រាជធានីភ្នំពេញ ៖ វគ្គបណ្តុះបណ្តាលថតរូប S7 Pro Photography ដែលបង្រៀនដោយគ្រូអាជីពអំពីរបៀបថតរូបតាមទូរស័ព្ទដៃសាមសុង ក្នុងរយៈពេល៣ខែកន្លងទៅថ្មីៗនេះ ទទួលបានការគាំទ្រយ៉ាងខ្លាំងពីសំណាក់អ្នកប្រើទូរស័ព្ទ ជាពិសេសទទួលបានការចាប់អារម្មណ៍ខ្លាំងពីសំណាក់យុវវ័យសម័យថ្មី ដែលចូលចិត្តថតរូបឱ្យមើលទៅស្អាតដូចប្រើកាមេរ៉ាអាជីព ។
លោក កឹម សុវណ្ណា ដែលជាអ្នកថតរូបដ៏ល្បីល្បាញមួយរូបនៅក្នុងប្រទេសកម្ពុជា និងជាគ្រូបង្ហាត់ថតរូបបានឱ្យដឹងថា៖«ខ្ញុំសង្កេតឃើញថា មានមនុស្សជាច្រើននាក់បានចូលរួមទាំងអ្នកទីក្រុងភ្នំពេញនិងអ្នកមកពីខេត្តឆ្ងាយៗ។ មានអ្នករៀនខ្លះអាចថតរូបបានស្អាតៗប្រហាក់ប្រហែលអ្នកថតរូបអាជីពផងដែរ» ។
លោក ស៊ិន វណ្ណៈ ជាអ្នកចូលចិត្តថតរូបម្នាក់រស់នៅក្នុងខេត្តកំពង់ស្ពឺ បានមកចូលរួមក្នុង វគ្គបណ្តុះបណ្តាល S7 Pro Photography នៅទីក្រុងភ្នំពេញជារៀងរាល់សប្តាហ៍បានឱ្យដឹងថា ៖«ខ្ញុំយល់ថា វគ្គនេះពិតជាល្អណាស់ ព្រោះបានបង្រៀនខ្ញុំតាំងពីមិនចេះថតរូបសោះ រហូតដល់ អាចថតរូបបានច្រើនប្រភេទមិនថារូបទេសភាព ឬរូបផ្សេងៗទៀត ។ មិត្តភក្តិរបស់ខ្ញុំដែលជាជន បរទេសបានសរសើរថារូបដែលខ្ញុំប្រើទូរស័ព្ទថតពិតជាស្អាត» ។
លោកវណ្ណៈ បានចាប់អារម្មណ៍លើការថតរូបដំបូងបំផុតនៅឆ្នាំ២០១៥បន្ទាប់ពីគាត់បានប្រើទូរស័ព្ទសាមសុង Galaxy S6 edge ដើម្បីថតរូប ហើយសង្កេតឃើញថារូបថតទាំងនោះស្អាតអាចទទួលយកបាន ។ បច្ចុប្បន្ននេះ គាត់កំពុងតែសាកល្បងប្រើទូរស័ព្ទសាមសុង Galaxy S7 edge ថតរូបវិញម្តង។
ស្រដៀងគ្នានេះដែរ លោក សរ សុធា បានឱ្យដឹងថា៖«វគ្គបណ្តុះបណ្តាលនេះផ្តល់សារប្រយោជន៍ល្អសម្រាប់ប្រជាជនកម្ពុជាដែលចូលចិត្តថតរូប និងចង់ស្វែងយល់បន្ថែមពីមុខងារនីមួយៗនៃកាមេរ៉ាទូរស័ព្ទ ។ សម្រាប់រូបខ្ញុំផ្ទាល់ ខ្ញុំពិតជាសប្បាយចិត្តដែលបានសិក្សាអំពីរបៀបថតរូបជាច្រើនដូចជាការថតបញ្ច្រាសថ្ងៃ និងការថតពេលយប់ជាដើម»។
លោកបញ្ជាក់បន្ថែមទៀតថា៖«នៅក្នុងវគ្គបណ្តុះបណ្តាលនេះ ខ្ញុំបានលើកយកជំនាញនៃការថតរូបរបស់ខ្ញុំដែលផ្តោតលើមុខងារទំនើបៗរបស់ទូរស័ព្ទសាមសុង និងរបៀបចាប់យករូបថតបញ្ឈរ ឬផ្តេក ព្រមទាំងរបៀបថតរូបនៅពេលថ្ងៃ ពេលមានភ្លៀងធ្លាក់ និងពេលយប់។ យើងបានយកពួកគាត់ទៅអនុវត្តថតរូបនៅតាមទីកន្លែងជាច្រើនក្នុងទីក្រុងភ្នំពេញ»។
គ្រប់ប្រភេទទូរស័ព្ទសាមសុង ជាពិសេសទូរស័ព្ទ Galaxy S7 Edge/S7 កំពុងតែទទួលបានការពេញនិយមជាងគូប្រជែងផ្សេងៗទៀតក្នុងទីផ្សារទូរស័ព្ទនៅក្នុងប្រទេសកម្ពុជានាពេលបច្ចុប្បន្ននេះ ហើយក៏ជាក្រុមហ៊ុនដំបូងគេបំផុតដែលបើកវគ្គបណ្តុះបណ្តាលជំនាញថតរូបលើទូរស័ព្ទដៃដល់អតិថិជនដែលកំពុងតែប្រើប្រាស់ Smartphoneស៊េរីថ្មីៗរបស់សាមសុងដោយឥតគិតថ្លៃ ៕
ចែករំលែកព័តមាននេះ