ត្រឹមពាក់កណ្ដាលឆ្នាំ២០១៦ បទល្មើសនេសាទមានជិត១០០ករណី
រាជធានីភ្នំពេញ ៖ ក្នុងឆមាសទី១ដើមឆ្នាំ២០១៦នេះ នៅទូទាំងប្រទេសមានបទស្មើនេសាទ បានកើតឡើងចំនួន៩២ករណី ជនសង្ស័យ៩៨នាក់ ត្រូវបានបញ្ជូនទៅតុលាការ
រាជធានីភ្នំពេញ ៖ ក្នុងឆមាសទី១ដើមឆ្នាំ២០១៦នេះ នៅទូទាំងប្រទេសមានបទស្មើនេសាទ បានកើតឡើងចំនួន៩២ករណី ជនសង្ស័យ៩៨នាក់ ត្រូវបានបញ្ជូនទៅតុលាការ
រាជធានីភ្នំពេញ ៖ ក្នុងឆមាសទី១ដើមឆ្នាំ២០១៦នេះ នៅទូទាំងប្រទេសមានបទល្មើសនេសាទ បានកើតឡើងចំនួន៩២ករណី ជនសង្ស័យ៩៨នាក់ ត្រូវបានបញ្ជូនទៅតុលាការ មនុស្ស៥៤នាក់ត្រូវបានជាប់ពន្ធនាគារ និងផាកពិន័យ។ លោក សំ សត្យា អនុប្រធាននាយកដ្ឋានរដ្ឋបាល និងនីតិកម្ម នៃរដ្ឋបាលជលផល របស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងនៅថ្ងៃទី១៣ ខែកក្កដា ឆ្នាំ២០១៦នេះថា នៅក្នុងឆមាសទី១ដើមឆ្នាំ២០១៦ បទល្មើសនេសាទនៅទូទាំងប្រទេស បានកើតមានចំនួន៩២ករណី ជនសង្ស័យចំនួន៩៨នាក់ ត្រូវបានបញ្ជូនទៅតុលាការ និងមនុស្ស៥៤នាក់បានជាប់ពន្ធនាគារ ។
លោកបានបន្តថា ថ្មីៗនេះក្រសួងកសិកម្ម បានចេញសារចរណែនាំ ដល់សមត្ថកិច្ចជលផលគ្រប់លំដាប់ថ្នាក់ឲ្យចាត់វិធានការ ចំពោះកន្លែងណាដែលប្រើប្រាស់ឧបករណ៍ហាមឃាត់ ត្រូវចុះទៅធ្វើការអប់រំផ្សព្វផ្សាយឲ្យពួកគាត់យល់ដឹងអំពីផលលំបាក នៃការប្រើប្រាស់ឧបករណ៍ខុសច្បាប់ក៏ដូចជាមហន្តរាយនៃធនធានធម្មជាតិផងដែរ។ លោក សំ សត្យា បាន អំពាវនាវដល់ប្រជាពលរដ្ឋក៏ដូចជាសហគមន៍នេសាទទាំងអស់ ត្រូវចូលរួមសហការណ៍គ្នាជួយការពារ និងទប់ស្កាត់ធនធានជលផលរបស់យើងទាំងអស់គ្នា ដើម្បីឲ្យកើតមានសំបូរបែបឡើងវិញសម្រាប់ផ្គត់ផ្គង់ និងដោះស្រាយជីវភាពរស់នៅប្រចាំថ្ងៃរបស់ប្រជាពលរដ្ឋ ។
លោកបន្ថែមទៀតថា រដ្ឋបាលជលផល បានហាមឃាត់ដល់ប្រជានេសាទហាម ប្រើប្រាស់នូវឧបករណ៍ខុសច្បាប់ មួយចំនួនសម្រាប់រដូវបិទ និងរដូវបើកនេសាទចំពោះរដូវបិទនេសាទមានឧបករណ៍ ដែលត្រូវអនុញ្ញាត មានដូចជា ចង្រប កន្សុំ ឈ្នៀងត្រាំ ឈ្នៀងកង តុំ ត្នងជាដើម។ ចំណែកសៃយឺន ឬមងក្រឡាល្អិត គឺមិនអនុញ្ញាតឲ្យប្រើប្រាស់ដាច់ខាត ប៉ុន្តែរបាំងព្រួលអនុញ្ញាតមិនឲ្យលើសពី១០ម៉ែត្រឡើយ ប្រសិនបើទីតាំងនេសាទតូចជាង១០ម៉ែត្រ គិត១ភាគ៣នៃទទឹងមុខព្រែក ប្រឡាយ ឬស្ទឹង ចំពោះមង គឺអនុញ្ញាតឲ្យនេសាទ ប៉ុន្តែកំណត់ប្រវែង មិនឲ្យលើសពី១០០ម៉ែត្រ ទាំងមងពាក់ និងមងបណ្តែតទឹក ។ សូមបញ្ជាក់ថា កម្ពុជាមានសហគមន៍នេសាទប្រមាណជា ៥០០សហគមន៍ ៕
ចែករំលែកព័តមាននេះ