ប្រទេសវៀតណាម ៖ អង្គការឥណទានចំនួន៧ បានប្តេជ្ញាចិត្តផ្តល់ប្រាក់កម្ចីដល់តំបន់ដីសណ្តទន្លេមេគង្គ ដែលមានទឹកប្រាក់សរុបចំនួន១,៣ប៊ីលានដុល្លារដើម្បីអនុវត្តលើគម្រោងទាំង៧៣ ក្នុងការអភិវឌ្ឍសេដ្ឋកិច្ច និងសង្គម ។
ប្រទេសវៀតណាម ៖ អង្គការឥណទានចំនួន៧ បានប្តេជ្ញាចិត្តផ្តល់ប្រាក់កម្ចីដល់តំបន់ដីសណ្តទន្លេមេគង្គ ដែលមានទឹកប្រាក់សរុបចំនួន១,៣ប៊ីលានដុល្លារដើម្បីអនុវត្តលើគម្រោងទាំង៧៣ ក្នុងការអភិវឌ្ឍសេដ្ឋកិច្ច និងសង្គម ។
សេចក្តីថ្លែងការណ៍នេះ ប្រកាសដោយលោក Dao Minh Tu ទេសាភិបាលរងនៃធនាគាររដ្ឋវៀតណាម (SBV) ក្នុងអំឡុងពេលធ្វើសិក្ខាសាលាមួយដែលប្រារព្ធឡើងនៅខេត្ត Hau Giang ។
លោក Tu មានប្រសាសន៍ថា នៅក្នុងសិក្ខាសាលានេះមាន១៦ស្ថាប័ន ព្រមទាំងចុះហត្ថលេខាផ្តល់ឥណទានសរុបជាទឹកប្រាក់ចំនួន១០ទ្រីលានដុង ។
ជាផ្នែកមួយនៃកិច្ចសហប្រតិបត្តិការសេដ្ឋកិច្ចតំបន់ដីសណ្តទន្លេមេគង្គ (MDEC) ២០១៦ ដែលសិក្ខាសាលានេះធ្វើឡើងស្តីពីការផ្តល់ឥណទានរបស់ធនាគារសម្រាប់ការអភិវឌ្ឍសេដ្ឋកិច្ច និងសង្គមនៅតាមតំបន់ដីសណ្តទន្លេមេគង្គ គឺជាឱកាសដ៏ល្អមួយសម្រាប់តំបន់នៅទីនោះ ព្រមទាំងសហគ្រាស និងអ្នកជំនាញ ដើម្បីពិភាក្សាគោលការណ៍ឥណទានឱ្យបានច្បាស់លាស់ និងសកម្មភាពធនាគារទាំងអស់ក្នុងការជួយអភិវឌ្ឍន៍ ។
លោក Truong Canh Tuyen អនុប្រធាននៃគណៈកម្មាធិការប្រជាជនខេត្ត Hau Giang បានឱ្យដឹងថា ក្រៅពីថវិការដ្ឋ ដើមទុនទាំងអស់ពីធនាគារបានដើរតួយ៉ាងសំខាន់ក្នុងការអភិវឌ្ឍសេដ្ឋកិច្ច និងសង្គមនៅតាមតំបន់ដីសណ្តទន្លេមេគង្គ និងជាពិសេស នៅខេត្ត Hau Giang។ សូមអរគុណចំពោះធនាគារដែលបានផ្តល់ប្រាក់កម្ចីអាជីវកម្មមួយចំនួន និងគ្រួសារប្រកបរបរកសិកម្មនៅតាមតំបន់នេះទាំងអស់ ដែលមានធនធានជាច្រើនដើម្បីពង្រីកការផលិត និងបង្កើនគុណភាពនៃផលិតផលកសិកម្ម ។
យោងតាម SBV ការប្រមូលដើមទុនសម្រាប់អភិវឌ្ឍន៍តំបន់នេះមានចំនួនប្រហែល ៧% នៃការប្រមូលទុនសរុបសម្រាប់សេដ្ឋកិច្ចជាតិ ។ ឥណទានធនាគារក៏បានកើនឡើងបន្តិចម្តងៗផងដែរក្នុងរយៈពេលប៉ុន្មានឆ្នាំចុងក្រោយនេះ ។
ចាប់តាំងពីដើមឆ្នាំនេះ ប្រាក់កម្ចីសរុបពីស្ថាប័នឥណទានដែលមានមូលដ្ឋាននៅភាគខាងនិរតី បានកើនដល់៤០០ទ្រីលានដុង (១៨ប៊ីលានដុល្លារ) ពោលគឺកើនឡើង៣,៣%ពីមួយឆ្នាំទៅមួយឆ្នាំ និងមាន៨%នៃប្រាក់កម្ចីសរុបរបស់ប្រទេស ។
គួរបញ្ជាក់ថា ប្រាក់កម្ចីសម្រាប់ផលិតកម្មកសិកម្មបានកើនឡើង១០% បើធៀបទៅនឹងតួលេខកាលពីចុងឆ្នាំមុន ៕
ចែករំលែកព័តមាននេះ