រាជធានីភ្នំពេញ ៖ តារាចម្រៀងសន វិជ្ជបុត្រ នៅតែទទួលបានកិច្ចការផ្នែកមនុស្សធម៌ ដោយលោកត្រូវបានខ្មែរអាណិកជននៅក្រៅស្រុក ជឿទុកចិត្តក្នុងការពាំនាំយកអំណោយនានា ដល់ដៃជនក្រីក្រចាស់ជរាយ៉ាងពិតប្រាកដ គ្មានការក្លែងបន្លំ ។ យ៉ាងណា លោកទើបតែសម្រេចបានផែនការចុះចែកអំណោយ កាលពីពេលថ្មីៗនេះ នៅលើទឹកដីខេត្តព្រៃវែង ។
រាជធានីភ្នំពេញ ៖ តារាចម្រៀងសន វិជ្ជបុត្រ នៅតែទទួលបានកិច្ចការផ្នែកមនុស្សធម៌ ដោយលោកត្រូវបានខ្មែរអាណិកជននៅក្រៅស្រុក ជឿទុកចិត្តក្នុងការពាំនាំយកអំណោយនានា ដល់ដៃជនក្រីក្រចាស់ជរាយ៉ាងពិតប្រាកដ គ្មានការក្លែងបន្លំ ។ យ៉ាងណា លោកទើបតែសម្រេចបានផែនការចុះចែកអំណោយ កាលពីពេលថ្មីៗនេះ នៅលើទឹកដីខេត្តព្រៃវែង ។
ផ្ទះមួយខ្នងដែលមានតម្លៃជិត១ពាន់ដុល្លារ ត្រូវបានតារាចម្រៀងសន វិជ្ជបុត្រ សង់ជូនគ្រួសារក្រីក្រមួយ ស្ថិតក្នុងភូមិកំពង់ស្លែង ឃុំ ធាយ ស្រុកបាភ្នំខេត្តព្រៃវែង ។ វិជ្ជបុត្រ បញ្ជាក់ថា ក្រុមគ្រួសារខាងលើ ជាក្រុមគ្រួសារមួយដែលក្រីក្រ និងវេទនាជាងគេ ក្នុងភូមិព្រោះប្តី-ប្រពន្ធទាំង២ សុទ្ធតែមានវ័យជាង៨០ឆ្នាំ ហើយពិការ ។ លោកតា បានធ្លាក់ខ្លួនពិការបាក់ឆ្អឹងខ្នង ដោយសារគ្រោះថ្នាក់ចរាចរណ៍ជាង១០ឆ្នាំមកហើយដោ យពឹងថា លោកយាយជាប្រពន្ធក្នុងអាជីពបេះស្លឹកថ្នឹងលក់ និងគ្មានផ្ទះត្រឹមត្រូវជ្រកឡើយ ។
លោកបន្តថា ដោយមើលឃើញពីភាពលំបាកបែបនេះ ក៏បានអំពាវនាវពីសំណាក់សប្បុរជនទាំងអស់ឱ្យជួយ ក្រោយមកក៏មានសមាគមខ្មែរ-អូស្ត្រាលី ជួយដែលផ្ញើប្រាក់ឱ្យលោកជាអ្នកចាត់ចែង ។ លោកនៅតែបន្តថា សមាគមខ្មែរអូស្ត្រាលី ដែលមានលោកជា យូហ៊ាន ជាប្រធាន មិនត្រឹមតែជួយសង់ផ្ទះឱ្យយាយ-តាខាងលើទេ ថែមទាំងជួយជីកអណ្តូងទឹកនៅសាលាឆទានមួយទៀតថែមទៀត ស្ថិតក្នុងភូមិមេសាង ឃុំរំដេង ស្រុកមេសាងខេត្តព្រៃវែង ។
តាមការលកើឡើងរបស់លោកវិជ្ជបុត្រ ការជួយសង់ផ្ទះឱ្យជនក្រីក្រ ក៏ដូចជាជីកអណ្តូងខាងលើ មិនមែនជាការជួយជាលើកទី១របស់លោកឡើយ ។ លោកធ្លាប់ដើរសង់ផ្ទះជីកអណ្តូង ក៏ដូចជាជួសជុលសាលារៀនមួយខ្នងនៅខេត្តក្រចេះ អស់ប្រាករាប់ពាន់ដុល្លារ ដោយថ្មីៗនេះ លោកទើបតែជីកអណ្តូងឲ្យគ្រួសារក្រីក្រមួយនៅខេត្តតាកែវ ។ លោកនិយាយថា លោកមិនមានលុយច្រើនទេ ប៉ុន្តែមានឆន្ទៈជួយជនក្រីក្រ ។ ទោះតិចឬច្រើន សំខាន់ឱ្យតែជនក្រីក្រពិតប្រាកដ ហើយចង់ឱ្យលោកជួយ គឺខ្នះខ្នែងជូនដោយសន្យាជួយរកសប្បុរជនតាមលទ្ធភាពជាក់ស្តែង ។
លោកសន វិជ្ជបុត្រ នៅតែតាំងចិត្តថា ទោះថ្ងៃក្រោយលោករៀបការមានអនាគត ក៏នៅតែជួយតាមលទ្ធភាព ចំពោះអ្នកដែលខ្វះខាត ព្រោះលោកចង់សាងអំពើល្អ ក្នុងសង្គមទុកឱ្យកូនចៅមើលជាគំរូថា មនុស្សស្លាប់ទៅគ្មានសល់អ្វីទេ មានតែអំពើល្អនោះទេដែលមិនសាបសូន្យ កើតជាមនុស្ស គឺចេះជួយគ្នា ។
ចែករំលែកព័តមាននេះ