រាជធានីភ្នំពេញ ៖ អតីតតារាភាពយន្តលី ម៉ារីណា និងពិធីការិនីស៊ឹម សូលិកា ដែលពីមុនធ្លាប់ជាគូស្នេហ៍របស់លោកទិត ថាវរិទ្ធ បានជួបគ្នាក្នុងពេលតែមួយ ហើយពួកគេញញឹមញញែមដាក់គ្នា ។
រាជធានីភ្នំពេញ ៖ អតីតតារាភាពយន្តលី ម៉ារីណា និងពិធីការិនីស៊ឹម សូលិកា ដែលពីមុនធ្លាប់ជាគូស្នេហ៍របស់លោកទិត ថាវរិទ្ធ បានជួបគ្នាក្នុងពេលតែមួយ ហើយពួកគេញញឹមញញែមដាក់គ្នា ។
អតីតតារាសម្តែងនាងលី ម៉ារីណា អ្នកនាងស៊ឹម សូលីកា និងលោកទិត ថាវរិទ្ធ បានជួបគ្នាដោយចៃដន្យក្នុងពិធីមង្គលការប្អូនស្រីរបស់អ្នកនាងចន ច័ន្ទលក្ខិណា កាលពីពេល ថ្មីៗកន្លងមក អ្នកទាំងបីញញឹមរកគ្នាក្នុងន័យនៅរាប់អានគ្នា ។ប្រមាណ១០ឆ្នាំមុន តារាភាពយន្តអ្នកនាង លីម៉ារីណា ធ្លាប់បានរៀបការយ៉ាងអធិកអធមជាមួយលោកទិត ថាវរិទ្ធ ជាអគ្គនាយកទូរទស្សន៍បាយ័ន ប៉ុន្តែបានបែកបាក់វិញក្នុងរយៈពេលត្រឹមតែ២៩ថ្ងៃប៉ុណ្ណោះ ។ ក្រោយមកលេចឮថាលោកទិត ថាវរិទ្ធ បានភ្ជាប់ចំណងស្នេហ៍ជាមួយអ្នកមេម៉ាយចាយរាងស៊ឹម សូលីកា ។
លី ម៉ារីណា រស់ក្នុងឈ្មោះជាស្ត្រីមេម៉ាយ អស់រយៈពេលជាច្រើនឆ្នាំមុនពេលនាងសម្រេចចិត្តចូលរោងការជាមួយអាណិកជនខ្មែរនៅសហរដ្ឋអាមេរិក លោកសាត ចាន់ថន កាលពីថ្ងៃទី២៧ ឧសភា ២០១៣ ។ ទៅរស់នៅសហរដ្ឋអាមេរិកបាន៣ឆ្នាំ តារាសម្តែងស្រីរូបនេះមានកូនស្រីម្នាក់ ។ បច្ចុប្បន្នលី ម៉ាលីណា កំពុងរស់នៅកម្ពុជាដើម្បីប្រកបមុខជំនួញផ្ទាល់ខ្លួន ។
អ្នកនាងលី ម៉ារីណា មិនមានគម្រោងវិលចាប់អាជីពសិល្បៈវិញទេ ខណៈដែលនាងត្រូវមើលការខុសត្រូវកូន និងជួយលើការងារស្វាមី ។ លី ម៉ារីណាមានសាច់ឈាមស្រស់ស្អាត និងហ៊ឺហាជាមួយគ្រឿងពេជ្រទាំងឈុតលម្អរាងកាយ ។ ចូលរួមនៅក្នុងពិធីមង្គលការប្អូនស្រីរបស់អ្នកនាងចន ច័ន្ទលក្ខិណា នេះ លី ម៉ារីណាបានជួបលោកទិត ថាវរិទ្ធ និងអ្នកនាងស៊ឹម សូលីកា ដោយចៃដន្យ ហើយអ្នកទាំងបីបានបង្ហាញស្នាមញញឹមរកគ្នាដែលផ្ទុយទៅនឹងការលើកឡើងក្នុងចង្កោមអ្នកសិល្បៈថាអ្នកទាំងបីមើលមុខគ្នាមិនចំនោះ ។
ចំណែកស៊ឹម សូលីកា លេចឮថាបានផ្តាច់ចំណងស្នេហ៍ជាមួយលោកទិត ថាវរិទ្ធ ទៅហើយនោះ មិនបានបង្ហាញការទើសទាល់ក្នុងជំនួបនោះទេ ។ ពួកគេបានថ្លែងសាកសួរសុខទុក្ខគ្នាដូចមិត្តរួមអាជីពទូទៅដែរ ។ ចាត់ទុកថានោះជាជំនួបដ៏គួរឱ្យភ្ញាក់ផ្អើលដែលគេកម្របានឃើញរបស់អ្នកទាំងបី ក្រោយពីចំណងស្នេហាពួកគេបែកបាក់ ៕
ចែករំលែកព័តមាននេះ