រាជធានីភ្នំពេញ ៖ បុរសម្នាក់បានស្លា.ប់បាត់ជីវិតភ្លាមៗនៅ និងកន្លែងកើតហេតុ ខណៈដែលភ្លើងស្តុបពណ៌ខៀវ រូបគាត់បានបោះពួយម៉ូតូយ៉ាងលឿនទៅបុកម៉ូតូដឹកកញ្ឆេនំប៉័ងមួយគ្រឿងទៀត បើកឆ្លងផ្លូវដោយរំលោ.ភលើស្លាកសញ្ញាចរាចរណ៍នៅពេលដែលភ្លើងស្តុបកំពុងតែក្រហម និងអ្នកដំណើរជាច្រើន កំពុងតែឈប់គ្រប់ៗគ្នានោះ ។
ករណីគ្រោះថ្នាក់ចរាចរណ៍នេះដែរ បានកើតឡើង កាលពីវេលាម៉ោង០៨ និង៤៥នាទីព្រឹក ថ្ងៃទី២៩ ខែមករានេះ នៅចំណុចផ្លូវ ព្រះសីហនុ កែងផ្លូវ១០៥ (ស្តុបសាលាវិទ្យាល័យពនរះយុគន្ធ) ក្នុង សង្កាត់បឹងកេងកងទី២ ខណ្ឌបឹងកេងកង ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសរងគ្រោះដែលស្លា.ប់បាត់បង់ជីវិតមានឈ្មោះ រឹម សាវន់ អាយុ២៦ឆ្នាំ មានទីលំនៅភូមិក្រូច ឃុំជាងដែក ស្រុកកំពង់ត្របែក ខេត្តព្រៃវែង ។
មុនពេលកើតហេតុ បុរសរងគ្រោះបានជិះម៉ូតូម៉ាកហុងដា C125 ស៊េរីឆ្នាំ២០១៦ ពណ៌ខ្មៅ ពាក់ស្លាកលេខភ្នំពេញ១FV- ប្រភពព័ត៍មានពីកន្លែងកើតហេតុបានឱ្យដឹងថា បុរសវ័យចំណាស់ម្នាក់ ជាអ្នកដឹកនំបុ័ងជាប្រចាំថ្ងៃបានរងរបួសស្រាលផ្នែកជើងបន្តិចបន្តួចបានគេចខ្លួនបាត់ស្រមោល គាត់ជិះម៉ូតូឌ្រីមសង់សេ១២៥ ៧៣៣២ មួយគ្រឿងតែម្នាក់ឯងតាមបណ្តយផ្លូវព្រះសីហនុ ក្នុងទិសដីពីលិចទៅកើត ។
លុះមកដល់ចំណុចភ្លើងស្តុបព្រះយុគន្ធខាងលើ ឃើញភ្លើងស្តុបពណ៌ខៀវជាអាទិភាពក៏បានបន្ថែមល្បឿនព្រោះខ្លាចមិនទាន់ (ខា្លចក្រហម) ភ្លាមនោះក៏ស្រាប់តែមានម៉ូតូម៉ាកហ្វដ C1250 សេរី២០០៧ ពណ៌ខ្មៅ ពាក់ស្លាកលេខ ភ្នំពេញ ១J-៨៨២៧ ដែលបើកបរដោយបុរសម្នាក់បើកដឹកកញ្ឆេនំប៉ុងជិះរំលោ.ភលើស្លាកសញ្ញាចរាចរណ៍ (ភ្លើងក្រហម) ចេញពីផ្លូវលេខ១០៥ បុកគ្នាពេញទំហឹងតែម្តង ។
តាមប្រភពដដែលបានប្រាប់បន្តទៀតថា ពេលដែលម៉ូតូទាំងពីរគ្រឿងបុកគ្នាពេញទំហឹង នៅចំណុចភ្លើងស្តុបព្រះយុគន្ធនោះបានបណ្តាលអោយបុរសម្នាក់ស្លា.ប់បាត់បង់ជីវិតភ្លាមៗ នៅ និងកន្លែងកើតហេតុ ចំណែកឯភាគីម្ខាងទៀតបានរងរបួសស្រាលប្រាស់អាយ៉ូស រត់គេចខ្លួនបាត់ស្រមោលបន្សល់ទុកតែម៉ូតូដឹកនំបុ័ងរបស់ខ្លួនប៉ុណ្ណោះ ។
ក្រោយពេលកើតហេតុ កម្លាំងនគរបាលចរាចរណ៍ខណ្ឌបឹងកេងកង ក៏បានចុះទៅដល់កន្លែងគ្រោះថ្នាក់ចរាចរណ៍ខាងលើ និងដឹកសពរបស់បុរសរងគ្រោះដែលស្លា.ប់បាត់បង់ជីវិតយកទៅតម្កល់ទុកនៅវត្តទឹកថ្លា ដើម្បីធ្វើការស្រាវរកក្រុមគ្រួសារ ចំណែកឯម៉ូតូទាំងពីរគ្រឿងក៏បានបញ្ជូនទៅកាន់ការិយាល័យនគរបាលចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីរង់ចាំធ្វើការដោះស្រាយគ្នាជាបន្តទៅទៀត ៕
ចែករំលែកព័តមាននេះ