AFP កាលពីពេល ថ្មីៗកន្លងមកផ្សាយថា ការសិក្សាស្រាវជ្រាវបង្ហាញនៅក្នុងឯកសារប្រែប្រួលធម្មជាតិឱ្យដឹងថា ការបញ្ចេញផ្សែងពីការដឹកជញ្ជូនទំនិញតាមនាវានៅអាស៊ីខាងកើត បានកើនខ្ពស់ ជាមូលហេតុបណ្តាល
AFP កាលពីពេល ថ្មីៗកន្លងមកផ្សាយថា ការសិក្សាស្រាវជ្រាវបង្ហាញនៅក្នុងឯកសារប្រែប្រួលធម្មជាតិឱ្យដឹងថា ការបញ្ចេញផ្សែងពីការដឹកជញ្ជូនទំនិញតាមនាវានៅអាស៊ីខាងកើត បានកើនខ្ពស់ ជាមូលហេតុបណ្តាលឱ្យស្លាប់បាត់បង់ជីវិតមនុស្សនៅក្នុងភូមិភាគនោះច្រើនម៉ឺននាក់ក្នុងមួយឆ្នាំ និងធ្វើឱ្យផែនដីឡើងកំដៅ ។
កំណើននៃការបញ្ចេញកំដៅនឹងកើនខ្ពស់បន្ទាប់ពីប្រទេសចិនឈរលើនយោបាយខ្សែផ្លូវពាណិជ្ជកម្ម ដើម្បីតភ្ជាប់ទំនិញទៅអឺរ៉ុប ។ ក្រុមអ្នកវិទ្យាសាស្ត្រជនជាតិចិន និងអាមេរិក បានប្រើទិន្នន័យដែលកត់ត្រាលើនាវាច្រើនជាង១៨.០០០គ្រឿង នៅក្នុងភូមិភាគកាលពីឆ្នាំ២០១៣ ដើម្បីគណនាអត្រានៃការបញ្ចេញឧស្ម័នកំដៅ និងផលប៉ះពាល់ពួកគេ ហើយរកឃើញថា ការដឹកជញ្ជូនតាមនាវានៅអាស៊ីខាងកើត កើនឡើងទ្វេដងចាប់តាំងពីឆ្នាំ២០០៥មក ។
នៅក្នុងទិន្នន័យបញ្ជាក់ថា នៅឆ្នាំ២០១៣ ការដឹកជញ្ជូនតាមផ្លូវទឹកបានបញ្ចេញឧស្ម័នកំដៅប្រហែល១៦% ពីចំនួនសរុបដោយកើនលើសក្នុងអំឡុងពីឆ្នាំ២០០២ដល់២០០៥ ដែលមានកម្រិតពី៤ទៅ៧% ។ ផលប៉ះពាល់ពីស្ថានការណ៍ដ៏ធ្ងន់នេះបានឈានទៅរកការស្លាប់បាត់បង់ជីវិតមុនវ័យរបស់មនុស្សប្រហែលពី១៤.៥០០នាក់ដល់៣៧.៥០០នាក់ក្នុងមួយឆ្នាំ ។
លទ្ធផលបញ្ជាក់ថា ការបញ្ចេញឧស្ម័នកំដៅពីការដឹកជញ្ជូនតាមផ្លូវទឹកបានពាក់ព័ន្ធដល់ការស្លាប់របស់ពលរដ្ឋចិនចំនួន១៨.០០០នាក់ ជប៉ុន៣.៦០០នាក់ តៃវ៉ាន់ ហុងកុង និងម៉ាកាវ ប្រហែល១១០០នាក់ កូរ៉េខាងត្បូង៨០០នាក់ និងវៀតណាម ៦០០នាក់ ៕
ចែករំលែកព័តមាននេះ