លោក សុខ ពិសិទ្ធិ ចូលកាន់តំណែងអភិបាលរងស្រុក
ខេត្តកណ្តាល ៖ លោកសុខ ពិសិទ្ធិ ប្រធានរដ្ឋបាលស្រុកកៀនស្វាយ នៅព្រឹកថ្ងៃទី១៥ ខែកក្កដា ឆ្នាំ២០១៦នេះ ត្រូវបានប្រកាសតែងតាំងចូលកាន់មុខតំណែងជា
ខេត្តកណ្តាល ៖ លោកសុខ ពិសិទ្ធិ ប្រធានរដ្ឋបាលស្រុកកៀនស្វាយ នៅព្រឹកថ្ងៃទី១៥ ខែកក្កដា ឆ្នាំ២០១៦នេះ ត្រូវបានប្រកាសតែងតាំងចូលកាន់មុខតំណែងជា
ខេត្តកណ្តាល ៖ លោកសុខ ពិសិទ្ធិ ប្រធានរដ្ឋបាលស្រុកកៀនស្វាយ នៅព្រឹកថ្ងៃទី១៥ ខែកក្កដា ឆ្នាំ២០១៦នេះ ត្រូវបានប្រកាសតែងតាំងចូលកាន់មុខតំណែងជា អភិបាលរងស្រុក ក្រោមអធិបតីភាពលោក ជាវ តាយ អភិបាលរងខេត្តកណ្តាល តំណាងលោកបណ្ឌិតអភិបាលខេត្តកណ្តាល។ ដោយមានការអញ្ចើញចូលរួមពីលោកអភិបាលអភិបាលរងស្រុកកៀនស្វាយកងកម្លាំងប្រដាប់អាវុធ និងមន្ត្រីរាជការជុំវិញស្រុក។
លោកអ៊ូឈាងអភិបាលស្រុកកៀនស្វាយបានអានរបាយការណ៍សង្ខេបស្ដីពីការរីកចម្រើនក្នុងស្រុកកៀនស្វាយដែលបានអនុវត្តន៍កន្លងមក។ លោក សុខ ពិសិទ្ធិ ប្រធានរដ្ឋបាលស្រុកកៀនស្វាយទៅកាន់មុខតំណែងជា អភិបាលរងស្រុកកៀនស្វាយជំនួសលោក សោម ស៊ិន អភិបាលរងត្រូវចូលនិវត្តន៍។ ក្នុងឱកាសនោះដែរលោក សុខ ពិសិទ្ធិ បានឡើងប្តេផ្ញាចិត្តខិតខំយកចិត្តទុកដាក់បម្រើការងារឲ្យអស់ពីកម្លាំងកាយចិត្ត ដែលថ្នាក់ដឹកនាំខេត្ត ក៏ដូចជាថ្នាក់ដឹកនាំក្រសួងបានដាក់ជូន។
ថ្លែងក្នុងឱកាសនោះដែរលោក ជាវ តាយ អភិបាលរងខេត្តកណ្តាល តំណាងឲ្យលោកបណ្ឌិតអភិបាលខេត្តកណ្តាល បានមានមតិសំណេះសំណាល និងផ្តាំផ្ញើដល់លោកអភិបាលរងស្រុកកៀនស្វាយដែលទើបតែទទួលតំណែងថ្មី និងមានការកោតសរសើរ និងវាយតម្លៃខ្ពស់ចំពោះលោក សុខ ពិសិទ្ធិ ដែលកន្លងមក ក្នុងនាមលោកជាប្រធានរដ្ឋបាលស្រុកបានខិតខំយកចិត្តទុកដាក់រួមសាមគ្គីសហការគ្នា យ៉ាងសកម្មក្នុងកម្មវិធីនយោបាយចតុកោណរបស់រាជរដ្ឋាភិបាលដំណាក់កាលទី៣ នីតិកាលទី៥ នៃរដ្ឋសភាដែលមានសម្តេចអគ្គមហាសេនាបតីតេជោ ហ៊ុនសែន ជានាយករដ្ឋមន្ត្រី។
ផ្អែកលើបទពិសោធន៍ការងារអនុវត្តកន្លងមកទើបថ្នាក់ដឹកនាំខេត្តកណ្តាលបានលើកសំណើទៅក្រសួងមហាផ្ទៃ ស្នើសុំតែងតាំងលោក សុខ ពិសិទ្ធិ ប្រធានរដ្ឋបាលស្រុកទៅជាអភិបាលរងស្រុកកៀនស្វាយ។ ក្នុងនាមអភិបាលរងដែលបានតែងតាំងថ្មីនេះត្រូវបន្តដឹកនាំអនុវត្តមុខតួនាទីខ្លួនឲ្យបានល្អ មិនត្រូវយកតួនាទីជាអភិបាលរងស្រុកទៅគាបសង្កត់ថ្នាក់ក្រោមឲ្យធ្វើតាមតែចិត្តទេ។
យើងត្រូវចេះរួបរួមគ្នាធ្វើការងារឲ្យបានល្អពិសេសខិតខំថែរក្សាសន្តិសុខសណ្តាប់ធ្នាប់សុវត្ថិភាពសង្គម សហការផ្សព្វផ្សាយច្បាប់ចរាចរណ៍ឲ្យបានទូលំទូលាយ។ អាជ្ញាធរស្រុកត្រូវបង្កើតកិច្ចសហប្រតិបត្តការជាមួយកងកម្លាំងប្រដាប់អាវុធគ្រប់ប្រភេទរួមសហការជាមួយអាជ្ញាធរមូលដ្ឋានភូមិឃុំបង្កើតកិច្ចប្រតិបត្តិការប្រយុទ្ធប្រឆាំងគ្រឿងញៀនកុំឲ្យកើតមានក្នុងទឹកដីស្រុកកៀនស្វាយ៕
ចែករំលែកព័តមាននេះ