សព្វថ្ងៃនេះ ហាក់ដូចជាមានការជជែកពិភាក្សាយ៉ាងខ្លាំងអំពីភាពខុសគ្នារវាងពាក្យថា «អ្នកទេសចរ» និង «អ្នកធ្វើដំណើរ» ។ «អ្នកទេសចរ» បានក្លាយទៅជារឿងមួយដែលតែងតែត្រូវបានគេគិតក្នុងផ្លូវអវិជ្ជមានថា
សព្វថ្ងៃនេះ ហាក់ដូចជាមានការជជែកពិភាក្សាយ៉ាងខ្លាំងអំពីភាពខុសគ្នារវាងពាក្យថា «អ្នកទេសចរ» និង «អ្នកធ្វើដំណើរ» ។ «អ្នកទេសចរ» បានក្លាយទៅជារឿងមួយដែលតែងតែត្រូវបានគេគិតក្នុងផ្លូវអវិជ្ជមានថា ជាក្រុមមនុស្សដែលរលាកស្បែក ដោយសារកំដៅថ្ងៃ និងមានដងសែលហ្វីក្នុងដៃជាដើម ។
ផ្ទុយទៅវិញ ពាក្យថា «អ្នកដំណើរ» ត្រូវបានគេសរសើរថា ជាការផ្សងព្រេង ការដកបទពិសោធន៍ និងមានឆន្ទៈក្នុងការដើរចេញពីកន្លែងដែលមានផាសុកភាពរបស់ខ្លួន ។ ទោះយ៉ាងណាក៏ដោយ ក៏មានការអះអាងជាច្រើនដែលសមរម្យសម្រាប់ពាក្យថា «អ្នកទេសចរ»។ ខាងក្រោមនេះ គឺជារឿងត្រឹមត្រូវដែលអ្នកទេសចរបានធ្វើ ៖
អ្នកទេសចរដឹងពីរបៀបកំណត់ពេលវេលារបស់ពួកគេ ៖
ជំនួសឲ្យការខ្ជះខ្ជាយពេលវេលាដ៏មានតម្លៃនិងថវិកា ដោយអង្គុយនៅក្នុងហាងកាហ្វេដែលមានអីុនធើរណេត ហើយព្យាយាមកក់បន្ទប់ ឬដើរវង្វេងជាច្រើនម៉ោងដើម្បីស្វែងរកគោលដៅរបស់ខ្លួននៅក្នុងសៀវភៅណែនាំនោះ អ្នកទេសចរតែងចំណាយពេលវេលារបស់ពួកគេយ៉ាងមានប្រសិទ្ធភាព និងដោយគ្មានការប្រញាប់ប្រញាល់ ជាហេតុធ្វើឲ្យពួកគេមានពេលវេលាគ្រប់គ្រាន់ដើម្បីធ្វើអ្វីដែលពួកគេពិតជាចង់ធ្វើ មិនថានៅកន្លែងណាឡើយ ។
អ្នកទេសចរអាចមានសេរីភាពច្រើន ៖
ក្នុងនាមជាអ្នកដំណើរម្នាក់អាចនឹងជួបសម្ពាធជាច្រើន ដូចជាសម្ពាធក្នុងការស្វែងរកផ្លូវធ្វើដំណើរ សម្ពាធក្នុងការមើលឃើញអ្វីគ្រប់យ៉ាង ក្នុងពេលដំណាលគ្នានឹងបណ្ដាអ្នកធ្វើដំណើរផ្សេងទៀតជាដើម ។ ដោយឡែក អ្នកទេសចរអាចសម្រាកនៅឆ្នេរសមុទ្រយ៉ាងមានក្តីសុខ មានស្រាក្រឡុកនៅក្នុងដៃ និងមានសេរីភាពគ្រប់យ៉ាង ។
អ្នកទេសចរអាចសម្រាកបានយ៉ាងងាយស្រួល ៖
អ្នកធ្វើដំណើរខិតខំយ៉ាងលំបាកក្នុងការសម្លឹងមើលការអនុវត្ត និងដកពិសោធន៍អ្វីៗគ្រប់យ៉ាង ហើយត្រូវធ្វើគ្រប់យ៉ាងដោយគ្មានជំនួយពីផែនទី ឬសៀវភៅណែនាំ ។ ការធ្វើដំណើរកម្សាន្តរបស់ពួកគេក្លាយជាការផ្សងព្រេង ដូច្នេះ អ្នកគួរតែព្យាយាមគេចវេះរឿងទាំងនេះឲ្យបាន ហើយបំពេញតម្រូវការរបស់អ្នកដោយការសម្រាកលំហែកាយ ។
អ្នកទេសចរអាចធ្វើអ្វីដែលពួកគេចង់ធ្វើ ៖
ជនជាតិអាហ្រិ្វកម្នាក់អាចមកជិះដំរីនៅប្រទេសថៃ ឬថតយករូបភាពដ៏គួរឲ្យខ្លាច ។ ដូច្នេះ អ្នកទេសចរគ្មានភាពអាម៉ាស់ឡើយ ប៉ុន្តែនោះជារឿងល្អ និងមិនសូវមានការបារម្ភអំពីការ ធ្វើអ្វីដែលអាចបណ្តាលឲ្យមានភាពអាម៉ាស់អាច ធ្វើឲ្យអ្នកទេសចរធ្វើអ្វីៗដែលពួកគេចង់ធ្វើនៅគ្រប់ពេលវេលា ។
អ្នកទេសចរអាចផ្ដិតរូបភាពល្អៗបំផុត ៖
ជារឿយៗ អ្នកធ្វើដំណើរមិនទុកកាមេរ៉ារបស់ពួកគេក្នុងដៃទេ គឺមិនដូចជាអ្នកទេសចរឡើយ ។ នេះពិតជាមិនល្អនោះទេ ព្រោះពួកគេអាចខកខានមិនបានថតយករូបភាពដ៏ស្រស់ស្អាតនៅជុំវិញខ្លួន ខណៈពួកគេមានត្រឹមតែទូរស័ព្ទដៃប៉ុណ្ណោះក្នុងការថតរូបភាព ។
អ្នកទេសចរអាចចែករំលែកបទពិសោធន៍របស់ពួកគេជាមួយអ្នកដទៃ ៖
បានជួបជាមួយអ្នកស្រុក គឺពិតជាអស្ចារ្យណាស់ ប៉ុន្តែមិនមានន័យថា អ្នកគួរចៀសវាងជួបអ្នកដែលរស់នៅក្នុងប្រទេសរបស់អ្នកឡើយ។ មិនដូចជាអ្នកធ្វើដំណើរ ដែលតូចចិត្តនឹងអ្នកធ្វើដំណើរផ្សេងទៀតនោះទេ អ្នកទេសចរមិនរំពឹងថា នឹងទុកតំបន់ស័ក្ដិសិទ្ធិ និងអច្ឆរិយទាំងឡាយ នៅលើពិភពលោក ដើម្បីខ្លួនឯងឡើយ ។ វាជាការល្អក្នុងការស្គាល់អ្នកថ្មី និងចែករំលែកបទពិសោធន៍របស់អ្នក នៅពេលដែលអ្នកមិនព្យាយាមគេចវេះពីមនុស្សផ្សេងទៀត ដែលកំពុងធ្វើដំណើរជាមួយអ្នក ៕
ចែករំលែកព័តមាននេះ