ខេត្តក្រចេះ ៖ ជនសង្ស័យម្នាក់ត្រូវបានតុលាការសម្រេចឃុំខ្លួននៅពន្ធនាការខេត្តកាលពីរសៀលថ្ងៃទី២៣ ខែកក្កដា ឆ្នាំ២០១៦ ដោយចោទប្រកាន់ថាបានល្បួងក្មេងស្រីអាយុ៩ឆ្នាំរំលោភរហូតបានសម្រេចកាលពីថ្ងៃទី២១ ខែកក្កដា ឆ្នាំ២០១៦ នៅផ្ទះម្តាយមីងស្រីរងគ្រោះនៅនៅសង្កាត់កោះទ្រង់ ក្រុងក្រចេះ ។
ជនសង្ស័យឈ្មោះ អេង សិលា ហៅ ឡា អាយុ៤៤ឆ្នាំ រស់នៅភូមិចុងកោះ សង្កាត់កោះទ្រង់ ក្រុងក្រចេះ ត្រូវបានចាប់ខ្លួនដោយចោទប្រកាន់ថាបានល្បួងចាប់រំលោភក្មេងស្រីរងគ្រោះអាយុ៩ឆ្នាំម្នាក់ ជាក្មេងកំព្រា មកស្នាក់នៅជាមួយម្តាយមីង ។
នគរបាលឲ្យដឹងទៀតថា កន្លងមកដោយសារតែជនសង្ស័យមានការរាប់អានស្និទស្នាលជាមួយម្តាយមីងរបស់ក្មេងស្រីរងគ្រោះ និងតែងតែមកហូបចុងដេកស្នាក់នៅលើផ្ទះនេះជាញឹកញាប់ ។ ហើយកន្លងមក ជនសង្ស័យក៏តែងតែទិញស្ករគ្រាប់ និងចំណីចំណុកមកឲ្យក្មេងស្រីដើម្បីល្បួងនាង ។ នៅថ្ងៃកើតហេតុ ខណៈដែលស្ត្រីជាម្តាយមីងមិននៅ ជននេះបានឆក់ឱកាសល្បួងនាងរំលោភរហូតបានសម្រច តែមិនស៊ីជម្រៅខ្លាំងទេ ។
នគរបាលបានឲ្យដឹងទៀតថា ក្រោយការរងគ្រោះបែបនេះ ក្មេងស្រីរងគ្រោះក៏ត្រូវបានក្រុមគ្រួសារនាំមកពិនិត្យ និងព្យាបាលនៅមន្ទីរពេទ្យ ខណៈដែលជនសង្ស័យត្រូវបានចាប់ញាត់បញ្ចូលទៅក្នុងទ្រុងដែកផងដែរ ៕
ចែករំលែកព័តមាននេះ