បន្ទាយមានជ័យ ៖ នេះជាលើកទី៥ហើយ ដែលមន្ត្រីរាជការ និងកងកម្លាំងប្រដាប់វុធបានដាំដើមឈើលើដីព្រៃលិចទឹកតំបន់៣ នៅថ្ងៃ២៣ ខែមករា ឆ្នាំ២០២២ ក្នុងភូមិសាស្ត្រ ខេត្តបន្ទាយមានជ័យ ។
ដឹកនាំការដាំកូនឈើស្តាឡើងវិញ ព្រៃលិចទឹកតំបន់បី ដែលត្រូវជនខិលខូចបានរុករានទន្ទ្រានយកយកធ្វើកម្មសិទ្ធអាស្រ័យផល ត្រូវបានដកហូតមកវិញ ក្នុងភូមិសាស្ត្រ ខេត្តបន្ទាយមានជ័យ ដែលមានការចូលរួមពី ឯកឧត្តម ខេង ស៊ុម ប្រធានក្រុមប្រឹក្សាខេត្ត និងឯកឧត្តម អ៊ុ រាត្រី អភិបាលខេត្តបន្ទាយមានជ័យ និងមន្ត្រីរាជការកងកម្លាំងប្រដាប់អាវុធជាច្រើននាក់ ។
ឯកឧត្តម អ៊ុ រាត្រី បានប្រាប់ថា ៖ នេះជាលើកទី៥ហើយ ដែលមន្ត្រីរាជការ និងកងកម្លាំងប្រដាប់អាវុធខេត្តបន្ទាយមានជ័យបានចូលរួមដាំកូនឈើស្តាឡើងវិញ ដីព្រៃលិចទឹកតំបន់៣ ក្នុងភូមិសាស្ត្រខេត្តបន្ទាយមានជ័យ មានស្រុកព្រះនេត្រព្រះ និងស្រុកមង្គលបូរី ដែលមានកូនឈើចម្រុះចំនួន១.៥០០ដើម មានឫស្សីផ្អែម ទាំងទឹកគ្រាប់ត្នោត។
ឯកឧត្តមបានបញ្ជាក់ថា ៖ បន្ទាយមានជ័យដីព្រៃលិចទឹកតំបន់៣មានផ្ទៃដី១២.២៧៩ហិកតា នៅក្នុងភូមិសាស្ត្រ ស្រុកព្រះនេត្រព្រះមានឃុំប្រាសាទ ឃុំភ្នំលៀប ស្រុកមង្គលបូរី ឃុំសំបួរ ដែលត្រូវបានរុករានទន្ទ្រានដីព្រៃលិចទឹកមានផ្ទៃដី៥.៣៥០ហិកតាដែលកំពុងស្ថាឡើងវិញនិងដាំកូនឈើនេះជាលើក៥ហើយ មានកូនឈើចម្រុះជិត២ម៉ឺនដើម៕
ចែករំលែកព័តមាននេះ