រន្ធត់ ! ពេលទៅដាស់ប្អូនឲ្យក្រោក
រាជធានីភ្នំពេញ ៖ ដោយមិនឃើញក្រោកមកធ្វើការ បុរសម្នាក់បានចូលទៅដាស់ប្អូនប្រុសខ្លួនឯងដែលកំពុងដេកនៅលើប៉ាវអ៊ីក្នុងបន្ទប់ ធ្វើឲ្យបុរសជាបងមានការរន្ធត់ចិត្តយ៉ាងខ្លាំង
រាជធានីភ្នំពេញ ៖ ដោយមិនឃើញក្រោកមកធ្វើការ បុរសម្នាក់បានចូលទៅដាស់ប្អូនប្រុសខ្លួនឯងដែលកំពុងដេកនៅលើប៉ាវអ៊ីក្នុងបន្ទប់ ធ្វើឲ្យបុរសជាបងមានការរន្ធត់ចិត្តយ៉ាងខ្លាំងដោយសារតែដាស់មិនព្រមភ្ញាក់សោះព្រោះបានស្លាប់បាត់ទៅហើយ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨ព្រឹក ថ្ងៃទី២១ ខែកក្កដា ឆ្នាំ២០១៦ នៅចំណុចផ្ទះ អេផល ស្ទីកគ័រ អ៊ុតម៉ូតូ ឡាន កាត់តែម បិទUV ដែលមានអាសយដ្ឋានផ្ទះលេខ៦០៣ផ្លូវលេខ៣១០ ស្ថិតក្នុងភូមិ១ សង្កាត់បឹងកេងកង២ ខណ្ឌចំការមន ។
សមត្ថកិច្ចបានឲ្យដឹងថា ជនរងគ្រោះឈ្មោះ ម៉ាក គឹមណៃ អាយុ២៤ឆ្នាំ មុខរបរជាងបិទស្កុតម៉ូតូ ឡាន កាត់តែម បិទ UV ស្នាក់នៅ និងធ្វើការនៅ អេផល ស្ទីកគ័រ តាមបណ្ដោយផ្លូវលេខ៣១០ ស្ថិតក្នុងភូមិ១ សង្កាត់បឹងកេងកង២ ខណ្ឌចំការមន រាជធានីភ្នំពេញ ។
ប្រភពព័ត៌មានពីបងប្រុសជនរងគ្រោះបានឲ្យដឹងថា មុនពេលកើតហេតុ កាលពីយប់ប្អូនប្រុសរបស់ខ្លួនអត់បានដេកនៅកន្លែងធ្វើការខាងលើទេ លុះដល់ព្រឹកឡើងខ្លួនជាបងប្រុសក៏បានមកបើកទ្វារ រួចទៅបើកទ្វារបន្ទប់ដែលប្អូនប្រុសដេកនោះក៏ឃើញនៅលើប៉ាវអ៊ី ដោយស្មានតែដេកលក់ក៏បានទៅដាស់ពេលនោះទើបដឹងថា ប្អូនបានស្លាប់បាត់ទៅហើយ ។ ភ្លាមៗនោះបងប្រុសបានរាយការណ៍ទៅសមត្ថកិច្ចមូលដ្នានឱ្យមកពិនិត្យ និងធ្វើកោសល្យវិច្ច័យផងដែរ ។
ក្រោយពេលធ្វើកោសល្យវិច្ច័យរួចសមត្ថកិច្ចជំនាញបានឲ្យដឹងថា ជនរងគ្រោះស្លាប់ដោយសារខ្យល់គ «គាំងបេះដូង» ៕
ចែករំលែកព័តមាននេះ