ខេត្តកំពង់ចាម ៖នាយិកាអង្គការយុវជនកិច្ចការសង្គម កញ្ញា ធី សុវណ្ណថា បានឲ្យដឹងថា ប្រជាពលរដ្ឋដែលចូលរួមក្នុងវេទិកាសាធារណៈស្តីពីសិទ្ឋិពលរដ្ឋនិងការអភិវឌ្ឍភូមិ-ឃុំ រៀបចំឡើងដោយអង្គការយុវជនកិច្ចសង្គម បានសម្តែងការមិនសប្បាយចិត្តនិងរិះគន់លោក សម រង្ស៊ី ដែលអំពាវនាវឲ្យសហភាពអឺរ៉ុបបិទការនាំចូលសម្លៀកបំពាក់ពីប្រទេសកម្ពុជា ។
នៅបណ្តាញទំនាក់ទំនងសង្គម (Facebook) កាលពីល្ងាចថ្ងៃទី២៣ កក្កដា ២០១៦ អតីតសកម្មជនគណបក្សសង្គ្រោះជាតិរូបនេះ បានសរសេរថា «ល្ងាចនេះវេទិកា(ទី១៩) ស្រុងចំការលើ ខេត្តកំពង់ចាម ពលរដ្ឋ៨០០នាក់ ពលរដ្ឋស្រុកនេះ រិះគន់ខ្លាំងលើលោក សម រង្ស៊ី ដែលស្នើឲ្យអឺរ៉ុបបិទទីផ្សារសំលៀកបំពាក់ពីកម្ពុជា »។
មកដល់ព្រឹកថ្ងៃទី២៤ កក្កដានេះ មិនទាន់មានប្រតិកម្មតបនៅឡើយទេពីមន្ត្រីជាន់ខ្ពស់គណបក្សសង្គ្រោះជាតិ ជុំវិញការព្រមានរបស់កញ្ញា ធី សុវណ្ណថាខាងលើនេះ ៕
ចែករំលែកព័តមាននេះ