សារព័ត៌មានបរទេសកាលពីពេល ថ្មីៗកន្លងមកផ្សាយថា កិច្ចប្រជុំរបស់គណៈកម្មការបេតិកភណ្ឌពិភពលោកនៃអង្គការស្រាវជ្រាវវិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) នៅក្រុងអីុស្តង់ប៊ុល កាលពីថ្ងៃទី១៣ កក្កដា ២០១៦ បានចាត់ទុកក្រុង Djenne ជាក្រុងបុរាណនៅមាត់ទន្លេ « Niger» ភាគកណ្តាលប្រទេសម៉ាលីជាបេតិកភណ្ឌពិភពលោក ស្ថិតក្នុងគ្រោះថ្នាក់ ។ ចាត់ទុកជាក្រុងបុរាណប្រឈមគ្រោះថ្នាក់ ព្រោះរងការគំរាមកំហែងពីពួកអាល់កៃដា និងក្រុម Ansar Dine នៅប្រទេសម៉ាលី។
ក្រុង Djenne គឺជាទីតាំងនៃអគារបុរាណធំចំនួន៤ ដែលសាងសង់ពីថ្មភក់ ព័ទ្ធជុំវិញដោយផ្ទះរបស់ពលរដ្ឋប្រហែល២.០០០ខ្នង មានប្រវត្តិដ៏ចំណាស់ស្ថិតក្នុងសតវត្សទី៣ មុនគ្រឹស្តសករាជ និងបានចុះបញ្ជីដោយអង្គការយូណេស្កូ ជាវត្ថុអច្ឆរិយផ្នែកធម្មជាតិ និងវប្បធម៌ កាលពីឆ្នាំ១៩៨៨ ។
ក្រុងបុរាណនោះបានក្លាយជាគោលដៅវាយប្រហាររបស់ក្រុមក្បាលរឹង Ansar Dine ដែលបានបំផ្លិចបំផ្លាញទីតាំងបុរាណជាច្រើនកន្លែងកាលពីឆ្នាំ២០១២ ក្រោយមកបារាំងជាអតីតអាណានិគមរបស់ម៉ាលី បានបញ្ជូនកងទ័ពទៅវាយបណ្តេញពួកទាំងនោះចេញក្នុងរយៈពេល១ឆ្នាំបន្ទាប់មក ៕
ចែករំលែកព័តមាននេះ