សព្វថ្ងៃនេះ នៅពេលដែលរោងចក្រផលិតថាមពលអគ្គិសនីថ្មីមួយបានបង្កើតឡើងលើពិភពលោក វាទំនងជានឹងប្រើប្រាស់ថាមពលកកើតឡើងវិញដូចប្រេងឥន្ធនៈដែរ ។ ដូចកាលពីឆ្នាំ២០១៥ ថាមពលកកើតឡើងវិញចំនួន៨៧០ជីហ្គាវ៉ាត់ ត្រូវបានបន្ថែមទៅក្នុងប្រព័ន្ធថាមពលអគ្គិសនីពិភពលោក ចាប់តាំងពីឆ្នាំ២០០៥មកម្ល៉េះ ។
ថ្មីៗនេះ បញ្ហាបំពុលបរិយាកាសដោយធូលីកំពុងបង្កក្តីព្រួយបារម្ភយ៉ាងខ្លាំងសម្រាប់ប្រទេសកូរ៉េ ។ រោងចក្រថាមពលដើរដោយធ្យូងថ្ម គឺជាប្រភពមួយដ៏ចម្បងបណ្តាលឱ្យមានធូលីដី ។ ហេតុនេះ រដ្ឋាភិបាលកូរ៉េបានប្រកាសផែនការរបស់ខ្លួនដើម្បីផ្លាស់ប្តូរជាបណ្តើរៗនូវរោងចក្រដើរដោយធ្យូងថ្ម ទៅជារោងចក្រមួយដែលប្រើប្រាស់ថាមពលកកើតឡើងវិញ ។
គេសម្គាល់ថា នេះជាចំណាប់អារម្មណ៍មួយក្នុងការផ្លាស់ប្តូរដើម្បីភាពស្រស់ស្អាត និងធ្វើឱ្យប្រភពថាមពលកាន់តែអាចប្រើប្រាស់បានយូរ។ ចំពោះឧបសគ្គក្នុងការបង្កើតថាមពលមិនប៉ះពាល់បរិស្ថាន ដែលភាគច្រើនគិតថា ត្រូវចំណាយច្រើន និងគ្មានប្រសិទ្ធភាពនោះ ឥឡូវនេះបច្ចេកវិទ្យាបង្កើតថ្មីនឹងអាចដោះស្រាយឧបសគ្គទាំងនេះបាន ។ បើដូច្នេះមែន សូម្បីតែភាពជឿនលឿននៃបច្ចេកវិទ្យានាពេលបច្ចុប្បន្ន ក៏ថាមពលកកើតឡើងវិញបានក្លាយជាការប្រកួតប្រជែងនៃការចំណាយផងដែរ ។
យោងតាមទីភ្នាក់ងារហិរញ្ញវត្ថុថាមពលថ្មី Bloomberg (BNFE) បានឱ្យដឹងថា កម្រិតចំណាយអគ្គិសនី (LCOE) សម្រាប់ថាមពលដើរដោយខ្យល់បានធ្លាក់ចុះពីឆ្នាំ២០០៩ ប្រមាណ១៥% នៅឆ្នាំ២០១៥ ។
នេះជាភស្តុតាងជាមួយនឹងការប្ដេជ្ញាចិត្តរបស់មជ្ឈមណ្ឌលបរិស្ថានវិទ្យា ដើម្បីបង្កើតថាមពលកកើតឡើងវិញ ដែលមានមូលដ្ឋាននៅសហព័ន្ធអារ៉ាប់រួម (GE) ។ តាមរយៈការផ្តួចផ្តើម «ecomagination» GE បាននិងកំពុងអភិវឌ្ឍន៍បចេ្ចកវិទ្យាដែលបង្កើនប្រសិទ្ធភាពធនធាន កំណើនសេដ្ឋកិច្ច និងបរិស្ថាន ។
ថ្មីៗនេះ ការប្តេជ្ញាចិត្តចំពោះថាមពលបៃតងក៏ត្រូវបានទទួលស្គាល់ដោយកំណត់ត្រាពិភពលោក ជាលើកដំបូងផងដែរ ។
រោងចក្រ Bouchain ស្ថិតនៅប្រទេសបារាំង ត្រូវបានជាប់ឈ្មោះជារោងចក្រថាមពលមានប្រសិទ្ធភាពជាងគេលើពិភពលោក ដោយផ្អែកលើអត្រាប្រសិទ្ធភាពដែលបានកើនឡើង៦២,២% ។
ដូចដែលយើងកំពុងរស់នៅក្នុងសង្គមឌីជីថលនាពេលសព្វថ្ងៃនេះ ដែលជាសម័យឌីជីថលអាចបញ្ចេញគំរូថ្មីមួយសម្រាប់ថាមពលកកើតឡើងវិញ ហើយការវិភាគលើទិន្នន័យ ក៏មានប្រសិទ្ធភាពខ្ពស់ជាងមុន និងកាន់តែប្រសើរផងដែរ ។
ចំពោះប្រទេសកូរ៉េ ដោយមានការបង្កើតឡើងយ៉ាងល្អនូវហេដ្ឋារចនាសម្ព័ន្ធផ្នែកព័ត៌មានវិទ្យា និងមានអត្ថប្រយោជន៍ក្នុងការបង្កើតឱកាសឌីជីថល ។ ឧស្សាហកម្មថាមពលកូរ៉េ គួរទទួលយកការផ្លាស់ប្តូរមកសម័យកាលឌីជីថល និងការវិភាគទិន្នន័យធំៗ ដើម្បីឈានដល់ដំណាក់កាលបន្តបន្ទាប់ទៀតនៃការបង្កើតថាមពល ។
ការវិនិយោគនៅក្នុង R&D (ការស្រាវជ្រាវ និងការអភិវឌ្ឍ) គឺជាគន្លឹះដើម្បីអភិវឌ្ឍន៍នៃការបង្កើតថ្មី ដែលនឹងបង្កលក្ខណៈងាយស្រួលដល់ការផ្សារភ្ជាប់ទៅសេដ្ឋកិច្ច និងបរិស្ថាន ៕
ចែករំលែកព័តមាននេះ