យោងតាម SPUTNIK ថា ក្រសួងការពារប្រទេសរុស្ស៊ីថ្លែងកាលពីថ្ងៃទី៩ កក្កដា ថា ពួកភេរវករក្រុមរដ្ឋអ៊ិស្លាមបានបា.ញ់ធ្លាក់ឧទ្ធម្ភាគចក្រមួយគ្រឿងផលិតនៅរុស្ស៊ីជារបស់ស៊ីរីនៅជិតទីក្រុងបុរាណ PALMYRE
យោងតាម SPUTNIK ថា ក្រសួងការពារប្រទេសរុស្ស៊ីថ្លែងកាលពីថ្ងៃទី៩ កក្កដា ថា ពួកភេរវករក្រុមរដ្ឋអ៊ិស្លាមបានបាញ់ធ្លាក់ឧទ្ធម្ភាគចក្រមួយគ្រឿងផលិតនៅរុស្ស៊ីជារបស់ស៊ីរីនៅជិតទីក្រុងបុរាណ PALMYRE ដោយសម្លាប់អ្នកបើកជនជាតិរុស្ស៊ី២នាក់ជាគ្រូបង្វឹក ។
ក្រសួងនេះគូសបញ្ជាក់ថា កាលពីថ្ងៃទី៨ កក្កដា អ្នកបើកជាគ្រូបង្វឹកជនជាតិរុស្ស៊ីទាំង២នាក់បានបើកឧទ្ធម្ភាគចក្រមួយគ្រឿងរបស់ស៊ីរីធុន MI-25 ដើម្បីធ្វើការហ្វឹកហ្វឺន ខណៈពួកយុទ្ធជនក្រុមរដ្ឋអ៊ិស្លាមកំពុងធ្វើការវាយប្រហារលើទីតាំងនានារបស់កងទ័ពស៊ីរីនៅជិតទីក្រុង PALMYRE ។ គ្រូបង្វឹករុស្ស៊ីទាំង២នាក់នេះបានទទួលសំណើពីទីបញ្ជាការដ្ឋានកងទ័ពស៊ីរី ដែលរងការវាយប្រហារពីក្រុមរដ្ឋអ៊ិស្លាម ។ ពេលនោះអ្នកបើកជាមេបញ្ជាការលោករីយ៉ាហ្វាហ្គាត ហាប៊ីប៊ូលីន បានសម្រេចជួយធ្វើការវាយប្រហារលើពួកភេរវករ ។ សកម្មភាពដ៏មានប្រសិទ្ធភាពរបស់ក្រុមយានិករុស្ស៊ីអាចធ្វើឱ្យការវាយប្រហាររបស់ពួកភេរវកររងការបរាជ័យ ។ ពេលឧទ្ធម្ភាគចក្រនេះជិតអស់គ្រាប់ ហើយផ្លាស់ប្តូរទិសក៏ត្រូវពួកភេរវករនៅលើដីបាញ់ធ្លាក់ក្នុងតំបន់មួយដែលត្រួតត្រា ដោយកងទ័ពរដ្ឋាភិបាលស៊ីរី ។ សមាជិកក្រុមយានិកទាំង២នាក់បានត្រូវស្លាប់ ។
យោងតាមក្រសួងការពារប្រទេសរុស្ស៊ីថា អ្នកបើកឧទ្ធម្ភាគចក្រដែលស្លាប់ទាំង២រូបនេះ លោករីយ៉ាហ្វាហ្គាត ខាប៊ីប៊ូលីន និងលោកយេវហ្សេនី ដុលហ្គីន នឹងទទួលគ្រឿងឥស្សរិយយសបច្ចាមរណៈ ៕
ចែករំលែកព័តមាននេះ