ចោរពីរនាក់២នាក់លួចប្រចាំតំបន់ រួចខ្លួនទៀត
រាជធានីភ្នំពេញ ៖ ចោរ២នាក់បានជិះម៉ូតូ១គ្រឿង ចេញធ្វើសកម្មភាពលួច និងឆក់ទ្រព្យសម្បត្តិប្រជាពលរដ្ឋតាមផ្លូវ និងតាមផ្ទះ ហើយបានប្រទះឃើញរថយន្តកូរ៉េដឹក
រាជធានីភ្នំពេញ ៖ ចោរ២នាក់បានជិះម៉ូតូ១គ្រឿង ចេញធ្វើសកម្មភាពលួច និងឆក់ទ្រព្យសម្បត្តិប្រជាពលរដ្ឋតាមផ្លូវ និងតាមផ្ទះ ហើយបានប្រទះឃើញរថយន្តកូរ៉េដឹកគ្រឿងទេស១គ្រឿង ដែលម្ចាស់គេដឹកដើរលក់រាយ និងបោះដុំតាមផ្ទះម៉ូយ ហើយឆ្លៀតពេលដែលម្ចាស់ចំហទ្វារយកគ្រឿងទេសដាក់ឲ្យម៉ូយ ស្រាប់តែជនសង្ស័យទាំង២នាក់នោះ ជិះម៉ូតូទៅឈប់ជិតរួច បានធ្វើសកម្មភាពលួចយកគ្រឿងទេស និងអីវ៉ាន់នៅក្នុងរថយន្តនោះ។
តែជាអកុសលត្រូវបានម្ចាស់ឃើញទាន់ ស្រែកឆោឡោថាចោរៗ បង្កឲ្យមានការភ្ញាក់ផ្អើលដល់ប្រជាពលរដ្ឋ ហើយជនទាំងពីរនាក់នោះ ក៏បានរត់ចោលម៉ូតូ១គ្រឿង។ បន្ទាប់មកនគរបាល បានដេញតាមដែរប៉ុន្តែ រកមិនឃើញ ក៏បានជួលម៉ូតូរ៉ឺម៉ម៉ូតូកង់បីដឹកម៉ូតូចោរនោះទៅរក្សាទុកនៅប៉ុស្ដិ៍ចោមចៅ ដើម្បីស្រាវជ្រាវរកមុខសញ្ញាជនសង្ស័យខាងលើ ព្រោះជននោះតែងបានចេញធ្វើសកម្មភាពលួចបែបនេះជាបន្តបន្ទាប់ តែពេលនេះបានគេចខ្លួនបាត់ទៀត។
ហេតុការណ៍នោះបានកើតឡើងកាលពីវេលាម៉ោង៥ល្ងាច ថ្ងៃទី១៤ ខែកក្កដា ឆ្នាំ២០១៦ នៅតាមផ្លូវវេងស្រេង ត្រង់ចំណុចមុខរោងចក្រកាត់ដេរ៦ជាន់ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ម៉ូតូដែលក្រុមចោរដៃឆើតរត់ចោលនោះ ម៉ាកស៊ុយហ្ស៊ុយគីវីវ៉ា ពណ៌ខ្មៅ ពាក់ស្លាកលេខ ភ្នំពេញ1T-8566 ហើយម៉ូតូនេះអត់មានចង្កៀងមុខ និងអាវទេ មានតែតួនិងម៉ាស៊ីនប៉ុណ្ណោះ ហើយត្រូវបានកម្លាំងនគរបាលប៉ុស្ដិ៍ចោមចៅរក្សាទុក។
ដោយឡែករថយន្ត ដឹកគ្រឿងទេស មិនស្គាល់ម៉ាកនោះទេ ប៉ុន្តែជាប្រភេទរថយន្តកូរ៉េ ចំណុះ១តោន និងមានទ្រុងដាក់អីវ៉ាន់ខាងក្រោយ។ ហើយក្រោយពេលកើតហេតុបានបើកបន្តដំណើរទៅមុខទៀតបាត់ស្រមោល មិនបានប្ដឹងផ្ដល់នោះទេ ព្រោះគ្មានការបាត់បង់អីវ៉ាន់នោះឡើយ។ កម្លាំងនគរបាលបានឲ្យដឹងថា នៅមុនពេលកើតហេតុ ក្រុមជនសង្ស័យខាងលើ បានចេញធ្វើសកម្មភាព លួចនិងឆក់ នៅតាមផ្លូវសាធារណៈ និងតាមផ្ទះប្រជាពលរដ្ឋ ដោយជិះម៉ូតូខាងលើក្នុងទិសដៅពីកើតទៅលិច លុះពេលទៅដល់ត្រង់ចំណុចកើតហេតុ បានឃើញរថយន្តដឹកគ្រឿងទេសចំហទ្រុងដោយម្ចាស់បើកទ្វារ ទ្រុងយកអីវ៉ាន់ដាក់ឲ្យម៉ូយនៅជិតនោះដែរ។
ខណៈនោះជនសង្ស័យបាន ឈប់ម៉ូតូរួចបានធ្វើសកម្មភាពលួចយកគ្រឿងទេស និងអីវ៉ាន់នៅក្នុងរថយន្តនោះ ប៉ុន្តែម្ចាស់បានឃើញទាន់ ក៏ស្រែកឆោឡោថាចោរៗ បង្កឲ្យមានការភ្ញាក់ផ្អើល ដល់ប្រជាពលរដ្ឋធ្វើឲ្យជនសង្ស័យភ័យខ្លាច នាំគ្នារត់គេចខ្លួនចោលម៉ូតូតែម្ដង។ ប្រជាពលរដ្ឋបាននិយាយថា ក្រុមជនសង្ស័យខាងលើនោះ បានចេញធ្វើសកម្មភាពរាល់ថ្ងៃ ដោយពួកគេជិះម៉ូតូឌុបគ្នា ចេញដើរលួចហើយប៉ះត្រង់ណាលួចត្រង់នឹង របស់អ្វីក៏លួចដែរ ឲ្យតែមើលទៅ របស់នោះមានតម្លៃអាចលក់បានប្រាក់គឺលួចហើយ មានអ្នករងគ្រោះដោយចោរនោះលួចច្រើននាក់មកហើយ ម្យ៉ាងទៀតជននោះ មានសំណាងរត់គេចខ្លួនរួចរហូត ជាក់ស្ដែងពេលនេះនៅតែរត់រួចដដែល៕
ចែករំលែកព័តមាននេះ