រាជធានីភ្នំពេញ ៖ ឆ្លៀតពេលសម្រាកទទូលទានអាហារថ្ងៃត្រង់នាវេលាម៉ោង១១និង៣០នាទីថ្ងៃទី១៩ កក្កដា ២០១៦ បុគ្គលិកកោះសន្តិភាពដឹកនាំដោយលោកគ្រូ ហេង រៀន បានអញ្ជើញចុះសួរសុខទុក្ខភរិយាលោកម៉ម វ៉ាន
រាជធានីភ្នំពេញ ៖ ឆ្លៀតពេលសម្រាកទទូលទានអាហារថ្ងៃត្រង់នាវេលាម៉ោង១១និង៣០នាទីថ្ងៃទី១៩ កក្កដា ២០១៦ បុគ្គលិកកោះសន្តិភាពដឹកនាំដោយលោកគ្រូ ហេង រៀន បានអញ្ជើញចុះសួរសុខទុក្ខភរិយាលោកម៉ម វ៉ានដែលមានជំងឺជាទម្ងន់កំពុង សម្រាកព្យាបាលនៅមន្ទីរពេទ្យមិត្តភាពខ្មែរសូវៀត ហើយបាននាំយកថវិកាចំនួន៣០១ដុល្លារនិងលុយ ខ្មែរចំនួយ៨៣២០០០រៀល(ប៉ែតសិបបីមុឺនពីរពាន់រៀល) ជួយចូលរួមរំលែកនូវការលំបាលរបស់ក្រុមគ្រួសារអ្នកជំងឺ ។
ចំពោះកាយវិការមនុស្សធម៌របស់មហារគ្រួសារកោះសន្តិភាពនេះ លោកម៉ម វ៉ាន ស្វាមីអ្នកជំងឺនិងកូនប្រុសពីររូបដែលជាអ្នកសារព័ត៌មានក្នុងស្រទាប់យុវជនជំនាន់ថ្មី ឈ្មោះលោកម៉ម លីហេង និងលោកទុយ ម៉ែន បានលើកម្រាមដៃដប់ថ្លែងអំណរ គុណយ៉ាងជ្រាលជ្រៅបំផុតរកអ្វីប្រៀបផ្ទឹមពុំបានឡើយ ចំពោះទឹកចិត្តចូលរួមរំលែកនូវការលំបាកដល់ក្រុមគ្រួសាររបស់ខ្លួន។
ជាការឆ្លើយតបទៅនឹងអំពើល្អរបស់មហាគ្រួសារកោះសន្តិភាព លោកម៉ម វ៉ាន និងកូនៗ បានបួងសួងដល់វត្ថុស័ក្តិសិទ្ធិក្នុងលោកសូមតាមជួយបីបាច់ថែរក្សាមហាក្រុមគ្រួសារកោះសន្តិភាពដែលមានលោកឧកញ៉ា ថុង អ៊ុយប៉ាង និងលោកជំទាវឧកញ៉ាយិុន ផាន្នី ជាស្ថាបនិកកាសែតកោះសន្តិភាព និងសប្បុរសជនទាំងអស់ដែលបានចូលរួមឧបត្ថម្ភថវិកាដល់ភរិយាខ្ញុំបាទ សូមជៀសឲ្យផុតពីរោគាព្យាធិនិងជួបប្រទះ នូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ចែករំលែកព័តមាននេះ