រាជធានីភ្នំពេញ ៖ យោងតាមរបាយការណ៍នាយកនគរបាលចរាចរណ៍និងសណ្តាប់ធ្នាប់នៃអគ្គនាយកដ្ឋាននគរបាលជាតិបានឲ្យដឹងថា កាលពីថ្ងៃទី១៣ ខែកក្កដា ឆ្នាំ២០១៦ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១០លើក(យប់៣លើក) បណ្តាលឱ្យមនុស្សស្លា.ប់៦នាក់(ស្រីម្នាក់) រងរបួសធ្ងន់១៤នាក់(ប្រុស) និងរបួសស្រាល៨នាក់(ស្រីម្នាក់) ។
រាជធានីភ្នំពេញ ៖ យោងតាមរបាយការណ៍នាយកនគរបាលចរាចរណ៍និងសណ្តាប់ធ្នាប់នៃអគ្គនាយកដ្ឋាននគរបាលជាតិបានឲ្យដឹងថា កាលពីថ្ងៃទី១៣ ខែកក្កដា ឆ្នាំ២០១៦ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១០លើក(យប់៣លើក) បណ្តាលឱ្យមនុស្សស្លាប់៦នាក់(ស្រីម្នាក់) រងរបួសធ្ងន់១៤នាក់(ប្រុស) និងរបួសស្រាល៨នាក់(ស្រីម្នាក់) ។
នៅក្នុងហេតុការណ៍គ្រោះថ្នាក់ចរាចរណ៍ ទាំង១០លើកនេះ បណ្តាលឲ្យខូចខាតយានយន្ត សរុបចំនួន១៩គ្រឿង រួមមានម៉ូតូ១១គ្រឿង រថយន្តធុនតូច៦គ្រឿង និងរថយន្តធុនធំ ២គ្រឿង ។
មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍រួមមាន ល្មើសល្បឿន ៥លើក(ស្លាប់៣នាក់), ប្រជែង១លើក(ស្លាប់១នាក់),មិនប្រកាន់ស្តាំ២លើក(ស្លាប់ម្នាក់), បត់គ្រោះថ្នាក់១លើក(ស្លាប់ម្នាក់), កត្តាយានយន្ត ១លើក ។ រាជធានី-ខេត្ត ដែលមានគ្រោះថ្នាក់ និងរងគ្រោះថ្នាក់រួមមាន ខេត្តព្រះសីហនុ ២លើក ស្លាប់ស្រីម្នាក់ របួស៨នាក់, កំពង់ធំ ១លើក ស្លាប់ម្នាក់, ក្រចេះ ១លើក របួស១នាក់, ឧត្តរមានជ័យ ១លើក ស្លាប់ ១នាក់ របួស២នាក់, តាកែវ ១លើក ស្លាប់ម្នាក់ របួសម្នាក់ និងខេត្តកំពង់ស្ពឺ ១លើក(ស្លាប់ម្នាក់) ។
របាយការណ៍ដដែលបានបញ្ជាក់ថា កាលពីថ្ងៃទី១៣ ខែកក្កដា ឆ្នាំ២០១៦ លទ្ធិផលត្រួតពិនិត្យការអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើស សរុបទូទាំងប្រទេសមានចំនួន ៣.៨០៥គ្រឿង ក្នុងនោះបានធ្វើការអប់រំចំនួន១.៤៩៧គ្រឿង និងពិន័យសរុប ២.៣០៨គ្រឿង ៕
ចែករំលែកព័តមាននេះ