វិចិត្រករជនជាតិបារាំងលោក Jean-Marc Cote បានធ្វើឱ្យមហាជនចាប់អារម្មណ៍ខ្លាំងលើស្នាដៃគំនូររបស់លោកដែលមានឈ្មោះថា «France in the Year 2000» ឬ «ប្រទេសបារាំងនៅឆ្នាំ២០០០» ។
ក្រៅពីលោក Jean-Marc Cote មានវិចិត្រករបារាំងច្រើននាក់ផ្សេងទៀតនៅអំឡុងឆ្នាំ១៨៩៩, ១៩០០, ១៩០១ និងឆ្នាំ១៩១០ បានបង្ហាញពីទស្សនវិស័យ ឬការស្រមើស្រមៃចំពោះសកម្មភាពមួយចំនួន និងជីវិតរស់នៅរបស់សង្គមមនុស្សនៅឆ្នាំ២០០០ ។
ការស្រមើស្រមៃរបស់វិចិត្រករបារាំងទាំងនោះបង្ហាញតាមរយៈរូបបានពាក់ព័ន្ធទៅនឹងគំនូរដូចជាការហោះហើរទ្រង់ទ្រាយ ផ្សេងៗ ឧបករណ៍មេកានិក ការស្និទ្ធស្នាលរវាងជីវិតសត្វសមុទ្រ និងមនុស្ស ការកាត់ដេរ ការតុបតែងមុខ របស់នារី និងការកាត់សក់ដោយម៉ាស៊ីនជាដើម ។
ក្រៅពីទស្សន៍ទាយពីជីវិតរស់នៅនាឆ្នាំ២០០០ រូបគំនូរទាំងនោះបានឆ្លុះបញ្ចាំងពីទិដ្ឋភាពក្នុងសង្គមបច្ចុប្បន្នផងដែរត្រង់គំនូរបង្ហាញពីម៉ាស៊ីនធ្វើកសិកម្ម និងឧទ្ធម្ភាគចក្រ ៕
ចែករំលែកព័តមាននេះ