រាជធានីភ្នំពេញ ៖ លោក អ៊ុច ប៉ូរិទ្ធ រដ្ឋលេខាធិការក្រសួងការបរទេសកម្ពុជា បានថ្លែងថា ឧបការីក្រសួងការបរទេសសហរដ្ឋអាមេរិកបានលើកឡើងជុំវិញការឃាត់ខ្លួនសមាជិកព្រឹទ្ធសភា សមាជិកសភាមកពីគណបក្ស
រាជធានីភ្នំពេញ ៖ លោក អ៊ុច ប៉ូរិទ្ធ រដ្ឋលេខាធិការក្រសួងការបរទេសកម្ពុជា បានថ្លែងថា ឧបការីក្រសួងការបរទេសសហរដ្ឋអាមេរិកបានលើកឡើងជុំវិញការឃាត់ខ្លួនសមាជិកព្រឹទ្ធសភា សមាជិកសភាមកពីគណបក្សសមរង្ស៊ី គឺអាមេរិកជំរុញឲ្យគណបក្សកាន់អំណាច និងគណបក្សប្រឆាំងវិលទៅកាន់តុចរចា ដោយផ្អែកលើវប្បធម៌សន្ទនាដែលគណបក្សទាំងពីរបានចុះហត្ថលេខាព្រមព្រៀងគ្នាកន្លងមក។
លោក អ៊ុច ប៉ូរិទ្ធ បានថ្លែងប្រាប់អ្នកកាសែតក្រោយពេលជួបពិភាក្សាជាមួយ លោក Tom Malinowski ឧបការីរដ្ឋមន្ត្រីក្រសួងការបរទេសសហរដ្ឋអាមេរិក ទទួលបន្ទុកលទ្ធិប្រជាធិបតេយ្យសិទ្ធិមនុស្ស ជំនួបពិភាក្សានោះធ្វើឡើងនៅទីស្តីការក្រសួងការបរទេសនៅវេលាម៉ោង ៤រសៀល ថ្ងៃទី១៨ កក្កដា ។
លោក អ៊ុច ប៉ូរិទ្ធ បានលើកឡើងទៀងថា លោកបានជម្រាបទៅកាន់សមភាគីថា ការឃាត់ខ្លួនសមាជិកព្រឹទ្ធសភា និងសមាជិកសភារបស់គណបក្សប្រឆាំងនេះ ព្រោះគាត់បានប្រព្រឹត្តខុសច្បាប់ មិនមែនរដ្ឋាភិបាលទៅបិទគណបក្សប្រឆាំងទាំងមូលនោះទេ ហើយនៅពេលនេះគណបក្សប្រឆាំងនៅតែមានសកម្មភាពដដែល ហើយវាជារឿងបុគ្គលដែលមកពីគណបក្សប្រឆាំងធ្វើអ្វីតាមតែចិត្ត ។
លោករដ្ឋលេខាធិការក្រសួងការបរទេសកម្ពុជា បានលើកឡើងថា ភាគីអាមេរិកចង់ឲ្យគណបក្សទាំងពីរបន្តវប្បធម៌សន្ទនាដែលមានស្រាប់ ដើម្បីបន្ថយកំដៅនយោបាយដែលនឹងបង្កឲ្យមានបរិយាកាសល្អសម្រាប់ការបោះឆ្នោតឃុំ-សង្កាត់២០១៧ និងការបោះឆ្នោតជ្រើសតាំងតំណាងរាស្ត្រ២០១៨ ខាងមុខ ។
ចែករំលែកព័តមាននេះ