សហព័ន្ធកីឡាវាយកូនបាល់អន្តរជាតិ(ITF) បានបញ្ជាក់តាមប្រព័ន្ធផ្សព្វផ្សាយថា កីឡាករ-កីឡាការិនីគ្រប់រូបមានសិទ្ធិដកខ្លួនចេញពីការប្រកួតអូឡាំពិកហ្គេម២០១៦ នៅក្រុងរីយ៉ូដឺហ្សាណេរ៉ូប្រទេសប្រេស៊ីលនៅខែសីហានេះ
សហព័ន្ធកីឡាវាយកូនបាល់អន្តរជាតិ(ITF) បានបញ្ជាក់តាមប្រព័ន្ធផ្សព្វផ្សាយថា កីឡាករ-កីឡាការិនីគ្រប់រូបមានសិទ្ធិដកខ្លួនចេញពីការប្រកួតអូឡាំពិកហ្គេម២០១៦ នៅក្រុងរីយ៉ូដឺហ្សាណេរ៉ូប្រទេសប្រេស៊ីលនៅខែសីហានេះ ប្រសិនបើគ្មានទំនុកចិត្តក្នុងការការពារវីរុសZikaប៉ុន្តែយើងគ្មានគំនិតលុបចោលកម្មវិធីប្រកួតទេ ។
កីឡាករ-កីឡាការិនីវាយកូនបាល់ក្នុងកម្មវិធី ATP និងWTAដែលប្រកាសចូលរួមប្រកួតនៅថ្ងៃបើកឆាកទី៥ សីហា ខាងមុខនោះជាចុងក្រោយមានអ្នកខ្លះបានប្រកាសមិនចូលរួមវិញដូចជាកីឡាករMilos Raonic ,Tomas Berdych និងកីឡាការិនីSimona Halep ជាដើម ។
ការដកខ្លួនរបស់កីឡាករ-កីឡាការិនីបានក្លាយជាបញ្ហាចម្បងមួយ ព្រោះមជ្ឈដ្ឋានកីឡាបាល់បោះ និងវាយកូនគោលកំពុងខ្វះកីឡាករល្បីៗចូលរួមដណ្ដើមមេដាយមាស ដោយសារភ័យខ្លាចការឆ្លងមេរោគZika ។
បច្ចុប្បន្ន គណៈកម្មាធិការអូឡាំពិកអន្តរជាតិ កំពុងឃ្លាំមើលពីស្ថានការណ៍នេះយ៉ាងដិតដល់ធ្វើយ៉ាងណាកុំឱ្យមេរោគនេះប៉ះពាល់ដល់កីឡាករ មន្ត្រី និងអ្នកគាំទ្រ និងគ្មានគម្រោងលុបចោល ឬពន្យារពេលការប្រកួតRio Games 2016 ដោយសារការភ័យខ្លាចមេរោគZikaឡើយ ៕
ចែករំលែកព័តមាននេះ