AFP កាលពីពេល ថ្មីៗ កន្លងមកផ្សាយថា ផ្កាយព្រះគ្រោះក្រិនដ៏កម្រមានទំហំតូចជាងផែនដី១៨ដង ប្រទះឃើញនៅឆ្ងាយក្នុងប្រព័ន្ធសុរិយៈគតិ លើរង្វង់គោចរដ៏ចម្លែកមួយ ។
លោក Jean Marc Petit អ្នកតារាសាស្ត្រពីស្ថាប័នស្រាវជ្រាវ
AFP កាលពីពេល ថ្មីៗ កន្លងមកផ្សាយថា ផ្កាយព្រះគ្រោះក្រិនដ៏កម្រមានទំហំតូចជាងផែនដី១៨ដង ប្រទះឃើញនៅឆ្ងាយក្នុងប្រព័ន្ធសុរិយៈគតិ លើរង្វង់គោចរដ៏ចម្លែកមួយ ។
លោក Jean Marc Petit អ្នកតារាសាស្ត្រពីស្ថាប័នស្រាវជ្រាវ «CNRS» របស់បារាំងឱ្យដឹងថា ផ្កាយពោរពេញទៅដោយទឹកកកនេះឈ្មោះថា «RR245» បច្ចុប្បន្ននៅឆ្ងាយពីព្រះអាទិត្យប្រហែល ៩.៧០០លានគីឡូម៉ែត្រ ឬឆ្ងាយពីព្រះអាទិត្រជាង៦៥ដង និងរង្វង់គោចររបស់វាមានភាពខុសប្រក្រតី ។
គម្លាតដែលនៅឆ្ងាយបំផុត គឺស្ថិតនៅឆ្ងាយពីផែនដី ១៩.០០០លានគីឡូម៉ែត្រ ចំណែកគម្លាតជិតបំផុតក្នុងរង្វង់គោចរ ៧០០ឆ្នាំ នឹងរំកិលនៅជិតពន្លឺព្រះអាទិត្យក្នុងចម្ងាយប្រហែល ៥.០០០លានគីឡូម៉ែត្រ ។
ផ្កាយព្រះគ្រោះក្រិន ត្រូវចាត់បញ្ចូលក្នុងក្រុមផ្កាយមានទំហំតូចជាងផ្កាយព្រះគ្រោះទូទៅ ហើយគោចរជុំវិញព្រះអាទិត្យក្នុងរយៈចម្ងាយឆ្ងាយ ដោយក្រុមផ្កាយទាំងនោះធ្វើដំណើររំកិលក្នុងតំបន់មានវត្ថុទូទៅនៅពាសពេញ រួមមានផ្កាយព្រះគ្រោះ តូចៗ ដទៃទៀត ។
បច្ចុប្បន្នអ្នកវិទ្យាសាស្ត្រមានជំនឿថា មានផ្កាយព្រះគ្រោះក្រិនជាច្រើនដួងក្នុងប្រព័ន្ធសុរិយៈរបស់យើង ប៉ុន្តែបានប្រទះឃើញតែប៉ុន្មានដួងប៉ុណ្ណោះ ដោយផ្កាយទាំងនោះត្រូវកាត់បន្ថយទំហំពីផ្កាយព្រះគ្រោះទៅជាផ្កាយព្រះគ្រោះក្រិននៅក្នុងឆ្នាំ២០០៦ ដែលទទួលការជំទាស់ពីអ្នកតារាសាស្ត្រជាច្រើនក្រុមដល់ ។
ផ្កាយព្រះគ្រោះក្រិន «RR245» សង្កេតឃើញជាលើកដំបូងក្នុងខែកុម្ភៈ ឆ្នាំ២០១៦ តាមរយៈរូបថតនៅខែកញ្ញា ២០១៥ ថតដោយប្រព័ន្ធ «OSSOS» ។ គម្រោងការអន្តរជាតិដែលមានភារកិច្ចស្វែងរកភពដែលនៅឆ្ងាយក្នុងលំហអវកាស បានវាយតម្លៃថា អង្កត់ផ្ចិតរបស់ផ្កាយព្រះគ្រោះក្រិននេះមានប្រហែល ៧០០គីឡូម៉ែត្រ ធៀបនឹងអង្គត់ផ្ចិតនៃផែនដីជាមធ្យមប្រហែល ១២.៧៤២,០២គីឡូម៉ែត្រ៕
ចែករំលែកព័តមាននេះ