ទឹកចិត្តសុនខ ធ្វើឱ្យម្ចាស់ទឹកភ្នែក និងចងចាំអស់មួយជីវិត
ឥណ្ឌា ៖ សត្វសុនខមួយក្បាល បានឈរប្រយុទ្ធជាមួយសត្វពស់វែក៤ក្បាលយ៉ាងសាហា.វ ដើម្បីការពារកុំឱ្យសត្វដែលមានពិសកាចសាហា.វនេះ អាចចូលក្នុងផ្ទះរបស់ម្ចាស់ខ្លួនបាន ។
ឥណ្ឌា ៖ សត្វសុនខមួយក្បាល បានឈរប្រយុទ្ធជាមួយសត្វពស់វែក៤ក្បាលយ៉ាងសាហា.វ ដើម្បីការពារកុំឱ្យសត្វដែលមានពិសកាចសាហា.វនេះ អាចចូលក្នុងផ្ទះរបស់ម្ចាស់ខ្លួនបាន ។
ឥណ្ឌា ៖ សត្វសុនខមួយក្បាល បានឈរប្រយុទ្ធជាមួយសត្វពស់វែក៤ក្បាលយ៉ាងសាហាវ ដើម្បីការពារកុំឱ្យសត្វដែលមានពិសកាចសាហាវនេះ អាចចូលក្នុងផ្ទះរបស់ម្ចាស់ខ្លួនបាន ។
ពស់វែកភ្នំទាំង៤ក្បាលខាងលើ បានព្យាយាមវារចូលទៅក្នុងផ្ទះរបស់គ្រួសារ Dibakar Raita (ជាផ្ទះម្ចាស់ឆ្កែ) ។ ពេលនោះហើយដែលមានការប្រយុទ្ធរវាងសត្វឆ្កែពូជ Doberman ជាមួយសត្វពស់វែក មកពីភ្នំទាំង៤ក្បាលយ៉ាងស្វិតស្វាញ ។
សុនខមួយក្បាលនេះ បានទទួលយកឈ្នះលើការប្រយុទ្ធមួយទល់នឹងបួន មុនពេលគូសត្រូវរបស់ខ្លួន អាចចូលក្នុងផ្ទះម្ចាស់បាន ។ អ្នកដែលបានឃើញហេតុការណ៍ប្រាប់ឱ្យដឹងថា យុទ្ធនាការប្រយុទ្ធស៊ីសាច់ហុតឈាម បានកើតឡើងរយៈពេលមួយសន្ធុះ និងមានឈាមដាបពេញទីប្រយុទ្ធ ។
ទោះបីជាយ៉ាងណាក៏ដោយ ក៏សុនខមួយក្បាលនោះ មិនព្រមចុះចាញ់ដែរ រហូតដល់វាអាចយកជីវិតពស់ទាំង៤ក្បាល និងអាចការពារម្ចាស់វាពីគ្រោះថ្នាក់ទៀត ។ តែអ្វីដែលគួរឲ្យសោកសង្រែង គឺសុនខស្មោះនឹងម្ចាស់នេះ បានដេកដួលទៅនឹងដីបាត់បង់ជីវិត ដោយសារតែជាតិពិសរបស់ពស់ បានជ្រៀបពេញខ្លួន ។
គ្រួសារដែលជាម្ចាស់របស់សុនខខាងលើ បានប្រាប់អ្នកយកព័ត៌មានថា «ខ្ញុំពិតជារន្ធត់ចិត្តណាស់ ។ វាបានធ្វើការពលីមួយយ៉ាងគួរឲ្យស្ញប់ស្ញែង ចំពោះខ្ញុំនិងគ្រួសារខ្ញុំ ។ ពួកយើងនឹងចងចាំវា រហូតអស់មួយជីវិត ។ ពួកយើងសូមឱ្យវាទៅកាន់សុគតិភពចុះ» ។
អ្នកភូមិទាំងអស់ បានយកកម្រងផ្កាដាក់លើសាកសពរបស់សត្វឆ្កែដ៏គួរឱ្យសរសើរនេះ និងធ្វើពិធីបុណ្យសពតូចមួយឱ្យវាផងដែរ មុនពេលយកទៅកប់ ។
ចែករំលែកព័តមាននេះ