ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលពេញភូមិ បន្ទាប់ពីអ្នកស្រុកបានប្រទះឃើញសពបុរសម្នាក់អត់ក្បាល បានអណ្តែតទឹកស្រះមួយ ហើយក្បាលសពត្រូវគេឃើញនៅឯលើមែកឈើទៅវិញ ដោយត្រូវគេសង្ស័យថា ជនរងគ្រោះអាចចង.កសម្លាប់ខ្លួនជាច្រើនថ្ងៃមកហើយតែគ្មានអ្នកដឹង រហូតជ្រុះខ្លួនធ្លាក់ចូលទឹកស្រះ ។
ហេតុការណ៍នេះកើតឡើង កាលពីវេលាម៉ោងជាង០៤រសៀលថ្ងៃទី២០ កក្កដា ២០១៦ ស្ថិតនៅចំណុចក្រោយផ្ទះសព ចម្ងាយ២០០ម៉ែត្រ ក្នុងភូមិទី៤ ភូមិបែកក្រង់ ឃុំព្រៃនប់ ស្រុកព្រៃនប់ ។
ប្រភពឱ្យដឹងថា សពជនរងគ្រោះត្រូវគេស្គាល់ឈ្មោះកែវ សុខ អាយុ៣១ឆ្នាំ មានទីលំនៅក្នុងភូមិកើតហេតុខាងលើ គាត់ជាមនុស្សសរសៃប្រសាទ នេះបើយោងតាមក្រុមគ្រួសារជនរងគ្រោះ ។
បើតាមការពិនិត្យសពដែលធ្លាក់ក្នុងទឹកស្រះនោះឱ្យដឹងថា ជនរងគ្រោះចង.កសម្លាប់ខ្លួនរយៈពេលជាច្រើនថ្ងៃមកហើយ ព្រោះសពមានសភាពធុំក្លិនស្អុយរលួយចេញដង្កូវទៅហើយ ហើយបានដាច់ចេញពីក្បាលលើដើមអាកាស្យា ដែលមានកម្ពស់៥ម៉ែត្រ ដោយចងភ្ជាប់ជាមួយនិងនីឡុង ។
ចែករំលែកព័តមាននេះ