តើអ្វីទៅជាពាក្យសម្តីប្រាំឃ្លា ដែលនឹងធ្វើឱ្យមិត្តស្រីស្រឡាញ់អ្នកកាន់តែខ្លាំងនោះ ? ខាងក្រោមនេះជាពាក្យសម្តីទាំង៥ឃ្លា ដែលនឹងទាក់ទាញការចាប់អារម្មណ៍របស់ស្រីៗ និងធ្វើឱ្យនាងធ្លាក់ក្នុងអន្លង់ស្នេហ៍អ្នក ៖
១-«ខ្ញុំពិតជារីករាយណាស់ដែលមានអ្នកនៅក្នុងជីវិតរបស់ខ្ញុំ»
តើអ្នកណាដែលមិនចូលចិត្តគេសរសើរ? បើអ្នកប្រាប់មិត្តស្រីរបស់អ្នកដូចពាក្យសម្តីខាងលើ នាងពិតជាមានអារម្មណ៍រំភើប ។ នេះមិនមែនជាវេទមន្តអី្វនោះទេ វាគ្រាន់តែជាប្រយោគដែលបង្ហាញសេចក្ដីស្រឡាញ់យ៉ាងជ្រាលជ្រៅរបស់អ្នកចំពោះមិត្តស្រី មិនមានមនុស្សស្រីណា ដែលមិនញញឹមនោះទេ នៅពេលដែលបុរសម្នាក់បាននិយាយនូវសម្តីដែលមានន័យមួយឃ្លានេះ ។
២-ខ្ញុំសុំទោស ៖
ពាក្យដ៏សាមញ្ញនេះនឹងដកចេញនូវការរាំងស្ទះ ហើយផ្សះផ្សាទំនាក់ទំនងរបស់អ្នកម្តងហើយម្តងទៀត ។ នៅពេលដែលអ្នកប្រាប់ដៃគូរបស់អ្នកនូវពាក្យសុំទោសភ្លាមៗនោះ នាងនឹងបញ្ឈប់គំនិតដែលចង់និយាយ ឬធ្វើសកម្មភាពបញ្ឈឺចិត្តដល់អ្នកភ្លាម ។
៣-អ្នកជាមនុស្សពូកែ ៖
សូម្បីតែក្មេងតូចៗ ក៏ចូលចិត្តការសរសើរដែរ ដូច្នេះចូរសរសើរដៃគូឬប្តីឬក៏ប្រពន្ធរបស់អ្នកនៅពេលដែលពួកគេបានធ្វើអ្វីមួយ ដែលគួរតែត្រូវបានគេសរសើរ សូម្បីតែរឿងតូចតាច ដូចជាការចម្អិនអាហារនិងការនិយាយរាត្រីសួស្តី វានឹងបង្កើនទំនុកចិត្តរបស់នាង ហើយវាតែងតែជារឿងល្អ ។
៤-សូមនិយាយប្រាប់ខ្ញុំ ៖
សូម្បីតែនាងត្រូវនិយាយ រហូតដល់៣០នាទី អ្វីដែលអ្នកគួរធ្វើ គឺងក់ក្បាលតាមអ្វីដែលនាងនិយាយ ហើយនាងនឹងចាត់ទុកអ្នកជាអ្នកស្តាប់ដ៏ល្អម្នាក់ ។ ស្ត្រីស្រឡាញ់បុរសដែលខ្លាំងខាងស្តាប់ ហើយចូរប្រាប់នាងវិញថា អ្នករីករាយក្នុងការកំដរនាង នោះនាងប្រាកដជាធ្លាក់ក្នុងអន្លង់ស្នេហ៍អ្នកមិនខាន ។
៥-អ្នកស្អាតខ្លាំងណាស់ ៖
ដោយដឹងថា អ្នកតែងតែសរសើរសម្រស់របស់នាង និងផ្តល់នូវភាពក្លាហានដល់នាងជាច្រើនទៀត ដើម្បីសាកល្បងការលេងម៉ូដថ្មី ដូច្នេះ នាងនឹងប្រឹងតែងខ្លួនឲ្យកាន់តែល្អសម្រាប់អ្នក ។
គ្រាន់តែប្រាប់នាងថា នាងស្រស់ស្អាត តែ បុរសភាគច្រើនបែរជាខ្ជិលនឹងការប្រើប្រាស់ពាក្យមួយឃ្លានេះនៅពេលទំនាក់ទំនងកាន់តែយូរ ប៉ុន្តែអ្នកគួរព្យាយាមក្នុងការនិយាយវា បើមិនបានញឹក ក៏យ៉ាងហោចណាស់ម្តងក្នុងមួយសប្តាហ៍ វានឹងធ្វើឲ្យទំនាក់ទំនងរបស់អ្នកកាន់តែល្អូកល្អិន ៕
ចែករំលែកព័តមាននេះ