ខេត្តក្រចេះ ៖ មិនត្រឹមតែបាននាំគ្នាលើកបដានៅតាមតូបលក់ដូរដែលសំបូរទៅដោយភក់ជ្រាំនីមួយៗ ក្នុងជំហរគាំទ្រគម្រោង អភិវឌ្ឍន៍ និងស្នើឱ្យអាជ្ញាធរពន្លឿនគម្រោងការអភិវឌ្ឍន៍ឱ្យទាន់រដូវវស្សាឆ្នាំនេះ ។ អាជីវកទាំងចំនួនជាង១០០នាក់ ក្នុងចំណោមអាជីវករជាង៤០០នាក់ ដែលឈរលើជំហរគាំទ្រការអភិវឌ្ឍន៍ផ្សារអូរប្ញស្សីពេញមួយថ្ងៃទី១៣ កក្កដា បានបន្តនាំគ្នាលើកបដាដល់
ខេត្តក្រចេះ ៖ មិនត្រឹមតែបាននាំគ្នាលើកបដានៅតាមតូបលក់ដូរដែលសំបូរទៅដោយភក់ជ្រាំនីមួយៗ ក្នុងជំហរគាំទ្រគម្រោង អភិវឌ្ឍន៍ និងស្នើឱ្យអាជ្ញាធរពន្លឿនគម្រោងការអភិវឌ្ឍន៍ឱ្យទាន់រដូវវស្សាឆ្នាំនេះ ។ អាជីវកទាំងចំនួនជាង១០០នាក់ ក្នុងចំណោមអាជីវករជាង៤០០នាក់ ដែលឈរលើជំហរគាំទ្រការអភិវឌ្ឍន៍ផ្សារអូរប្ញស្សីពេញមួយថ្ងៃទី១៣ កក្កដា បានបន្តនាំគ្នាលើកបដាដល់មុខសាលាខេត្ត ដើម្បីទាមទារស្នើរសុំឱ្យអាជ្ញាធរពន្លឿន ការសាងសង់ផ្សារមួយនេះ ទៅតាមផែនការរបស់គម្រោង ព្រោះកន្លងមកមានការយឺតយ៉ាវពេក ។
ផ្សារអូរប្ញស្សីដែលគេចាត់ទុកថា ជាផ្ទះផ្សារគ្មានសណ្តាប់ធ្នាប់របៀបរៀបរយកខ្វក់ គ្មានអនាម័យ សម្បូរទៅដោយភក់ជ្រាំទាំងរដូវប្រាំង ក៏ដូចជារដូវវស្សា ។ ការលក់ដូរនិងរស់នៅដោយរបៀបនេះ ក៏ត្រូវបានគេមើលឃើញថា កើតមានឡើងរយះពេលរាប់សិបឆ្នាំដោយ កាលណោះអាជីវករមួយចំនួន បានធ្វើកិច្ចសន្យាខ្ចីដីរដ្ឋតំបន់ផ្សារនេះរស់នៅ និងប្រគល់ឲ្យរដ្ឋវិញ នៅពេលដែលត្រូវការ ។ តែក្រោយមកពលរដ្ឋក៏បានធ្វើការលក់ដូរតៗគ្នាក្លាយជាផ្ទះ ផ្សារគ្មានអនាម័យ និងសណ្តាប់ធ្នាប់បែបនេះ។
នៅស្របពេលដែលក្រុមអាជីវករមួយចំនួនតូច នៅតែមានជំហរជំទាស់ហើយក៏តែង តែរារាំងជាមួយនិងគំរោងការអភិវឌ្ឍន៍សព្វថ្ងៃ ទើបមានអាជីវករចំនួនជាច្រើរយនាក់បានចេញមុខលើកបដាសរសេរជាអក្សរ ក្នុងន័យគាំទ្រគំរោងសាងសង់ផ្សារមួយនេះ ។
រៀបរាប់ឲ្យដឹងទាំងនៅក្នុងផ្សារដែលកំពុងលក់ដូរ ក៏ដូចជានៅនិងមុខសាលាខេត្ត ក្រចេះនៅថ្ងៃទី១៣កក្កដា ក្រុមអាជីវករទាំងចំនួនជាច្រើនរយនាក់នោះ បានរៀបរាប់ ប្រហាក់ប្រហែលគ្នា ដោយសម្តែងការគាំទ្រពេញទំហឹងលើគំរោងសាងសង់និងស្នើរឲ្យ អាជ្ញាធរពន្លឿនការសាង់សង់ ឲ្យដូចការសន្យាថាការសងសង់និងសម្រេចឲ្យរួចរាល់ក្នុង អំឡុងរយះពេល៨ខែ ហើយក៏កុំជឿតាមការលើកឡើងរបស់ក្រុមអាជីវករមួយក្តាប់តូចទាំង នោះ ព្រោះរដូវវស្សាចូលមកដល់ធ្វើឲ្យពួកគាត់ទាំងអស់ពិបាកនិងលក់ដូរ។
តបទៅតាមការទទូចស្នើររបស់អាជីវករទាំងចំនួនជាច្រើរយនាក់នេះ នាយករដ្ឋបាលសាលាខេត្ត និងជាអ្នកនាំពាក្យសាលាខេត្តក្រចេះ លោកស្រីសុភាពបានបញ្ជាក់ថា អាជ្ញាធរបានជម្រុញឱ្យពួកគាត់នៅធ្វើលិខិតស្នើរសុំឱ្យបានត្រឹមត្រូវ ដើម្បីដាក់ជូនលោកអភិបាលខេត្ត ដើម្បីឱ្យស្របពេល ដែលគម្រោងសាងសង់ផ្សារអូរប្ញស្សី របស់អាជ្ញាធរបាននិងកំពុងអភិវឌ្ឍន៍ ដើម្បីកែប្រែតំបន់ផ្សារនោះឱ្យមានសោភណ្ឌភាព អាជ្ញាធរនិងព្យាយាមសម្របសម្រួលក្រុមអាជីវករឱ្យស្រុះស្រួលគ្នាដើម្បីចូលរួមអភិវឌ្ឍន៍ទាំង
អស់គ្នា។
ចែករំលែកព័តមាននេះ