កាកសំណល់កន្ទុយបារីជាង៣០តោន ពុំទាន់មានវិធានការបំផ្លាញនៅឡើយ
ឧត្តរមានជ័យ ៖ ជីធម្មជាតិថ្នាំជក់ប្រមាណជាង ៣០តោន ក្រោយពីមន្ទីរកសិកម្ម ខេត្តឧត្តរមានជ័យ ប្រមូលរឹបអូសនៅតាមផ្ទះប្រជាពលរដ្ឋ យកទៅរក្សាទុកក្នុងឃ្លាំង
ឧត្តរមានជ័យ ៖ ជីធម្មជាតិថ្នាំជក់ប្រមាណជាង ៣០តោន ក្រោយពីមន្ទីរកសិកម្ម ខេត្តឧត្តរមានជ័យ ប្រមូលរឹបអូសនៅតាមផ្ទះប្រជាពលរដ្ឋ យកទៅរក្សាទុកក្នុងឃ្លាំង
ឧត្តរមានជ័យ ៖ ជីធម្មជាតិថ្នាំជក់ប្រមាណជាង ៣០តោន ក្រោយពីមន្ទីរកសិកម្ម ខេត្តឧត្តរមានជ័យ ប្រមូលរឹបអូសនៅតាមផ្ទះប្រជាពលរដ្ឋ យកទៅរក្សាទុកក្នុងឃ្លាំងស្ថានីយពិសោធន៍កសិកម្ម បន្ទាប់ពីរកឃើញថា ជីទាំងនោះជាប្រភេទកាកសំណល់កន្ទុយបារី មិនមែនជាជីធម្មជាតិ ដែលរហូតមកដល់ពេលនេះ គឺមានរយៈពេលជាងមួយឆ្នាំមកហើយ។ ចំពោះកាកសំណល់ថ្នាំជក់បានក្លាយទៅជាកំណប់រក្សាទុកនៅក្នុងឃ្លាំងដដែល ដោយមិនធ្វើការកម្ទេច ទោះបីជារកឃើញថា ជាកាកសំណល់កន្ទុយបារី និងប៉ះពាល់ដល់សុខភាពប្រជាពលរដ្ឋ។
ការរឹបអូសជីក្លែងក្លាយ សុទ្ធតែជាកាកសំណល់កន្ទុយបារី ដែលការច្រកក្នុងបេ ពុំមានស្លាកយីហោ និងររៀបប្រើប្រាស់ ត្រូវបានគេនាំមកពីវៀតណាម ឆ្លងកាត់ខេត្តកំពង់ចាម ដោយក្រុមហ៊ុន ប៉ែន លឹម ត្រេឌីង ហើយដឹកយកទៅលាក់នៅតាមផ្ទះរបស់ប្រជាពលរដ្ឋ នៅក្នុងស្រុកអន្លង់វែង។ មន្ទីរកសិកម្មខេត្ត សហការជាមួយព្រះរាជអាជ្ញាខេត្តឧត្តរមានជ័យ ចុះធ្វើការរឹបអូសបានប្រមាណចំនួន ២០តោន កាលពីដើមខែមេសា ឆ្នាំ២០១៥ កន្លងទៅ។ ហើយបានដឹកយកទៅរក្សាទុកនៅក្នុងឃ្លាំងស្ថានីយពិសោធន៍កសិកម្មកូនក្រៀល ស្ថិតនៅកណ្តាលព្រៃ ដែលមានចម្ងាយប្រមាណជា ៣គីឡូម៉ែត្រ ពីផ្លូវជាតិលេខ PR១៧១ ក្នុងភូមិសំរោងសែនជ័យ១ សង្កាត់កូនក្រៀល ក្រុងសំរោង ខេត្តឧត្តរមានជ័យ ហើយក៏បានដឹកចំនួន ១០តោនទៀត ពីសង្កាត់ស្លក្រាម ក្រុងសៀមរាប មកដាក់ក្នុងឃ្លាំងខាងលើ។
លោក ប៉ែន ស័ក្តិពិសិដ្ឋ ប្រធានការិយាល័យនិតីកម្ម នៃមន្ទីរកសិកម្មខេត្តឧត្តរមានជ័យ បានឱ្យដឹង តាមទូរស័ព្ទនៅព្រឹកថ្ងៃទី២២ ខែកក្កដា ឆ្នាំ២០១៦នេះថា តុលាការខេត្តឧត្តរមានជ័យ បានចេញដីកាហៅខាងក្រុមហ៊ុន ប៉ែន លឹម ដើម្បីមកបំភ្លឺ ហើយក្រុមការងារក៏បានចុះទៅដល់ស្នាក់ការក្រុមហ៊ុននៅឯភ្នំពេញ តែស្នាក់ការក្រុមហ៊ុនបានបិទទ្វារ និងរុះរើស្លាកសញ្ញាក្រុមហ៊ុនអស់ មិនដឹងផ្លាស់ប្តូរទៅកន្លែងណានោះទេ។ លោកបានបន្តថា ម្ចាស់ក្រុមហ៊ុនជី មិនទាន់ចូលខ្លួនមកដោះស្រាយនៅឡើយទេ ហើយខាងតុលាការក៏មិនទាន់ចេញឯកសារកម្ទេចចោលនោះដែរ។ ដោយសំអាងថា ក្រសួងកសិកម្ម ក៏មិនទាន់មានចេញលិខិតហាមឃាត់ ឬយ៉ាងណានោះទេ ទើបតុលាការមិនទាន់ឱ្យមន្ទីរកសិកម្មកម្ទេចដុតចោល ឬកប់ចោលនោះឡើយ។
តាមឱ្យដឹងពីមន្ត្រីក្នុងមន្ទីរកសិកម្មម្នាក់បាននិយាយថា មន្ទីរកសិកម្ម ក៏ចាញ់បោកក្រុមហ៊ុន ប៉ែន លឹម រឿងបញ្ហាថ្លៃឈ្នួលរថយន្តដឹកមកដាក់ឃ្លាំង ថ្លៃឈ្នួលកម្មករជញ្ជូន ថ្លៃឈ្នួលកម្មករយាមឃ្លាំង និងថ្លៃឈ្នួលជួលឃ្លាំងដាក់កាកសំណល់កន្ទុយបារី ដោយត្រឹមតែមានកិច្ចសន្យាថ្លៃឈ្នួលរវាងអតីតប្រធានមន្ទីរកសិកម្ម លោក យឿន ប៊ុនថា នឹងតៃកុងរថយន្ត ដែលចាត់ទុកជាតំណាងក្រុមហ៊ុន ហើយរហូតមកដល់ពេលនេះរយៈពេលមួយឆ្នាំមកហើយ ក៏នៅតែមិនឃើញក្រុមហ៊ុន ប៉ែន លឹម ចូលខ្លួនដោះស្រាយ។ មន្ត្រីរូបនោះបានបន្ថែមថា ឃ្លាំងមន្ទីរពិសោធន៍កសិកម្ម ធ្វើអស់លុយរាប់លាន បែរជាដាក់កាកសំណល់កន្ទុយបារី ដែលគ្មានប្រយោជន៍ទៅវិញ។
ប្រជាពលរដ្ឋ ដែលធ្លាប់ប្រើជីខាងលើដាក់ដំណាំ បាននិយាយថា នៅពេលដែលកាន់ជីកន្ទុយបារីខាងលើ ដើរដាក់ដំណាំ មានការប្រតិកម្មដូចជារមាស់ និងចេញកន្ទួល ក្លាយទៅជារលាកស្បែក នៅតាមដៃជើងដែលបានប៉ះពាល់ជី ហើយដំណាំ ក៏ងាប់អស់ និងមានក្លិនស្អុយដូចសាកសពទៀត។ មន្ត្រីម្នាក់នៅក្នុងមន្ទីរកសិកម្ម បានបញ្ជាក់ថា តាមការពិសោធន៍ជី ដែលជាកាកសំណល់កន្ទុយបារីនេះ គឺមានសារធាតុជាប្រភេទជីមានតិចបំផុត និងធ្វើឱ្យប៉ះពាល់ដល់សុខភាពពលរដ្ឋទៀតផង៕
ចែករំលែកព័តមាននេះ