះស្រុកអូររាំងនិងស្រុកកែវសីមាខេត្តមណ្ឌលគិរី កំពុងរងរបួសធ្ងន់ធ្ងរហើយក៏បានរាយការណ៍ទៅអាជ្ញាធរកាលពីថ្ងៃទី២៣ ខែកក្កដា ឆ្នាំ២០១៦ ។
ប្រភពបានឲ្យដឹងថា រហូតមកដល់ពេលនេះមន្ត្រីជំនាញទាំងអស់នៅមណ្ឌលគិរីហាក់បីដូចជាធ្វើការសង្គ្រោះយឺតយ៉ាវ ដែលអាចប្រឈមគ្រោះថ្នាក់ដល់អាយុជីវិតរបស់សត្វដំរីខាងលើមិនខាន ដោយសារពេលនេះពុំទាន់បាននាំយកមកពីក្នុងព្រៃនៅឡើយទេ ម្យ៉ាងវិញទៀតកម្លាំងរបស់ដំរីបាននិងកំពុងចុះខ្សោយដោយសារអត់ទឹក អាហារ និងរងរបួស ។
មហាជនទូទាំងខេត្តមណ្ឌលគិរីបានស្នើសុំឲ្យក្រុមអាជ្ញាធរ ព្រមទាំងមន្ត្រីជំនាញក៏ដូចជាជំនាញពាក់ព័ន្ធទាំងអស់ជួយរួមគ្នារិះរកគ្រប់មធ្យោបាយ ដើម្បីជួយសង្គ្រោះដល់សត្វកម្រនេះផង ។
ជាពិសេស ប្រជាពលរដ្ឋនៅមណ្ឌលគិរីបានអំពាវនាវដល់ក្រសួងបរិស្ថានឲ្យជួយចាត់ចែងមន្ត្រីជំនាញធ្វើយ៉ាងណាជួយធ្វើការសង្គ្រោះជីវិតសត្វព្រៃមួយក្បាលនេះផង ព្រោះជំនាញពាក់ព័ន្ធនៅខេត្តមណ្ឌលគិរីនេះការជួយសង្គ្រោះហាក់បីដូចជាមានការយឺតយ៉ាវ ៕
ចែករំលែកព័តមាននេះ