គណបក្សប្រឆាំងបន្តទទូច ឱ្យមានការដោះលែងមន្ត្រី និងសកម្មជនជាប់ពន្ធនាគារ
រាជធានីភ្នំពេញ ៖ តំណាងគណបក្សសង្គ្រោះជាតិ នៅថ្ងៃទី៨ ខែកក្កដា បានលើកឡើងថា រាជរដ្ឋាភិបាលដឹកនាំដោយគណបក្ស
ប្រជាជនកម្ពុជា ល្មមដល់ពេល
រាជធានីភ្នំពេញ ៖ តំណាងគណបក្សសង្គ្រោះជាតិ នៅថ្ងៃទី៨ ខែកក្កដា បានលើកឡើងថា រាជរដ្ឋាភិបាលដឹកនាំដោយគណបក្ស
ប្រជាជនកម្ពុជា ល្មមដល់ពេល
រាជធានីភ្នំពេញ ៖ តំណាងគណបក្សសង្គ្រោះជាតិ នៅថ្ងៃទី៨ ខែកក្កដា បានលើកឡើងថា រាជរដ្ឋាភិបាលដឹកនាំដោយគណបក្ស
ប្រជាជនកម្ពុជា ល្មមដល់ពេលដោះលែងសមាជិកព្រឹទ្ធសភា សមាជិករដ្ឋសភា និងសកម្មជនរបស់ខ្លួនឱ្យមានសេរីភាពឡើងវិញ ដើម្បីធ្វើឱ្យស្ថានភាពនយោបាយល្អប្រសើរ ។ ការលើកឡើងរបស់ថ្នាក់ដឹកនាំបក្សសង្គ្រោះជាតិបែបនេះគឺបន្ទាប់ពីបានចូលជួបលោក ហុង សុខហួរ លោក អ៊ុំ សំអាន និងលោក ស៊ាង ចែត នៅពន្ធនាគារព្រៃស ។
លោក សុន ឆ័យ បានលើកឡើងថា នៅពេលមានសេរីភាពវិញ នឹងធ្វើការងារអ្វីដោយមានការប្រុងប្រយ័ត្នជាងមុន ។ កត្តាដែលល្មមដល់ពេលដោះស្រាយនោះ ដោយសារមានប្រតិកម្មពីសំណាក់អន្តរជាតិ ។ កន្លងមកនេះ មានប្រទេសដែលបានផ្តល់ជំនួយនិងចូលរួមកសាងប្រទេសកម្ពុជា បានស្នើឱ្យរាជរដ្ឋាភិបាលកែលម្អស្ថានភាពនយោបាយឱ្យប្រសើរឡើងវិញ ។
លោក សុន ឆ័យ តំណាងរាស្ត្រគណបក្សសង្គ្រោះជាតិមណ្ឌលភ្នំពេញ នៅព្រឹកថ្ងៃទី៨ ខែកក្កដា បានដឹកនាំក្រុមអ្នកតំណាងរាស្ត្រជាង១០រុប ទៅសួរសុខទុក្ខតំណាងរាស្ត្រនិងសកម្មជនគណបក្សនេះ ដែលកំពុងជាប់ឃុំឃាំងនៅពន្ធនាគារព្រៃស ។ រួមដំណើរនៅព្រឹកថ្ងៃនោះដែរមាន លោក យ៉ែម បុញ្ញឫទ្ធិ លោក អេង ឆៃអ៊ាង លោក អ៊ូ ច័ន្ទឫទ្ធិ លោក ហូរ វ៉ាន់ និងលោក យឹម សុវណ្ណ ។
ក្រុមតំណាងរាស្ដ្រគណបក្សសង្គ្រោះជាតិបានជួបជាមួយលោក ហុង សុខហួរ សមាជិកព្រឹទ្ធសភា លោក អ៊ុំ សំអាន សមាជិករដ្ឋសភានិងលោក ស៊ាង ចែត មេឃុំស្រក ។ រហូតមកដល់ពេលនេះ មានសកម្មជននិងតំណាងរាស្ត្រគណបក្សប្រឆាំង សរុបជិត២០រូប កំពុងស្ថិតនៅក្នុងពន្ធនាគារ ។
លោក សុន ឆ័យ បានលើកឡើងថា អ្នកទោសមានសមាជិកព្រឹទ្ធសភា តំណារាស្ត្រ និងសកម្មជន កំពុងមានបញ្ហាសុខភាព កើតរមាស់ជាដើម ។ ក្នុងនោះក៏មានការលំបាកក្នុងការប្រើប្រាស់ពេលវេលា សូម្បីតែចេញមកខាងក្រៅ ក៏មានការកំណត់និងមានការហាមឃាត់មិនឱ្យជជែកគ្នានៅក្នុងគុក ដែលទាំងនោះជាការចម្លែកដែរ ។
លោក សុន ឆ័យ បានថ្លែងប្រាប់អ្នកកាសែតថា ឆ្មាំគុកមិនអនុញ្ញាតឱ្យសមាជិកព្រឹទ្ធសភានិងសមាជិករដ្ឋសភាជជែកគ្នាជាដាច់ខាត ។ លោក ហុង សុខហួរ និងលោក អ៊ុំ សំអាន ត្រូវបានគេរារាំងមិនឱ្យនិយាយរកគ្នា មិនដឹងថាមានមូលហេតុអី្វ ។ អ្នកទោសកំពុងជួបប្រទះការខ្វះខាតទឹកប្រើប្រាស់ មានជំងឺរមាស់ លំបាករស់នៅ ។ ចំណែកមេឃុំ ស៊ាង ចែត វិញ បានសម្រក់ទឹកភ្នែកគួរឱ្យអាណិតណាស់ គាត់គ្មានទោស បែរជាយកគាត់មកដាក់ទោសដូចជាមានទោសឧក្រិដ្ឋ ។
លោក សុន ឆ័យ បានលើកឡើងទៀតថា លោក ស៊ាង ចែត បានស្រែកយំពេលក្រុមតំណាងរាស្ត្របានជួបនៅក្នុងពន្ធនាគារ ព្រោះ
អស់រយៈពេល២ខែហើយ មិនដែលបានជួបមុខភរិយារបស់គាត់ទេ ។ ចំពោះហេតុផលយ៉ាងណានោះជារឿងផ្សេង តែគាត់មិនដែលបានជួបមុនប្រពន្ធរបស់គាត់សោះ ។ គាត់បានជួបតែមេធាវីការពារក្តី និងជាលើកដំបូងដែលថ្នាក់ដឹកនាំគណបក្សសង្គ្រោះជាតិបានមកជួបគាត់នាពេលនេះ ។
លោក សុន ឆ័យ បានរៀបរាប់ពីការលំបាករបស់មេឃុំ ស៊ាង ចែត ថា គាត់មិនសូវបានចេញក្រៅបន្ទប់ឃុំឃាំងទេ ។ យូរៗម្តង រយៈពេល១ម៉ោង ត្រូវបានគេអនុញ្ញាតឱ្យចេញក្រៅព្រោះគេថារវល់ ពេលខ្លះជាថ្ងៃបុណ្យឬឈប់សម្រាក ។ លោកមេឃុំមានអារម្មណ៍ពិបាកណាស់ ដែលគាត់ត្រូវដោះស្រាយបញ្ហាជីវភាពគ្រួសារគាត់ តែស្មារតីរបស់គាត់នៅតែមានភាពរឹងមាំដែលធ្វើឱ្យថ្នាក់ដឹកនាំរំភើប។
លោក ស៊ាង ចែត ជាមេឃុំស្រក ស្រុកកំពង់សៀម ខេត្តកំពង់ចាម ត្រូវបានអង្គភាពប្រឆាំងអំពើពុករលួយ ចាប់ឃាត់ខ្លួនកាលពីខែមេសា ពីបទសូកប៉ាន់សាក្សីក្នុងសំណុំរឿងខ្សែអាត់សំឡេងស្នេហាលោក កឹម សុខា និងត្រូវជាឪពុកមារបស់នាង ខុម ចាន់តារាទី ហៅស្រីមុំ តួឯកក្នុងខ្សែអាត់សំឡេងសាសងស្នេហ៍។ គាត់ត្រូវបានចោទប្រកាន់និងឃុំខ្លួនរហូតមកដល់បច្ចុប្បន្ន ជាមួយនេះបុគ្គលិកអង្គការអាដហុកចំនួន៤រូប និងមន្ត្រីគណៈកម្មាធិការជាតិរៀបចំការបោះឆ្នោត(គ.ជ.ប)១រូប ក៏ត្រូវបានជាប់ចោទនិងជាប់ឃុំដែរ ។
លោក សុន ឆ័យ បានលើកឡើងថា លោកមេឃុំ ស៊ាង ចែត និយាយថា គាត់មានការបារម្ភក្នុងនាមជាមេឃុំជាប់ឆ្នោត តែមិនអាចជួយដល់ពលរដ្ឋក្នុងឃុំរបស់គាត់ ដែលកំពុងជួបការលំបាក ។ ការមកសាកសួរសុខទុក្ខនៅពេលនេះ អ្វីដែលកើតឡើងចំពោះសកម្មជនគណបក្សនិងសមាជិកសភា ព្រឹទ្ធសភានៅពេលនេះ វាល្មមដល់ពេលដោះស្រាយឱ្យគាត់មានសេរីភាពវិញហើយ ។
លោក សុន ឆ័យ លើកឡើងទៀតថា បញ្ហាទាំងនេះកើតឡើងដោយសារនយោបាយ បើរាជរដ្ឋាភិបាលគណបក្សកាន់អំណាចធ្វើនេះដើម្បីឱ្យអ្នកទាំងនោះបញ្ឈប់សកម្មភាពណាដែលធ្វើឲ្យរាជរដ្ឋាភិបាលមិនសប្បាយចិត្ត ប្រហែលជាពួកគាត់នឹងមិនទៅធ្វើទង្វើអ្វីដែលធ្វើឱ្យរាជរដ្ឋាភិបាលមិនសប្បាយចិត្តទៀតទេ ។
លោក សុខ ឥសាន អ្នកនាំពាក្យគណបក្សប្រជាជនកម្ពុជា បានថ្លែងប្រាប់កោះសន្តិភាពតាមទូរស័ព្ទថា ការលើកឡើងរបស់របស់លោក សុខ ឆ័យ ជាការគួរឱ្យហួសចិត្តព្រោះដូចជាមិនទទួលស្គាល់ថាសមាជិករដ្ឋសភា សមាជិកព្រឹទ្ធសភា និងសកម្មជនរបស់គាត់បានប្រព្រឹត្តខុស បែរជាសុំឱ្យដោះលែងទៅវិញស្រួលៗបែបនេះ ម៉េចនឹងកើតទៅ ។
លោក សុខ ឥសាន បានលើកឡើងថា លោក សុន ឆ័យ គួរតែទៅស្វែងរកមេធាវីណាពូកែតតាំងជាមួយចៅក្រមតុលាការ ព្រោះការឃុំខ្លួនសុទ្ធតែមានដីកាពីតុលាការដែលជាស្ថាប័នអនុវត្តច្បាប់ មិនមែនចង់លែងបានដូចគាត់ថានោះទេ ។ បើចេះតែលែង តើនិទណ្ឌភាពនរណាទទួលខុសត្រូវ ៕
ចែករំលែកព័តមាននេះ