នាវាទេសចរណ៍ធន់ធំ១គ្រឿង ចូលចតនៅក្រុងព្រះសីហនុ
ខេត្តព្រះសីហនុ ៖ នាវាទេសចរណ៍ខ្នាតយក្សមួយគ្រឿងទៀតគ្រឿងឈ្មោះ DAWNPRIN CESS បានចូលចតនៅកំពង់ផែក្រុងព្រះសីហនុ ដោយបាននាំភ្ញៀវទេសចរណ៍
ខេត្តព្រះសីហនុ ៖ នាវាទេសចរណ៍ខ្នាតយក្សមួយគ្រឿងទៀតគ្រឿងឈ្មោះ DAWNPRIN CESS បានចូលចតនៅកំពង់ផែក្រុងព្រះសីហនុ ដោយបាននាំភ្ញៀវទេសចរណ៍ ចម្រុះជាតិ សាសន៍ ភ្ញៀវទេសចរណ៍ចំនួន ២.០០៤នាក់ ស្រី ១.០៩៨នាក់ មាន ២៦សញ្ជាតិ ក្នុងនោះ ភ្ញៀវទេសចរណ៍ជាតិ អូស្ត្រាលី ចំនួន ១.៤៥៤ នាក់ ភ្ញៀវទេសចរណ៍ជាតិ ញូវសេឡង់ ចំនួន ២១០នាក់ និងសញ្ជាតិ អង់គ្លេស ចំនួន ១១៨នាក់ ។
លោក ស៊ាង លេង នាយប៉ុស្តិ៍ច្រកទ្វារអន្តរជាតិក្រុងព្រះសីហនុបានថ្លែងថា ហើយភ្ញៀវទេសចរណ៍ដែលចូលមកទស្សនានៅព្រះរាជាណាចក្រកម្ពុជា ក៏ដូចនៅខេត្តព្រះសីហនុ មានការកើនឡើងពីមួយឆ្នាំទៅមួយឆ្នាំ ទាំងអស់នេះដោយសារតែប្រទេសយើងមានសុខសន្តិភាព ស្ថិរភាពនយោបាយពេញលេញ។ ធ្វើឲ្យភ្ញៀវទេសចរណ៍មានការកើនឡើង ជាមួយគ្នានោះដែរដោយសារតែប្រទេសកម្ពុជាមានសក្ដានុពលជាច្រើនជាពិសេសផ្នែវិស័យទេសចរណ៍ ដូចជាប្រាសាទបុរាណ និងររមណីយដ្ឋានបែបធម្មជាតិជាច្រើនកន្លែងនៅតាមបណ្ដាខេត្តនានាក្នុងព្រះរាជាណាចក្រកម្ពុជា។
លោកបានបញ្ជាក់ផងដែរថាជាក់ស្តែង នៅវេលាម៉ោង ៦និង៣០នាទីព្រឹក ថ្ងៃទី២១ ខែកក្កដា ឆ្នាំ២០១៦នេះ នៅខេត្តព្រះសីហនុ មាននាវាទេសចរណ៍ខ្នាតធំមួយគ្រឿងឈ្មោះ DAWN PRINCESS បានចូលចត នៅកំពង់ផែក្រុងព្រះសីហនុ ដោយបាននាំភ្ញៀវទេសចរណ៍ចម្រុះជាតិសាសន៍ភ្ញៀវទេសចរណ៍ចំនួន២.០០៤ នាក់ ស្រី ១.០៩៨ នាក់ មាន ២៦ សញ្ជាតិ ក្នុងនោះ ភ្ញៀវទេសចរណ៍ជាតិ អូស្ត្រាលី ចំនួន ១.៤៥៤ នាក់ , ភ្ញៀវទេសចរណ៍ជាតិ ញូវសេឡង់ ចំនួន ២១០ នាក់ និងសញ្ជាតិ អង់គ្លេស ចំនួន ១១៨ នាក់ ។ នាវឹកចំនួន ៨៤៧នាក់ ស្រី ១១២នាក់ មាន ២០សញ្ជាតិ នាវាមានបណ្តោយប្រវែង ២៦១.៣១ ម៉ែត្រ, ទទឹងប្រវែង ៣២.២៨ ម៉ែត្រ ជំរៅទឹក ៨,១០ ម៉ែត្រ។ នាវាចេញដំណើរមកពីប្រទេសវៀតណាម និងបន្តដំណើរទៅប្រទេសថៃ វេលាម៉ោង ០៤និង០០ ល្ងាចថ្ងៃដដែល៕
ចែករំលែកព័តមាននេះ