ខេត្តព្រះសីហនុ ៖ បុរសអ្នកបើកបររថយន្តម្នាក់បានស្លាប់យ៉ាងអាណោចអាធ័មកាលពីវេលាម៉ោង៨យប់ ថ្ងៃទី១៩ ខែកក្កដា ឆ្នាំ២០១៦ នៅចំណុចកោះថ្មី (ក្រុមហ៊ុន យិជៀ) ស្ថិតក្នុងភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។
សមត្ថកិច្ចបានឲ្យដឹងថា ជនរជនរងគ្រោះឈ្មោះ ឆាន វណ្ណឆាយ ភេទប្រុស អាយុ២៤ឆ្នាំ មុខរបរបើកបរ មានទីលំនៅភូមិអូរឧកញ៉ា ហេង ឃុំអូរឧកញ៉ា ហេង ស្រុកព្រៃនប់ ខេត្តព្រះសីហនុ ត្រូវបានគេប្រទះឃើញស្លាប់ដោយគាបជាប់ខាងលើតួរថយន្តបែនដឹកដី១គ្រឿងម៉ាកម៉ុងហ្គោ ពណ៌ទឹកប៊ិច ពាក់ស្លាកលេខ ព្រះសីហនុ 3A-0422 ជារថយន្តដែលជនរងគ្រោះបើកបររាល់ថ្ងៃ ។
ប្រភពពីសមត្ថកិច្ចបានឲ្យដឹងទៀតថា មុនពេលកើតហេតុ បុរសរងគ្រោះនិងមនុស្ស៣-៤នាក់ទៀតបាននាំគ្នាអង្គុយហូបបាយជុំគ្នា លុះបានមួយសន្ទុះគេឃើញជនរងគ្រោះដើរចេញពីវង់ហូបបាយមកកន្លែងរថយន្តរបស់ខ្លួន ហើយបានឮសូសំលេងបញ្ឆេះឡាន ស្របពេលនោះមិនមាននណាចាប់អារម្មណ៍ឡើយ លុះបាត់ជនរងគ្រោះយូរពេកក៏នាំគ្នាទៅមើលស្រាប់តែឃើញគាបជាប់នឹងរថយន្តរបស់ខ្លួនស្លាប់បាត់ជីវិតទៅហើយ ។
ចំពោះការស្លាប់នេះ សមត្ថកិច្ចបានធ្វើការសន្និដ្ឋានថា ត្រូវបានបែនរថយន្តសង្កត់ស្របពេលដែលជនរងគ្រោះបើកបែនចោល ហើយទៅអើតមើលគ្រឿងរថយន្តរបស់ខ្លួនអាចខុសលក្ខណៈបច្ចេកទេស ទើបបណ្តាលឲ្យបែនសង្កត់ស្លាប់តែម្តង ៕
ចែករំលែកព័តមាននេះ